पुणे महापालिकेचे "मिशन दोन हजार कोटी' पुणे - कोरोना काळात उत्पन्न घटून विकासकामांवर परिणाम होण्याच्या शक्‍यतेने महापालिकेने आतापासून पैशांची जुळवाजुळव सुरू केली आहे. सरसकट मिळकतींची नोंद, नव्याने कराची आकारणी, थकबाकी आणि त्यावरचा दंड वसूल करीत पुढच्या आठ महिन्यांत तब्बल दोन हजार कोटी रुपयांचा महसूल गोळा करण्याचे उद्दिष्ट मिळकतकर खात्याला दिले आहे. त्यामुळे या खात्याला चालू आर्थिक वर्षातील नियमित कराव्यतिरिक्त हे "टार्गेट' पूर्ण करावे लागेल. परिणामी या वर्षात करातून सुमारे सव्वातीन हजार कोटी रुपयांचा महसूल मिळण्याची आशा आहे. पुण्याच्या बातम्या वाचण्यासाठी येथे क्लिक करा महापालिकेला दरवर्षी मिळकतकरातून दोन- सव्वादोन हजार कोटी रुपयांचे उत्पन्न अपेक्षित असते. प्रत्यक्षात मात्र 1200 ते 1300 कोटी रुपये जमा होतात. त्यात सध्याच्या स्थितीत उत्पन्नात घट होऊन, कोरोनाच्या उपायांवर मोठा खर्च होत आहे. त्याचा परिणाम विकासकामांवर झाला असून, ती थांबविण्यात आली आहेत. या पार्श्‍वभूमीवर नव्याने आर्थिक घडी बसविण्याच्या उद्देशाने स्थायी समिती प्रयत्न करीत आहेत. त्यातून ज्या मिळकतींची नोंद झालेली नाही आणि उत्पन्न मिळत नाही, अशा मिळकतींचा शोध घेण्याची मोहीम हाती घेण्यात येणार आहे. त्यासाठी पुढील सहा महिने सुमारे सहाशे अधिकारी-कर्मचारी काम करणार आहेत. एवढ्या प्रमाणात कर्मचारी पुरवून नियमित उत्पन्नापेक्षा अधिक दोन हजार कोटी रुपये मिळविण्याच्या आशेने स्थायी समितीने "मिशन 2000 कोटी ' हाती घेतले आहे. ताज्या बातम्यांसाठी डाऊनलोड करा ई-सकाळचे ऍप पुणेकरांना किमान चांगल्या सुविधा उपलब्ध करण्यासाठी त्याच प्रमाणात निधीचीही गरज आहे. सध्याची स्थिती लक्षात घेऊन मिळकतराचे उत्पन्न वाढविण्याचा प्रयत्न आहे. या वर्षात किमान तीन ते सव्वातीन हजार कोटी रुपयांचा महसूल मिळेल. त्यासाठी आवश्‍यक तेवढी यंत्रणा उपलब्ध करीत आहोत. -हेमंत रासने, अध्यक्ष, स्थायी समिती, महापालिका News Story Feeds https://ift.tt/eA8V8J - Click Live News Short news on Mobile 2019.....