शिक्षणात आता नवमाध्यमांचा वापर; ‘लर्न फ्रॉम होम’साठी सोशल मिडियावर भर नवी दिल्ली - कोरोनाचा संसर्ग रोखण्यासाठी लागू करण्यात आलेला लॉकडाउन अनलॉक करण्यात आल्यानंतर आता इयत्ता दहावी आणि बारावीसाठी केंद्र सरकारने पर्यायी शैक्षणिक वेळापत्रक आज जाहीर केले आहे. देशात कोरोनाचा परिणाम किमान वर्षभर जाणवत राहणार असल्याचे स्पष्ट असल्याने शिक्षणातही इंटरनेटसह नवमाध्यमांचा वापर करण्यावर सरकारचा भर असेल. किंबहुना ‘लर्न फ्रॉम होम’ ही नवी शैक्षणिक पद्धती सर्वांनाच स्वीकारणे भाग असेल हेही यातून स्पष्ट झाले आहे. ताज्या बातम्यांसाठी डाऊनलोड करा ई-सकाळचे ऍप मनुष्यबळ विकासमंत्री रमेश पोखरियाल निशंक यांनी वर्ष २०२०-२१ साठीच्या शैक्षणिक सत्राचे वेळापत्रक जाहीर केले असून ‘एनसीईआरटी’ने ते तयार केले आहे. कोरोनाच्या संसर्गामुळे जास्तीत जास्त काळ घरूनच अभ्यासक्रम पूर्ण करावा यादृष्टीने हे वेळापत्रक तयार करण्यात आले आहे. निशंक सांगितले की, ‘‘नवीन वेळापत्रक व दिशाशानिर्देश तयार करताना मोबाईल, रेडिओ, दूरचित्रवाणी, एसएमएस व समाज माध्यमांच्या साहाय्याने विद्यार्थ्यांपर्यंत जास्तीत जास्त शिक्षण पोहोचविण्याचा सरकारचा प्रयत्न असेल. शाळा सुरू होतील तेव्हा शाळांमध्ये सोशल डिस्टन्सिंग, मास्क लावणे, हात वारंवार धुणे आदी अटींचे पालन सक्तीने करण्याची जबाबदारी संबंधित शाळांच्या प्रशासनावर राहील. ज्या विद्यार्थ्यांकडे इंटरनेट नाही व त्यामुळे ते फेसबुक, ट्विटर आणि व्हॉट्‌सॲपचा वापर करू शकत नसतील त्यांच्यासाठी शिक्षकांनी एसएमएस, मोबाईल कॉल आदींद्वारे शंकानिरसन करावे.’’ पुण्याच्या बातम्या वाचण्यासाठी येथे क्लिक करा विद्यार्थ्यांवर ताण नाही पुस्तकांच्या पलीकडे जाऊन विद्यार्थ्यांना शिक्षण पूर्ण करता यावे आणि परिक्षांच्या ताणतणावापासूनही ते मुक्त राहावेत याचीही काळजी घेण्यात आल्याचेही पोखरियाल म्हणाले. मनुष्यबळ विकास मंत्रालयाने यापूर्वी पहिली ते दहावी तसेच पदवीपर्यंतच्या वर्गांसाठी पर्यायी शैक्षणिक वेळापत्रक व दिशानिर्देश जारी केले होते. News Story Feeds https://ift.tt/eA8V8J

via News Story Feeds https://ift.tt/3cCehMQ