video : भूक, स्नॅकिंग आणि आपले मन आपलं मन सर्वांगीण आरोग्यात खूप महत्त्वाची भूमिका बजावतं, पण एक पौष्टिक आहार पाळण्यासाठी फक्त एक कणखर मन चालतं का? असं नक्कीच नाही. आपले हॉर्मोन्सही आपली भूक नियंत्रित करण्याचं महत्त्वाचं कार्य करतात. ताज्या बातम्यांसाठी डाऊनलोड करा ई-सकाळचे ऍप भुकेशी निगडित हॉर्मोन्स आपल्या शरीरात लेप्टिन आणि घ्रेलिन (ghrelin) अशी दोन भुकेशी निगडित हॉर्मोन्स असतात. लेप्टिन हा हार्मोन भूक कमी करतो, तर घ्रेलिन आपल्या शरीराला भूक लागल्याची सूचना देतो. या हॉर्मोन्सचं काम व्यवस्थित चालण्यासाठी चांगली झोप महत्त्वाची आहे. भुकेची हॉर्मोन्स ठीक काम करीत असूनही, काही लोक स्नॅकिंगवर नियंत्रण का ठेवू शकत नाहीत? (सहसा संध्याकाळी ४-५ आणि रात्री उशिरा) हे हॉर्मोन्स स्नॅकिंगवरही नियंत्रण ठेवतात का? हेल्थ फिटनेस वेलनेस विषयी लेख वाचण्यासाठी क्लिक करा स्नॅकिंग : आपण आज स्वतःला काही प्रश्‍न विचारणार आहोत. १) तुम्हाला बऱ्याचदा जेवणानंतर १-२ तासातच काही स्नॅक खावासे वाटतात का? २) तुम्हाला स्नॅकिंग करावेसं वाटतं, तेव्हा काय खाण्याची इच्छा होते? मी तुम्हाला खोबऱ्याचे काप किंवा बदाम दिल्यास ते तुम्हाला मनापासून आवडेल का? किंवा आपण चॉकलेटचा तुकडा, ज्युस, कुरकुरीत गोष्टी, बिस्किटं, केक, ब्रेड हेच खाऊ इच्छिता? ३) तुम्हाला गोड पदार्थ खावेसे वाटतात की तिखट? ४) जेवणानंतर काही सटरफटर खाऊन तुम्हाला खरंच खूप समाधान वाटतं का? (भुकेल्या पोटी, मुख्य जेवणानंतर जे समाधान मिळतं तसं.) उदा. दुपारचं किंवा रात्रीचं जेवण झाल्यानंतर. या प्रश्‍नांतून आपल्याबद्दल आणि आपल्या निवडींबद्दल खूप काही कळू शकतं. त्यातून तुम्ही स्नॅकिंग का करता, हेही कळतं. आपण जेवताना संतुलित आणि लक्षपूर्वक जेवलो म्हणून, की कंटाळा आला किंवा ताणतणावामुळं आपण स्नॅकिंग केलं? आपल्या स्नॅक्सच्या निवडींवरून आपल्या शरीराला काय हवं, हे आपण सांगू शकता. स्नॅकिंग सवय असल्याचं तुमच्या लक्षात आलं आहे का? ही ‘भूक’ नसून शुगर क्रेविग्ज असतात. हे कदाचित इतर कोणत्याही व्यसनासारखंच असून, कदाचित अधिक धोकादायक आहे. स्नॅकिंगच्या वेळेला खाण्यासाठी निवडलेल्या स्नॅक्सकडं फक्त पाहा. साखर, स्टार्च किंवा तळलेले पदार्थ, उदा. चॉकलेट, कुरकुरीत गोष्टी, ज्यूस, आइस्क्रीम, फळे, केक, बिस्किटं. हे तुम्हाला पटतंय का? अशा वेळी आपला कल सहजपणे अंडी, काकडी-टोमॅटो, चिकनचे पीस, स्प्राऊट्स किंवा दही निवडण्याकडं जातो का? जोपर्यंत आपण स्ट्रिक्ट डायट घेत नाही आणि आपला आहारतज्ज्ञ आपलं परीक्षण करीत नाही, तोपर्यंत नक्कीच नाही! स्नॅकिंग हे एक व्यसन आहे. आपल्या दैनंदिन आहारामध्ये बदल करून हे निश्‍चितपणे कमी केलं जाऊ शकतं, मात्र, त्याला बिहेविअरल चेंजचीही आवश्यकता आहे. या लेखामधून शिकण्याची गोष्ट म्हणजे, ‘भूक’ आणि ‘स्नॅकिंग’ या दोन गोष्टी दोन प्रकारे नियंत्रित केल्या जातात. आपल्या हार्मोन्सद्वारे आणि वर्तनाद्वारे. आपण फिटनेस रूटीन सुरू कराल, तेव्हा आपला आहार आणि वर्कआउटची योजना आखणे जरुरीचे आहेच. मात्र, आपल्या सवयी बदलायला आधी एक आठवडा मनाच्या तयारीला द्या. News Story Feeds https://ift.tt/eA8V8J

via News Story Feeds https://ift.tt/2Y0lBOx