नागपुरातील नाले कुणी केले गायब ? वाचा नागपूर : पावसाळ्यातच नव्हे तर वर्षभर सांडपाणी वाहून नेणारे शहरातील 43 टक्के नाले गायब झाल्याचे निरीक्षण आयुक्त तुकाराम मुंढे यांनी नोंदविले. अनेक अतिक्रमणधारकांनी नाल्यावर घरे बांधली तर काहींनी नाल्यांमध्येच बांधकाम केले. बिल्डरांनीही नाल्याची जागा कवेत घेतली. त्यामुळे शहरातील 97 नाले दिसेनासे झाले आहेत. मुसळधार पावसामुळे नाल्यांलगतच्या वस्त्यांमध्ये नेहमीच घरांत पाणी शिरते. नाला आणि गडरलाइनवर असलेले अतिक्रमण हे सर्वांत मोठे कारण असून लवकरच अशा अतिक्रमणांवर मोठी कारवाई होणार असल्याचे संकेत मनपा आयुक्त तुकाराम मुंढे यांनी दिले. नाले तसेच सिवेज लाइनवरील अतिक्रमणाच्या अनेक तक्रारी आल्या होत्या. यावरून आयुक्तांनी अतिरिक्त आयुक्त राम जोशी यांच्या नेतृत्वात जलप्रदाय विभागाच्या अधीक्षक अभियंता श्वेता बॅनर्जी आणि अन्य अधिकाऱ्यांची एक समिती बनवून याचा अभ्यास करण्याचे निर्देश दिले होते. या समितीने मांडले वास्तव धक्कादायक असून शहरातील 227 नाल्यांपैकी केवळ 130 नाले शिल्लक आहेत. अतिक्रमण तसेच पक्के बांधकामामुळे सिवेज लाइन दुरुस्तीची कामे करण्यात अडथळे निर्माण होत आहे. शहरात सिवेज लाइनवर सुमारे 275 पेक्षा अधिक ठिकाणी पक्के घर बांधणे, वऱ्हांडा बांधकाम नागरिकांनी केले आहे. यामुळे तुंबलेल्या सिवेज लाइनची दुरुस्ती होत नसून घाण पाणी बाहेर रस्त्यावर व घरांत शिरत आहे. 'हनी ट्रॅप' प्रकरणासंबंधी गृहमंत्र्यांनी केला मोठा खुलासा, वाचा काय आहे प्रकरण... नाल्यात 70 पेक्षा अधिक भागांमध्ये कॉंक्रीटचे स्तंभ उभारणे, स्लॅब टाकणे, नाल्याकाठी सोसायटी उभारणाऱ्या बिल्डरने नाल्याची भिंत उंच करणे, नाल्याची जागा बळकावून आत बांधकाम करणे आणि नाल्याचा प्रवाह वळविणे, असे गंभीर प्रकार केले आहेत. आयुक्तांचा कारवाईचा इशारा नाल्याचा नैसर्गिक प्रवाह अडल्यामुळे पावसाचे पाणी घरात शिरत आहे. त्यामुळे सिवेज लाइन, नाल्यांवर अतिक्रमण संबंधितांनी तातडीने काढावे, अन्यथा आपत्ती व्यवस्थापन कायद्यांतर्गत अतिक्रमण करणाऱ्या प्रत्येकावर कारवाई करण्यात येईल, असा इशारा आयुक्त तुकाराम मुंढे यांनी दिला आहे. News Story Feeds https://ift.tt/eA8V8J

via News Story Feeds https://ift.tt/3eDzJBV