या जिल्ह्यात वीस हजारांवर गायी, म्हशींचे कृत्रीम रेतन औरंगाबाद : गायी , म्हशींच्या दुधात वाढ करण्यासाठी आणि उत्तम प्रतिच्या दुधाळ गायी, म्हशींची पैदास करण्यासाठी जिल्ह्यात राष्ट्रीय कृत्रीम रेतन कार्यक्रमाचा दुसरा टप्पा राबवण्यात येणार आहे. या महिन्यापासून दुसरा टप्पा सुरू झाला असून ३१ मे २०२१ पर्यंत पैदासक्षम गायी, म्हशींचे कृत्रीम रेतन करण्यात येणार आहे. आतापर्यंत पहिल्या टप्प्यात जिल्ह्यातील ३०२ गावांमध्ये २० हजार ६६१ पैदासक्षम गायी, म्हशींचे कृत्रीम रेतन करण्यात आले आहे. राष्ट्रीय गोकुळ मिशन अंतर्गत हे कृत्रीम रेतन करण्यात येणार आहे. याविषयी जिल्हा परिषदेचे उपाध्यक्ष तथा पशुसंवर्धन समिती सभापती एल. जी. गायकवाड यांनी सांगितले, की सध्या देशात एकून पैदासक्षम गायी, म्हशींपैकी फक्त ३० टक्केंचे कृत्रीम रेतन केले जाते. औरंगाबादच्या इतर बातम्या वाचण्यासाठी - क्लिक करा यामुळे ५० टक्के कमी कृत्रीम रेतनाची व्याप्ती असलेल्या राज्यातील औरंगाबादसह ३३ जिल्ह्यात या कार्यक्रमाचा दुसरा टप्पा राबवण्यात येत आहे. पशुपालकांच्या दारात दर्जेदार कृत्रीम रेतन सुविधा पुरवणे, अनुवंशिकदृष्ट्या उत्तम दर्जाच्या गायी, म्हशींची निर्मिती करणे, पशुपालकांच्या उत्पादनात वाढ करणे, अधिकाधिक पशुपालकांना कृत्रिम रेतन तंत्रज्ञानाचा अवलंब करण्यास प्रवृत्त करणे हा या कार्यक्रमाचा मुख्य उद्देश आहे. जिल्हा सहकारी दुध संघ व अन्य स्वयंसेवी संस्थांच्या मदतीने जिल्हाधिकाऱ्यांच्या नियंत्रणाखाली सनियंत्रण समिती या कार्यक्रम राबवणार आहे. तर जिल्हा परिषदेच्या पशुसंवर्धन अधिकारी जिल्ह्याचे नोडल अधिकारी आहेत. मराठवाड्याच्या इतर बातम्या वाचण्यासाठी - क्लिक करा पशुधनासोबतच दुग्ध उत्पादनात वाढ जिल्हा परिषदेचे जिल्हा पशुसंवर्धन अधिकारी डॉ. डी.एस. कांबळे या योजनेविषयी म्हणाले, या योजनेत उच्च दर्जाच्या वळूंचे सिमेन वापरून जिल्ह्यात किमान ५ हजार कृत्रिम रेतने करण्यात येतील. यातुन सुमारे १ हजार ६६७ उच्च प्रतिची वासरे होतील, यापैकी ८३३ कालवडी, वाघारींचे तीन वर्षानंतर गायी, म्हशींमध्ये रूपांतर होईल. यातून पशुधन वाढीसोबतच दुध उत्पादनात वाढ होणार आहे. शिवाय देशी जातीच्या पशुधनाचीही वाढ होण्यास मदत होईल असा त्यांनी विश्‍वास व्यक्त केला. महाराष्ट्रातील इतर बातम्या बाचण्यासाठी - क्लिक करा News Story Feeds https://ift.tt/eA8V8J

via News Story Feeds https://ift.tt/3iPMn3l