‘ॲप’निंग : ‘ट्‌विटर’ला भारतीय पर्याय भारत-चीन संघर्षाच्या पार्श्वभूमीवर स्वदेशी ॲप वापराची चळवळच सुरू झाली आणि अनेकजण देशी ॲपचा शोध घेऊ लागले. सध्या अनेकजण स्वदेशी बनावटीचे ॲप वापरण्यावर भर देत आहेत. साहजिकच भारतीय बनावटीचे नवनवीन ॲप उपलब्ध होत आहेत. आता ‘ट्‌विटर’ला पर्याय म्हणून भारतीय बनावटीचे ‘कू’ इंडिया नावाचे ॲप लाँच झाले आहे. हे ॲप लोकप्रिय होत असून, ते पूर्णपणे मोफत आहे. मायक्रोब्लॉगिंग साइट ‘ट्‌विटर’सारखे हे भारतीय ॲप आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा मातृभाषेत पोस्ट करण्याची सुविधा ’कू’ ॲप ‘प्ले स्टोअर’वर उपलब्ध आहे. भारतात आता लॅंग्वेज बेस्ड मायक्रोब्लॉगिंग प्लॅटफॉर्म हळूहळू वाढत असून, अशा वेळी ‘कू’ ॲप लाँच करण्यात आले आहे. भारतीयांना आपल्या भाषेत पोस्ट शेअर करण्यासाठी यामुळे प्लॅटफॉर्म मिळणार आहे. भारतात सध्या सर्वाधिक लोक इंग्रजीऐवजी मातृभाषेत पोस्ट करणे किंवा मत व्यक्त करण्याला प्राधान्य देतात. ‘कू’ ॲपवरूनही मातृभाषेत पोस्ट करता येतील आणि ट्रेंड पाहता येतील. ‘कू’ ॲप हे ‘ट्‌विटर’सारखेच असून यामध्ये पोस्टसोबत फोटो आणि व्हिडिओसुद्धा ॲड करता येतो. ‘‘ट्‌विट’प्रमाणेच इथेही फॉलोअर्स, कमेंट, लाइक हे पर्याय आहेत. तसेच ऑडिओ, व्हिडिओ आणि टेक्‍स्ट असे तीन पर्याय पोस्ट करण्यासाठी मिळतात. सेलेब्रिटींकडूनही वापर सुरुवातीला हे ॲप चार भाषांमध्ये लाँच करण्यात आले होते. हिंदी, तमीळ, कन्नड आणि तेलुगू भाषेत असलेले हे ॲप नंतर मराठी, गुजराती, आसामीसह इतर भाषांमध्येही उपलब्ध करण्यात आले. ‘कू’ ॲप अँड्रॉइड आणि आयओएस अशा दोन्ही यूजर्ससाठी उपलब्ध असून या ॲपचा वापर अनेक सेलेब्रिटी आणि राजकीय नेत्यांनीही सुरू केला आहे. ‘कू’ हे भारतीय बनावटीचे ॲप ‘ट्‌विटर’ला उत्तम पर्याय आहे. ‘ट्‌विटर’सारख्याच मायक्रोब्लॉगिंग साईटच्या शोधात असणाऱ्या मोबाईल वापरकर्त्यांसाठी हा सर्वोत्तम पर्याय असल्याचे मानले जाते. ‘कू’ ॲपमध्ये सर्वच पर्याय ‘ट्‌विटर’सारखे असल्याने मोबाईल वापरकर्त्यांचाही याकडे कल वाढत आहे. ‘कू’ ॲपमधील महत्त्वाच्या सुविधा पोस्ट करता येतात. फोटो आणि व्हिडिओही शेअर करता येतात. पोस्टवर कमेंटसोबत त्यांना फॉलोही करता येते. ऑडिओ, व्हिडिओ आणि मजकूर असे तिन्ही पर्याय उपलब्ध. ॲप वापराच्या पायऱ्या पहिल्यांदा हे ॲप ‘गुगल प्ले स्टोअर’वरून डाऊनलोड करावे. एका भाषेची निवड करून पुढे जावे. त्यानंतर मोबाईल क्रमांक टाकून लॉगिन करा. आपले प्रोफाईल पाहायला मिळेल. प्रोफाईल एडिट करून आपला फोटो ठेवता येतो. त्यानंतर टॉप ५० यूजर्सची यादी मिळते. आपल्या इच्छेनुसार त्यातील काही लोकांना आपण फॉलो करू शकतो. लोकांना सर्च करूनही फॉलो करू शकतो. ‘ट्‌विटर’प्रमाणेच या ॲपमध्येही मेन्शन करण्याची सुविधा असून पोस्ट करताना हॅशटॅगचाही वापर करता येतो. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/31wTs1K