डॉक्टरांची `ओपीडी` अशी झाली स्मार्ट`; कोरोनामुळे होतोय परिणाम पुणे - कोरोना विषाणूंच्या उद्रेकाच्या परिणामांमुळे शहरातील डॉक्टरांचे बाह्य रुग्ण विभाग (ओपीडी) आता स्मार्ट होऊ लागले आहेत. देशात यापूर्वी कधीही मान्य न झालेली ऑनलाइन वैद्यकीय सल्ल्याची प्रक्रिया आता सुरू झाली. अर्थात, ही सुविधा तातडीच्या रुग्णसेवेसाठी नसून, नियमित तपासणीपुरतीच मर्यादीत ठेवण्यात आली आहे. ताज्या बातम्यांसाठी डाऊनलोड करा ई-सकाळचे ऍप कोरोना विषाणूंच्या संसर्गाचा थेट परिणाम प्रत्येक क्षेत्रावर होत आहे. त्यात वैद्यकीय क्षेत्रही अपवाद राहीलेले नाही. डॉक्टरांची फोनवरून वेळ घ्यायची, त्या वेळेत क्लिनिकमध्ये जायचे. तेथील गर्दीत अंग चोरून बसायचे. आपला नंबर आला की कन्सल्टेशन रुमध्ये गेल्यावर डॉक्टर आपल्याला तपासणार आणि नंतर औषधांची चिठ्ठी देणार. ही संपूर्ण पारंपरिक प्रक्रिया कोरोनामुळे `बायपास` झाली आहे. त्याची जागा डॉक्टरांच्या स्मार्ट ओपीडीने घेतली आहे. पुण्याच्या बातम्या वाचण्यासाठी येथे ► क्लिक करा अशी झाली ओपीडी स्मार्ट वैद्यकीय सल्ल्यासाठी डॉक्टरांच्या लिंकवर नोंदणी करावी लागते. त्यात रुग्णाचे पूर्ण नाव, वय, लिंग, मोबाईल फोन नंबर आणि ईमेल अशी माहिती भरणे आवश्यक असते. त्यातून वन टाइम पासवर्डने रुग्णाची पडताळणी होते. त्यातून पुढे गेल्यावर डॉक्टरांची पंधरा मिनीटांची वेळ त्याला निवडता येते. त्या वेळेत ऑडिओ किंवा व्हिडिओ या दोन्हीपैकी कोणत्याही एका कॉलवर डॉक्टर रुग्णांची ऑनलाइन तपासणी करून त्यांना सल्ला देण्याची सुविधा आता सुरू होत आहे. या दोन्ही कॉलसाठी डॉक्टरांची फी एकच असते. रुग्णाने घेतलेली ही वेळ डॉक्टरांच्या मोबाईलवर दिसते. त्यांनी ती कन्फर्म केल्याचा मेसेज रुग्णाच्या मोबाईलवर येतो. अशी द्यायची कन्सल्टेशन फी डॉक्टरांची वेळ घेतल्यानंतर रुग्णाकडून मेडीकल इमर्जन्सी नसल्याची खात्री केली जाते. अशा प्रकारच्या काही अटी आणि शर्थी मान्य केल्यानंतर डॉक्टरांची वेळ घेतानाच त्यांची तपासण्याची फी भरावी लागते. त्यासाठी वेगवेगळे पर्याय येथे उपलब्ध केले आहेत. रुग्णाची सहमती डॉक्टरांनी उपचार करण्यास स्वतः रुग्णाने मान्यता दिल्याने न्यायवैद्यकदृष्ट्या डॉक्टर आणि रुग्ण दोघेही सुरक्षित असतात. त्या स्मार्ट ओपीडीमध्ये डॉक्टर स्वतः रुग्णाला दिलेल्या वेळेत फोन करू शकतात. तपासणी व्हिडिओ कॉलद्वारे डॉक्टर रुग्णाला बघत असतात. यात डॉक्टर आणि रुग्ण यांच्यात व्यवस्थित संवाद होतो. रुग्णाची लक्षणे, त्याच्या तक्रारी या आधारावर तपासणी होते. या सर्व प्रक्रियेचे रेकाँर्डिंग केले जाते. तीन वर्षांपर्यंत ही माहिती ठेवली जाते. प्रिस्क्रिप्शन भारतीय वैद्यक परिषेदेने दिलेल्या मार्गदर्शनानुसार यातील प्रस्क्रिप्शनचा रचना करण्यात आली आहे. त्यात रुग्णाच्या नावापासून, वय, लिंग, वजन, उंची यात सगळं नमूद असते. हे प्रस्क्रिप्शन संपूर्ण इंग्रजी कॅपिटल लेटरमध्ये टाइप केले जाते. औषधाचा कोणता डोस किती वाजता, जेवणाच्या आधी की नंतर, किती दिवस औषध घ्यायची याची सविस्तर नोंद यात करावी लागते. इतकेच नाही, तर डॉक्टर याच प्रिस्क्रिप्शनमध्ये रुग्णाने काय करावे आणि काय करू नये, याच्या सूचना देतात. किती दिवसांनंतर रुग्णाने परत डॉक्टरांचा सल्ला घ्यावा, याची तारीख दिलेली असते. हे प्रिस्क्रिप्शन रुग्णाला त्यांच्या मोबाईल फोनवर मिळते. भाषा निवड डॉक्टरांनी कोणत्या भाषेत सल्ला द्यावा, याची निवडही रुग्णाला करता येते. पुण्यात वापरल्या जात असलेल्या स्मार्ट ओपीडीमध्ये मराठी, हिंदी आणि इंग्रजी या भाषांना प्राधान्य देण्यात येत असल्याचे निरीक्षण डॉक्टरांनी नोंदविले. यात भाषांतराचीही सुविधा उपलब्ध करण्यात आली आहे. साथरोग कायद्यांतर्गत भारतीय वैद्यक परिषदेने, डॉक्टरांनी दिलेल्या ऑनलाइन कन्सल्टेशनला कायदेशीर ठरविले आहे. देशात आतापर्यंत तंत्रज्ञानाचा वापर, रुग्णसेवा कायद्याच्या चौकटीत बसणारा नव्हता. भारतीय वैद्यक परिषदेची मान्यता, व्हिडिओ कॉल, रुग्णाने उपचारांसाठी दिलेली मान्यता या सगळ्यांचा समावेश स्मार्ट ओपीडीमध्ये आहे. - डॉ. अविनाश इनामदार, हृदय शल्यचिकीत्सक News Story Feeds https://ift.tt/eA8V8J

via News Story Feeds https://ift.tt/3dIeDSL