विद्यापीठ परीक्षेसाठी एजन्सी निवडीचा निर्णय एक दोन दिवसात होणार पुणे - सावित्रीबाई फुले पुणे विद्यापीठाच्या अंतिम वर्षाच्या ऑनलाइन परीक्षा घेण्यासाठी एजन्सीची निवड कधी होते याकडे लाखो विद्यार्थ्यांचे लक्ष लागलेले असताना आजच्या (मंगळवार) खरेदी समितीच्या (पर्चेस कमिटी) बैठकीमध्ये यावर निर्णय होऊ शकला नाही, आलेल्या प्रस्तावांवर तांत्रीक चर्चा करण्यात आली. पुढील एक दोन दिवसात याबाबत निर्णय होणार असला तरी परीक्षेच्या प्रक्रियेस आणखी विलंब होणार आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा पुणे विद्यापीठाने अंतिम वर्षाच्या परीक्षा बहुपर्यायी प्रश्‍न (मल्टिपल च्वाईस क्वेश्‍चन-एमसीक्‍यू) पद्धतीने ऑनलाइन व ऑफलाइन परीक्षा घेतली जाणार आहे. पुणे, नगर व नाशिक जिल्ह्यातील सुमारे 1 लाख 89 हजार विद्यार्थ्यांनी ऑनलाइनचा पर्याय निवडला आहे. सुमारे 40 हजार विद्यार्थ्यांनी ऑफलाइन परीक्षा देण्याचा निर्णय घेतला आहे. "एमसीक्‍यू' पद्धतीने ऑनलाइन परीक्षा घेण्यासाठी एजन्सीची नेमणूक आवश्‍यक असल्याने पुणे विद्यापीठाने निविदा प्रक्रिया राबविली होती. त्यामध्ये वर्षाला किमान 30 कोटी रुपयांची उलाढाल असावी, एका वर्षात किमान 3 लाख तर एका सत्रात 20 हजार विद्यार्थ्यांची परीक्षा घेण्याचा अनुभव असावा अशा अटी टाकल्या होत्या. सिंहगड कोविड केअर सेंटरमध्ये 'ती' गेल्या सहा महिन्यांपासून लावतेय जिवाची बाजी 28 सप्टेंबर रोजी निविदेची मुदत संपल्यानंतर यामध्ये चार संस्थांनी सहभाग घेतल्याचे स्पष्ट झाले, पण काही तांत्रीक कारणांमुळे ही या निविदा उघडण्यात आल्या नव्हत्या. त्यावर आजच्या (मंगळवारी) पर्चेस कमिटीच्या बैठकीत चर्चा करण्यात आली. पण यामध्ये कोणत्या एजन्सीला काम द्यायचे यावर शिक्कामोर्तब होऊ शकले नाही. या कंपन्या मुंबईतील असल्याने त्यांना सादरीकरणासाठी आणखी काही वेळ द्यावा लागणार आहे अशी चर्चा बैठकीत झाली. त्यामुळे एजन्सी निवडीबाबत बुधवारी किंवा गुरुवारी बैठक घेतली जाणार आहे. त्यामुळे परीक्षेची पुढची कार्यवाही करण्यासही आणखी दोन दिवसांची विलंब होणार आहे. 35 व्या वर्षी केला गुन्हा आणि 55 व्या वर्षी सापडला पुणे विद्यापीठाने 1 ऑक्‍टोबर पासून परीक्षा घेण्याचा निर्णय घेतला होता, पण परीक्षेची तयारी पूर्ण न झाल्याने आता 12 ऑक्‍टोबर पासूनच नियमित व बॅकलॉगच्या विषयांचे पेपर होणार आहेत. 'पर्चेस कमिटीच्या बैठकीत ऑनलाइन परीक्षा घेण्यासाठी आलेल्या निवीदेबाबत तांत्रीक चर्चा झाली, यामध्ये आणखी व्यवस्थित चर्चा होणे गरजेचे आहे. पुढील बैठक येत्या दोन दिवसांमध्ये होऊन यावर निर्णय होईल.'' - राजेश पांडे, सदस्य, व्यवस्थापन समिती Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/3kWBttB