लाॅटरीला झळ; मटका, झुगार फोफावण्याची चिन्हे सावंतवाडी (सिंधुदुर्ग) - जीएसटी वाढीचा फटका बसल्यानंतर लॉकडाउनमुळे लॉटरी व्यवसाय ठप्प झाल्याने अनेकांचे उदरनिर्वाहाचे साधन थांबले आहे. नागरिकांना लॉटरीला पर्याय न राहिल्याने तसेच लॉकडाउन काळात रोजगाराची साधने कमी झाल्याने येत्या काही दिवसांत मटका व जुगार तेजीत येण्याची मोठी शक्‍यता निर्माण झाली आहे. जिल्ह्यात शेकडोच्या घरात लॉटरी एजंट व विक्रेते आहेत. लॉकडाउन जाहीर केल्याने याचा फटका अनेक मोठ्या उद्योगांसह खाजगी, लहान उद्योग तसेच व्यवसायांनाही बसला. यामुळे अनेकांचे रोजगार हिरावले गेले. नशीब आजमावण्याचा आणि अनैतिक व्यापार, धंद्यावर नियंत्रण येण्यासाठी शासनाने नागरिकांसाठी लॉटरीसारखा पर्याय उपलब्ध करून दिला; मात्र लॉकडाउनपूर्वी लॉटरीवर केंद्राने 28 टक्‍के जीएसटी कर लावल्याने याचा परिणाम लॉटरी विकणाऱ्या वितरक, लहान-मोठे एजंट यांच्यावर दिसून आला. अनेक ठिकाणचे लॉटरी व्यवसाय बंद झाले. परिणामी लॉटरी विकत घेणाऱ्यांची संख्याही रोडावली गेली. यामुळे लॉटरी विकत घेणाऱ्यांची संख्याही कमी झाली. राज्याच्या महसुलात लॉटरी व्यवसायातून भर पडते. वर्षभरात कोटींच्या घरात असलेले उलाढाल लॉकडाऊन काळामध्ये पूर्णपणे ठप्प झाली आहे. जुगार, मटका आणि सट्टा बाजाराला पर्याय म्हणून लॉटरी हा व्यवसाय असल्याने प्रतिष्ठित लोकांचा लॉटरी काढण्याकडे कल असायचा; मात्र 28 टक्के जीएसटी कर आकारल्याने आधीच संकटात असलेल्या लॉटरी व्यवसाय लॉकडाऊन काळात पूर्णपणे ठप्प झाल्याने लॉटरीवर अवलंबून असलेले विक्रेते, लहान-मोठे एजंट, फिरते विक्रेते असे अनेकजण बेरोजगारीच्या मार्गावर आले. लॉटरीवर 28 टक्‍के जीएसटी कर प्रणालीमुळे संकटात सापडलेला लॉटरी व्यवसाय सध्या लॉकडाउनमध्ये पूर्णतः ठप्प झाला आहे. त्यामुळे अनेक छोट्या-मोठ्या एजंटांचे रोजगार हिरावले गेले आहेत. या सर्वांचा विचार करून शासनाने पुन्हा लॉटरीला चांगले दिवस कसे येतील? यासाठी प्रयत्न करावा. - अनंत माधव, लॉटरी एजंट विक्रेते News Story Feeds https://ift.tt/eA8V8J

via News Story Feeds https://ift.tt/30Gdt72