गुटखा, खर्रा खाणाऱ्यांसाठी धोक्‍याची सूचना, येणार हा मोठा निर्णय... नागपूर: गुटखा, तंबाखू, पान मसाला, सुगंधित सुपारी, खर्रा शौकिनांची संख्या कमी नाही. बंदी असतानाही लॉकडाउनच्या काळातही गुटखा, खर्ऱ्याची सर्रास विक्री होत असल्याचे पाहायला मिळाले. आता मात्र याच्या विक्रीवर पुन्हा एक वर्षाची बंदी घालण्यात आली आहे. गुटखा, तंबाखू, खर्ऱ्याच्या सेवनाने मुखाचा कर्करोग होतो. श्‍वसनाचाही आजार होतो. वर्षाला शेकडो लोकांचा मृत्यू होतो. शौकिनांची वर्षाला मोठी रक्कम खर्च होते. हे लक्षात घेता सरकारने याच्या विक्रीवर 2013 मध्ये वर्षभरासाठी बंदी घातली होती. ही बंदी वर्षभरासाठी होती. गेल्या सात वर्षांपासून बंदी वाढविण्यात येत आहे. या वर्षी पुन्हा वर्षभरासाठी याच्या विक्रीवर बंदी घालण्यात आली. बंदीमुळे निम्म्या लोकांनी गुटखा सेवन बंद केले. नवीन मतदाराला प्रशासक होण्याची संधी, वाचा कशी काय... तर 80 टक्‍के लोक इतरांना गुटखा सोडण्यासाठी मदत करीत आहेत. बंदीमुळे प्री-पॅकेज गुटख्याची किंमत वाढली असून लोक स्वत:च गुटखा निर्मिती करत असल्याची माहिती शासनाच्या सर्वेक्षणातून समोर आली आहे. गुटखा बंदीमुळे सकारात्मक परिणाम दिसून येत आहे. त्यामुळे गुटखा विक्रीवर आणखी एका वर्षाकरता बंदी घालण्यात आली. अन्न सुरक्षा आयुक्त अरुण उन्हाळे यांनी बंदीचा आदेश काढला. गुटख्यात मॅग्नेशिअम कार्बोनेटचे घटक सरकारने 2003 ते 2011 या कालावधीत गुटखा, पानमसाला आदींचे 1153 नमुन्यांची चाचणी केली. यात प्रतिबंधित केलेले असलेले मॅग्नेशिअम कार्बोनेटचे घटक आढळून आलेत. या अहवालाच्या आधारे 717 प्रकरणात न्यायालयात खटला दाखल करण्यात आला. तर वर्ष 2012 पासून मे 2020 पर्यंत प्रथम खबरी अहवालाच्या आधारे 6368 प्रकरण न्यायालयात दाखल करण्यात आले. 2 अब्ज 52 कोटींचा साठा जप्त 2012 पासून 2020 पर्यंत 2 अब्ज 52 कोटी 9 लाखांचा साठा जप्त करण्यात आला. विशेष म्हणजे जप्त करण्यात आलेल्या साठ्याची रक्कम प्रत्येक वर्षात वाढ असल्याची माहिती आहे. प्रत्यक्षात यापेक्षा जास्त साठा येत असल्याचे सांगण्यात येते. News Story Feeds https://ift.tt/eA8V8J

via News Story Feeds https://ift.tt/30uz010