कटिंग, दाढीची दरवाढ; पिंपरीतील नेटकऱ्यांनी सलून व्यावसायिंकाना घेतले सोशल मीडियावर पिंपरी : सलून व्यावसायिकांनी दाढी, कटींगच्या दरात भरमसाठ वाढ केल्याने नेटकऱ्यांनी सलून व्यावसायिकांना चांगलेच निशाण्यावर धरले आहे. 'रेट एवढे वाढवू नका, की लोक ऑनलाईन केस कापण्याचा क्‍लास जॉईन करुन स्वत:च केस कापू लागतील', 'आता एक महिन्याऐवजी चार महिन्यांनी केस कापू', 'हा निर्णय देणाऱ्याला पुरस्कार द्यायला हवा', 'सुशिक्षित बेरोजगारांसाठी जबरदस्त संधी,' अशा प्रकारच्या प्रतिक्रिया नेटकऱ्यांनी सोशल मीडियावर नोंदवून आपला राग व्यक्त केला आहे. ताज्या बातम्यांसाठी डाऊनलोड करा ई-सकाळचे ऍप लॉकडाउन जाहीर झाल्याने मागील अडीच महिन्यांपासून सलूनची दुकाने बंद असल्याने अनेकांची अडचण झाली आहे. काहींनी केस वाढवून हेअर स्टाइलच बदलली. तर काहींनी थेट टक्‍कलच केले. दरम्यान, लॉकडाउन शिथिल केल्यानंतर काही ठिकाणी अटी-शर्तींवर सलून दुकाने सुरू करण्यास परवानगी देण्यात आली. त्यानुसार दुकानेही सुरू झाली. मात्र, ज्या अटींवर दुकाने सुरू करण्यास परवानगी दिली आहे त्याची पूर्तता करताना संपूर्ण दुकानाचे सॅनिटायजेशन करण्यासह स्वतंत्र ऍप्रन (अंगावर टाकण्याचे कापड), टॉवेल आदी साहित्य नव्याने वापरण्याची मागणी ग्राहकाकडून होत आहे. नवीन साहित्याच्या नावाखाली सलून व्यावसायिकांनी दाढी व कटिंगच्या दरात प्रचंड वाढ केली. पिंपरी चिंचवडच्या बातम्या वाचण्यासाठी येथे ► क्लिक करा पूर्वी साध्या कटिंगसाठी साठ रूपये घेतले जायचे आता तब्बल दीडशे रूपये आकारले जात आहेत. तर साध्या दाढीचे पन्नासवरून शंभर व फोम दाढीचे सत्तर रूपयांवरून थेट 170 रूपये घेतले जात आहेत. अशाप्रकारे भरमसाठ दर आकारणाऱ्या दुकानदारांबाबत संताप व्यक्त केला जात आहे. विशेषत: सोशल मिडियावरील नेटकऱ्यांनी सलून व्यावसायिकांना चांगलेच धुतले आहे. कोरोनाच्या पार्श्वभूमीवर सध्या काम करताना ग्राहकांसह स्वतः योग्य काळजी घ्यावी लागत आहे. दुकानाचे सॅनिटायजेशन करण्यासह स्वतंत्र ऍप्रन, टॉवेल, ब्रश, वस्तरा आदी साहित्य नव्याने वापरावे लागत असून यासाठी खर्च होतो. त्यामुळे पूर्वीपेक्षा अधिकचे दर आकारले जात असल्याचे सलून व्यावसायिकांचे म्हणणे आहे. पिंपरी चिंचवडच्या बातम्या वाचण्यासाठी येथे ► क्लिक करा लॉकडाउन शिथिल केल्यानंतर पिंपरी-चिंचवड शहरात दुकाने सुरू करण्यास परवानगी दिली असता ग्राहकांकडून दुप्पट ते अडीचपट दर आकारले गेले. दोन दिवसांपासून आता पुन्हा दुकाने बंद करण्याचे आदेश देण्यात आले आहे. दरम्यान, काही ग्राहक नेहमीच्या कारागिराशिवाय इतर दुकानात जात नाही. अशावेळी दुकान बंद असले तरी काही कारागीर स्वत:च्या अथवा संबंधित ग्राहकाच्या घरी जाऊन दाढी, केस कापत आहे. मात्र, येथेही पूर्वीपेक्षा अधिकचे पैसे घेतले जात आहेत. योग्य दर आकारावेत दुकानाचे सॅनिटायजेशन करण्यासह स्वतंत्र ऍप्रन,टॉवेल नवीन वापरणार असल्यास अतिरिक्त पैसे द्यायला तयार आहोत. मात्र, त्यालाही काहीतरी मर्यादा हव्यात. सध्या आकारले जाणारे दर खूपच जास्त आहेत. योग्य दर आकारणी केली जावी, अशी मागणी ग्राहकांकडून होत आहे. पूर्वीचा दर/आताचा दर कटिंग 60/150 साधी दाढी 50/100 फोम दाढी 70/120 नेटकऱ्यांनी नोंदविलेल्या प्रतिक्रिया 'रेट एवढे वाढवू नका, की लोक ऑनलाईन केस कापण्याचा क्‍लास जॉईन करुन स्वत:च केस कापू लागतील', 'मटण चारशेवरून सातशे रूपयांवर गेले, त्यामुळे आम्ही एक किलो वरून अर्धा किलोवर आलो. आता केस एक महिन्याऐवजी चार महिन्यांनी कापू, खर्च तेवढाच करणार', 'हा निर्णय देणाऱ्याला पुरस्कार द्या', 'इतरांनीही हा व्यवसाय करायला हवा, तेव्हाच मनमानीला चाप बसेल', 'युरोपियन, अमेरिकन नागरिकांप्रमाणे घरीच दाढी व कटिंग करायला तयार रहा', 'सुशिक्षित बेरोजगारांसाठी जबरदस्त संधी', 'युट्युबवर केस कापण्याचे प्रशिक्षण घेऊन स्वत:चा व्यवसाय सुरू करा'. पुण्याच्या बातम्या वाचण्यासाठी येथे ► क्लिक करा व्यावसायिकांची मनमानी दाढी, कटिंग करताना नवीन वस्तू वापरण्यासाठी अधिकचा खर्च असल्याच्या नावाखाली व्यावसायिकांनी मनमानी पद्धतीने दरवाढ केली आहे. दरम्यान, यासाठी वापरण्यात येणाऱ्या नवीन वस्तूंच्या किंमतीनुसार दर आकारणी केली तरी सलून व्यावसायिकांनी आकारलेले सध्याचे दर त्यापेक्षा अधिक होत आहेत. News Story Feeds https://ift.tt/eA8V8J

via News Story Feeds https://ift.tt/2Xpx1dT