कोरोनाची एसी की तैसी..मिरजवासीयांचा पहा `प्रताप`... मिरज (सांगली) - जिल्ह्यात दिवसागणिक कोरोना बाधित रुग्णांची संख्या वाढत आहे; मात्र मिरजकरांनी या गोष्टी तितक्‍या गांभीर्याने घेतलेल्या दिसत नाहीत. प्रत्येक आठवड्याच्या भाजी बाजारास होणारी गर्दी पाहता मिरजकरांची कोरोना संसर्गाची भीती लुप्त पावल्याचे दिसत आहे. कारण बाजारात होणारी हाऊसफुल्ल गर्दी भविष्यात कोरोनाच्या फैलावास कारणीभूत ठरणार आहे. त्यामुळे मिरजकरांकडून जणू कोरोना रोगास विनाकारण गर्दी जमवून निमंत्रण देण्यात येत असल्याचे चित्र दिसते आहे. गाडवे चौकात भरणारा नियमित भाजी बाजार, रविवारचा गुरुवार पेठेतील बाजार, माजी सैनिक वसाहत येथील गुरुवारचा भाजी बाजार, तर मिरजेतील कोरोना रुग्णालयाच्या हाकेच्या अंतरावर असलेला भाऊराव चौकातील भाजी बाजार ही या गर्दीची प्रमुख ठिकाणे आहेत. सध्या मिरजेतील सिव्हिल रुग्णालयाचे कोविड रुग्णालयात रुपांतर करण्यात आले आहे. त्यामुळे जिल्ह्यातील कोरोना बाधित आणि इन्स्टिट्यूशनल क्वारंटाईन रुग्णांवर उपचार सुरू आहेत. या अनुषंगाने मिरजेतील नागरिकांनी एकत्रित गर्दी न करता दक्षता घेणे गरजेचे असताना रस्त्यावर फिरणे सुरू केले आहे. यामध्ये ना सोशल डिस्टन्स पाळला जात आहे, ना मास्कचा वापर सुरू आहे. लॉकडाउनमध्ये शिथिलता मिळाल्यानंतर महापालिकेच्या पथकाकडून विना मास्कवाल्यांवर, सोशल डिस्टन्सवाल्यांवर, फेरीवाले यांच्यावर दंडात्मक कारवाई सुरू करण्यात आली आहे; मात्र पुन्हा कारवाई रेंगाळली. त्यामुळे भाजी बाजार भरू लागले आहेत. महापालिका कर्मचाऱ्यांच्या मित्राने केली चोरी एकीकडे भाजी बाजारामध्ये महापालिकेचे कर्मचारी विक्रेत्यांना हुसकावत होते, तर दुसरीकडे कर्मचाऱ्यांसोबत आलेल्या मित्राने एकाचा मोबाईल लंपास केला; मात्र चिकन सेंटरवर लावलेल्या कॅमेऱ्यामुळे मोबाईलच्या चोरीचा डाव फसला. तक्रारदारास मोबाईल परत मिळाल्याने पोलिस ठाण्यात त्याने तक्रार मागे घेतली. News Story Feeds https://ift.tt/eA8V8J - Click Live News Short news on Mobile 2019.....