कोरोना विषाणूच्या संसर्गाबरोबर द्वेषाचीही लाट न्यूयॉर्क - कोरोना विषाणूच्या संसर्गाबरोबरच जगभरात वंशद्वेष, दोषारोप आणि भीतीदायक अफवांचीही लाट वेगाने पसरत असल्याची नाराजी संयुक्त राष्ट्रांचे सरचिटणीस अँटोनिओ गुटेरेस यांनी आज व्यक्त केली. विदेशी नागरिकांबाबत लोकांच्या मनांत तेढ निर्माण झाली असून त्याचे प्रत्यंतर सोशल मीडिया आणि रस्त्यावरही दिसून येत असल्याचे गुटेरेस म्हणाले. कोरोनाचा संसर्ग पसरल्याबद्दल जगभरात अनेक ठिकाणी चिनी आणि मुस्लीम नागरिकांवर आरोप झाल्याच्या पार्श्वभूमीवर गुटेरेस यांनी नागरिकांना सबुरी राखण्याचे आवाहन केले आहे. ताज्या बातम्यांसाठी डाऊनलोड करा ई-सकाळचे ऍप गुटेरेस यांची निरीक्षणे 1) एखाद्या धर्माबद्दल पूर्वग्रहदूषित मते पसरविली जात आहेत 2) विदेशी नागरिकांना अकारण दोषी ठरविले जात आहे 3) संसर्ग पसरण्याचे कारण म्हणून स्थलांतरित व्यक्तींकडेच बोट दाखवून त्यांना उपचारांपासून वंचित ठेवले जात आहे. 4) जीव धोक्यात घालून कर्तव्य बजावणाऱ्या पत्रकार, आरोग्य सेवक, पोलिस आणि मानवाधिकार कार्यकर्त्यांवरच हल्ले होत आहेत. 5) मानवावर आलेल्या या संकटामुळे मानवी हक्कांवरही गदा येत आहे. गुटेरेस यांचे आवाहन द्वेषमूलक भाषणे आणि वक्तव्ये टाळावीत राजकीय नेत्यांनी सर्व स्तरांमधील जनतेला आधार द्यावा कट्टरतावादी संघटना युवकांना भरकटविण्याचा प्रयत्न करत असल्याने शैक्षणिक संस्थांनी डिजिटल साक्षरतेकडे अधिक लक्ष द्यावे सोशल मीडिया कंपन्यांनी चिथावणीखोर मजकूर काढून टाकावा समाजाने आपल्यातील दुर्बल घटकांना संरक्षण द्यावे धार्मिक नेत्यांनी परस्पर आदर आणि सहजीवनाचा आदर्श प्रस्थापित करावा News Story Feeds https://ift.tt/eA8V8J - Click Live News Short news on Mobile 2019.....