सिंधुदुर्गात बाधितांची संख्या 154 ओरोस (सिंधुदुर्ग) - जिल्ह्यात आणखी तीन कोरोनाबाधित रुग्ण आढळला असून बाधितांची संख्या 154 वर पोचली आहे. आज नव्याने 16 व्यक्तींनी कोरोनावर मात केली. त्यामुळे त्यांना रुग्णालयातून डिस्चार्ज दिला. त्यामुळे जिल्ह्यातील कोरोनामुक्त संख्या 84 झाली असून सक्रिय रुग्णांची संख्या 64 राहिली आहे. जिल्ह्यातील आणखी 16 रुग्णांनी आज कोरोनावर यशस्वी मात केली आहे. त्यामुळे जिल्ह्यात बरे झालेल्या रुग्णांची संख्या 84 झाली आहे. तर काल (ता. 13) नवीन 3 रुग्ण पॉझिटिव्ह आले आहेत. यामध्ये मालवण तालुक्‍यातील 2 व कुडाळ तालुक्‍यातील नेरूर 2, सावंवाडीतील एका रुग्णाचा समावेश आहे. सध्यस्थितीत जिल्ह्यातील सक्रिय रुग्ण 64 आहेत, अशी माहिती जिल्हा शल्यचिकित्सक डॉ. धनंजय चाकूरकर यांनी दिली. शनिवारी रात्री मिळालेल्या 3 रुग्णांत मालवण तालुक्‍यातील वरची गुरामवाड ग्रामपंचायत क्षेत्रातील कट्टा येथील पती-पत्नी या दोघांचा समावेश आहे. तर कुडाळ तालुक्‍यातील नेरूर येथील दोन रुग्णांचा समावेश आहे. आज नव्याने 19 नमुने तपासणीसाठी पाठविल्याने एकूण पाठविलेल्या अहवालांचा आकडा 2 हजार 976 झाली आहे. तर काल रात्री उशिरा 47 अहवाल प्राप्त झाल्याने प्राप्त झालेल्या अहवालांची संख्या 2 हजार 847 वर पोचली आहे. यातील 152 पॉझिटिव्ह अहवाल आले आहेत. 3 व्यक्तींचा मृत्यू झाला असून एक मुंबई येथे उपचारासाठी गेले आहेत. उर्वरित 148 पैकी 84 व्यक्तींनी कोरोनावर मात केल्याने त्यांना डिस्चार्ज दिला आहे. तर सध्या केवळ 64 रुग्ण सक्रीय राहिले आहेत. सध्या 133 नमुन्यांचे अहवाल प्रलंबित आहेत. सध्या आयसोलेशन कक्षात 90 रुग्ण उपचार घेत असून रविवारी यात 22 ने घट झाली आहे. आज दिवसभरात 4 हजार 671 व्यक्तींची तपासणी केली आहे. जिल्ह्यात कोविड -19 च्या तपासणीसाठी कार्यान्वित केलेल्या ट्रुनॅट मशीनद्वारे आतापर्यंत 241 व्यक्तींची तपासणी केली आहे. सध्या जिल्ह्यात दोन ट्रुनॅट मशीन आहेत. या मशीनद्वारे पॉझिटिव्ह आलेल्या रुग्णांचे अहवाल तपासणीसाठी कोल्हापूर येथे पाठविण्यात येत आहेत. त्यामुळे कोल्हापूर येथे पाठविण्यात येणाऱ्या अहवालांची संख्या मोठ्या प्रमाणात घटली आहे. News Story Feeds https://ift.tt/eA8V8J

via News Story Feeds https://ift.tt/30GydeV