गौरवास्पद! ‘अमेरिकन इंजिनिअर्स’च्या अध्यक्षपदी विराजमान झाला पहिला भारतीय! पुणे : जगभरात प्रतिष्ठेच्या मानल्या जाणाऱ्या ‘अमेरिकन सोसायटी ऑफ मॅकेनिकल इंजिनिअर्स’ या संस्थेच्या अध्यक्षपदी डॉ. महंतेश हिरेमठ यांची निवड झाली. हे पद भूषविणारे ते पहिले भारतीय आहेत. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा डॉ. हिरेमठ हे पुण्यातील शासकीय अभियांत्रिकी महाविद्यालयाचे (सीओईपी) तसेच मॉडर्न हायस्कूलचे माजी विद्यार्थी आहेत. अवकाश, ऊर्जा क्षेत्रांतील विविध उद्योगांमधील कामाचा त्यांना तीन दशकांचा अनुभव आहे. त्यांनी अमेरिकेचे माजी राष्ट्राध्यक्ष बराक ओबामा प्रशासनाच्या विज्ञान, अवकाश आणि तंत्रज्ञान समितीचे तांत्रिक सल्लागार म्हणूनही त्यांनी काम केले आहे. - सलून व्यावसायिकांनी घेतला मोठा निर्णय; काय आहे वाचा सविस्तर या सोसायटीची स्थापना १८८० मध्ये झाली आहे. उद्योजकांच्या लहान समूहाने स्थापन केलेल्या संस्थेचा मोठा विस्तार झाला आहे. आता या संस्थेचे १४० देशांत एक लाखाहून अधिक सदस्य आहेत. संस्थेच्या स्थापनेलाही १४० वर्षे झाली आहेत. या कार्यकाळात प्रथम भारतीय म्हणून संस्थेचे अध्यक्षपद भूषविण्याचा मान डॉ. हिरेमठ यांना मिळाला आहे. या निवडीबद्दल त्यांनी आनंद व्यक्त केला. माझ्या यशात माझ्या कुटुंबीयांबरोबरच मॉडर्न हायस्कूल आणि ‘सीओईपी’चा मोठा वाटा असल्याची भावना त्यांनी व्यक्त केली. News Story Feeds https://ift.tt/eA8V8J

via News Story Feeds https://ift.tt/2UXKdoW