तुमच्या-आमच्यासाठी रस्त्यावर असलेल्या पोलिसदादांना कोरोनाचा विळखा... नागपूर : कोरोनामुळे देशभरात लॉकडाऊन आणि संचारबंदी असल्यामुळे रस्त्यावर विनाकारण फिरणाऱ्यांवर नियंत्रण मिळविण्यासाठी पोलिस रस्त्यावर उतरले आहेत. परंतु, आता पोलिसांनाच कोरोनाने विळखा घातला आहे. नागपुरातील 11 पोलिस अधिकारी आणि कर्मचाऱ्यांना कोरोना संशयित म्हणून विलगीकरण कक्षात ठेवण्यात आले आहे. राज्यातील 531 पोलिस अधिकारी, कर्मचारी कोरोना बाधित आहेत तर पाच पोलिसांचा कोरोनामुळे मृत्यू झाल्याची धक्‍कादायक माहिती समोर आली आहे. विश्‍वसनीय सूत्रांनी दिलेल्या माहितीनुसार, कोरोनावर नियंत्रण मिळविण्यासाठी, कोरोनाचा फैलाव होऊ नये म्हणून पोलिस रस्त्यावर तैनात आहेत. अनेक वाहनचालकांची तपासणी आणि वाहनांची जप्ती कारवाई करीत असताना पोलिसांचा नागरिकांशी थेट संबंध येत आहे. त्यामुळे कोरोनाचा शिरकाव आता पोलिस विभागातही झाला आहे. दोन दिवसांपूर्वी पार्वतीनगरातील एक युवक कोरोनामुळे मृत झाला. त्या युवकाचा काका बेलतरोडी पोलिस ठाण्यात कार्यरत आहे. त्या पोलिस कर्मचाऱ्यामुळे नागपूर शहर पोलिस दलातील बेलतरोडी आणि अजनी पोलिस स्टेशनमधील 11 पोलिस अधिकारी आणि कर्मचारी कोराना संशयित म्हणून विलगीकरण कक्षात ठेवण्यात आले. नागपूर शहर पोलिस दलात आतापर्यंत एकही बाधित पोलिस अधिकारी आणि कर्मचारी नाही. मात्र, आता बेलतरोडी आणि अजनी पोलिस ठाण्यातील कर्मचाऱ्यांमुळे पहिल्यांदा कोरोना संशयीत म्हणून पोलिस दलात शिरकाव झाल्याचा संशय आहे. पोलिस प्रशिक्षण केंद्र राखीव नागपूर पोलिस कोरोनाचा फैलाव होऊ नये म्हणून रस्त्यावर तैनात आहेत. परंतु, कोरोना बाधितांच्या संपर्कात आल्याने कोरोना झाल्यास त्यांना ठेवण्यासाठी लक्ष्मीनगरातील पोलिस प्रशिक्षण केंद्रात विलगीकरण कक्ष तयार करण्यात येणार आहे. येथे सुमारे 500 पोलिस कर्मचाऱ्यांसाठी विलगीकरण कक्ष तयार आहे. - मुलगा, पतीसह त्या कांद्याची वेचणी करीत होत्या; अचानक मेघगर्जले अन्‌ होत्याचे नव्हते झाले... पोलिस विभागात भीतीचे वातावरण गुरुवारी एका दिवसात राज्यातील 36 पोलिसांना कोरोनाची लागण झाली. त्यामुळे बाधित पोलिसांचा आकडा आता 531 पोहोचला आहे. यामध्ये 51 पोलिस अधिकारी आणि 480 पोलिस कर्मचाऱ्यांचा समावेश आहे. सद्यस्थितीत राज्यात 43 पोलिस अधिकारी आणि 444 पोलिस कर्मचारी कोरोनासंक्रमित आहेत. तर आतापर्यंत 39 कोरोनाबाधित पोलिस बरे झाले आहेत. राज्यात आतापर्यंत 5 पोलिसांचा मृत्यू झाला असून मुंबईतील तीन, पुणे आणि सोलापूरमधील प्रत्येकी एकाचा समावेश असल्याची माहिती आहे. News Story Feeds https://ift.tt/eA8V8J

via News Story Feeds https://ift.tt/3drr7OA