रोज तुडुंब गर्दी, आता मात्र पूर्णतः शुकशकाट नांदगाव (सिंधुदुर्ग) - येथील तिठ्यावर स्थानिक मच्छी विक्रेत्याचा कोरोना अहवाल पॉझिटिव्ह मिळाल्यानंतर त्यांच्या संपर्कातील आणखीन सहा व्यक्तींचा अहवाल कोरोना पॉझिटिव्ह आरोग्य विभागाकडे प्राप्त झाल्याने येथील कोरोना पॉझिटिव्ह एकूण संख्या 7 झाली आहे. दोन दिवसापूर्वी तळेरे येथील एक कोरोना अहवाल पॉझिटिव्ह आल्याने ती व्यक्ती नांदगाव तिठा येथे नातेवाईकांच्या संपर्कात आल्याने येथील त्यांच्या संपर्कातील सात जणांना आज स्वॅब तपासणीसाठी पाठविण्यात आले. आधीच नांदगाव येथे कोरोनाचे सावट असताना हे तळेरे येथील नातेवाईकांच्या संपर्कात आलेल्या 7 जणांना स्वॅब घेण्यासाठी पाठविल्याने सर्व भयभित झाले आहेत. आज नांदगाव तिठा येथील आठवडा बाजार असूनही येथील बाजारासहीत संपूर्ण बाजारपेठमधील मेडिकल वगळता सर्व दुकाने बंद असल्याने तुडुंब भरणारी नांदगाव तिठा येथील गर्दी आज मात्र पूर्णत: शुकशुकाट पसरला होता. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/2D68m70