सिंधुदुर्गातून आणखी २६ नमुने ओरोस (सिंधुदुर्ग) - जिल्हा रुग्णालयातून आज नव्याने 26 नमुने कोरोना तपासणीसाठी मिरज येथे पाठविण्यात आले आहेत. प्रलंबित असलेल्या 33 पैकी 31 नमुन्यांचे अहवाल प्राप्त झाले असून, ते सर्व निगेटिव्ह आले आहेत; तर कालचे (ता. 29) दोन व आजचे 26 असे मिळून 28 अहवालांची प्रतीक्षा जिल्ह्याला आहे. आयसोलेशन कक्षातील रुग्णांची संख्या तीनने वाढली असून, सध्या या कक्षात कोरोनाबाधित मुलीसह 72 रुग्ण उपचार घेत आहेत. दरम्यान, एकमेव सध्या कोरोनाबाधित असलेल्या मुलीची तब्येत चांगली असून, तिच्यावर जिल्हा रुग्णालयातील आयसोलेशन कक्षात उपचार सुरू आहेत. जिल्ह्यात सध्या एकूण 344 व्यक्ती क्वारंटाईन आहेत. त्यापैकी 224 व्यक्तींना होम क्वारंटाईन करण्यात आले आहे; तर 120 व्यक्ती या संस्थात्मक क्वारंटाईन आहेत. होम क्वारंटाइनमधील चार व्यक्तींना सोडण्यात आले आहे. संस्थात्मक क्वारंटाईनमधील व्यक्तींची संख्या 10 एवढी वाढली आहे. जिल्हा सामान्य रुग्णालयामार्फत एकूण 375 नमुने तपासणीसाठी पाठविण्यात आले होते. त्यातील 347 नमुन्यांचा तपासणी आहवाल प्राप्त झाला आहे. त्यापैकी 345 नमुन्यांचा अहवाल निगेटिव्ह आला; तर अजून 28 नमुन्यांचा तपासणी अहवाल प्राप्त झालेला नाही. दोन नमुने पॉझिटिव्ह आले होते. त्यातील एक रुग्ण कोरोनामुक्त होऊन घरी गेला आहे; तर काल पॉझिटिव्ह अहवाल आलेली मुलगी उपचार घेत असून, तिची तब्येत ठीक आहे. जिल्हा सामान्य रुग्णालयातील विलगीकरण कक्षात सध्या 72 व्यक्ती दाखल असून, त्यातील 34 व्यक्ती या डेडिकेटेड कोवीड हॉस्पिटलमध्ये, तर 38 व्यक्ती या डेडिकेटेड कोवीड हेल्थ सेंटरमध्ये दाखल आहेत. शुक्रवारी (ता. 24) आरोग्य विभागामार्फत एकूण दोन हजार 727 व्यक्तींची तपासणी करण्यात आली. यात एकाही व्यक्तीला कोरोनाची लक्षणे आढळलेली नाहीत. News Story Feeds https://ift.tt/eA8V8J - Click Live News Short news on Mobile 2019.....