स्मार्ट वॉर रूम, क्‍लिनिक प्रकल्प राबविले - अग्रवाल पुणे - ‘सार्वजनिक प्रवासी वाहतुकीसाठी ई-बस, महापालिकांच्या रुग्णालयांसाठी हेल्थ मॅनेजमेंट सिस्टिम, ई-स्कूल, प्लेसमेकिंग पार्क, स्मार्ट क्‍लिनिक आदी प्रकल्प शहरासाठी राबविता आले. तसेच, कोरोनाच्या काळात रुग्ण व्यवस्थापनासाठी स्मार्ट सिटीची वॉर रूम २४ तास ॲक्‍टिव्ह ठेवू शकले, ही समाधानाची बाब आहे,’ असे प्रतिपादन पुणे स्मार्ट सिटीच्या मावळत्या मुख्य कार्यकारी अधिकारी रुबल अग्रवाल यांनी ‘सकाळ’शी बोलताना केले. - ताज्या बातम्यांसाठी डाऊनलोड करा ई-सकाळचे ऍप महापालिकेच्या अतिरिक्त आयुक्त अग्रवाल यांच्याकडे गेल्यावर्षी १५ नोव्हेंबर रोजी स्मार्ट सिटीच्या मुख्य कार्यकारी अधिकारी पदाचा अतिरिक्त कार्यभार राज्य सरकारने सोपवला होता. दहा महिन्यांतील कार्यकाळाबाबत अग्रवाल म्हणाल्या, ‘‘स्मार्ट सिटीचा कार्यभार नोव्हेंबरमध्ये स्वीकारल्यावर मार्चपासून कोरोनाचे संकट शहरावर ओढवले. स्मार्ट सिटीची कमांड अँड कंट्रोल रूम कार्यरत करून कोरोनासाठी वापरता आली. तसेच, १२५ ई-बससाठी स्मार्ट सिटीने निधी दिला. समान पाणी पुरवठा योजनेचेही काम मोठ्या प्रमाणात मार्गी लागले आहे. तर औंध, बाणेर, बालेवाडीमध्ये शून्य कचरा संकल्पना राबविता आली. - पुण्याच्या बातम्या वाचण्यासाठी येथे ► क्लिक करा महिलांसाठी व्यायामशाळा, जलतरण तलाव हे प्रकल्पही पूर्ण झाले आहेत. पु. ल. देशपांडे उद्यानात राष्ट्रीय स्तरावरील कलाग्राम साकारण्यात येत आहे. प्लेसमेकिंग, सामुदायिक शेती, हॅपी स्ट्रिटच्या धर्तीवर ४० पैकी २६ किलोमीटर रस्त्यांचेही काम पूर्ण झाले आहे.’’ Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/33kEi0y