Coronavirus : सातारा जिल्ह्यातील १४ संशीयत रुग्ण दाखल; दाेन इस्लामपूर रुग्णांच्या संपर्कातील सातारा : सातारा जिल्ह्यात ता. 15 मार्च नंतर परदेश प्रवास करुन आलेले सात प्रवासी कोरोना अनुमानित म्हणुन रुग्ण दाखल झाले आहेत. त्यांच्या घशातील स्त्रावाचे नमुने जिल्हाधिकारी यांच्या सुचनेनुसार एन.आय.व्ही. पुणे येथे तपासणी करीता पाठविण्यात येत आहेत.तसेच सातारा जिल्हयातील एक पुरुष व एक महिला हे दाेन रहिवाशी इस्लामपुर येथील कोरोना रुग्णांच्या संपर्कात आल्याचे निदर्शनास आल्याने त्यांना देखील अनुमानित रुग्ण म्हणुन साेमवारी (ता.३०) दाखल करून घेण्यात आले आहे. त्यांचे घशातील स्त्रावाचे नमुने एन.आय.व्ही. पुणे येथे तपासणी करीता पाठविण्यात येत आहेत. याबराेबरच सातारा जिल्ह्यातील एक 38 वर्षीय पुरुषाला कोरडा खोकला व श्वसनाचा त्रास होत असल्याने जिल्हा रुग्णालयात विलगीकरण कक्षात दाखल करुन त्याच्या घशातील स्त्रावाचा नमुना एन.आय.व्ही. पुणे येथे पाठविण्यात आले आहे, अशी माहिती जिल्हा शल्य चिकीत्सक डॉ. आमोद गडीकर यांनी दिली आहे. सातारा जिल्ह्यातील कष्णा मेडिकल कॉलेज कराड येथील विलगीकरण कक्षात 28 मार्च रोजी 48 वर्षीय पुरुषास ताप व श्वसनास त्रास होत असल्याने, ता. .29 मार्च रोजी 80 वर्षीय पुरुष व चार वर्षीय मुलास श्वसनास त्रास व खोकला असल्याने आणि ता. 30 मार्च रोजी एका वर्षाच्या मुलीस ताप व खोकला आल्याने दाखल केले आहे. या सर्व चार रुग्णांना कोरोनाचे अनुमानित रुग्ण म्हणून दाखल केले आहे. त्यांच्या घशातील स्त्रावाचे नमुने एन. आय. व्ही. पुणे येथे पाठविण्यात आले आहेत. प्राथमिक तपासण्यानंतर त्याची प्रकृती स्थिर असून उपचार चालु आहेत. हे रिपोर्ट प्राप्त झाल्यानंतर पुढील उपचार ठरवण्यात येतील. सातारा जिल्ह्यातील वय 57 वर्षीय एका महिलेला श्वास घेण्यास त्रास होत असल्याने आणि पॅरिस येथून प्रवास करुन आलेल्या 35 वर्षीय पुरुषाला कोरडा खोकला असल्याने जिल्हा रुग्णालयातील विलगीकरण कक्षात दाखल करण्यात आले होते. या दोन अनुदमानित रुग्णांच्या घशातील स्त्रावांचे नमुने पुण्यात एन.आय.व्ही.कडे पाठविण्यात आले होते. त्यांचे रिपोर्ट मिळाले असून त्यांना कोविड 19 चा बाधा नसल्याची माहिती जिल्हा शल्यचिकीत्सक डॉ. आमोद गडीकर यांनी दिली आहे. Video : कोरोनाच्या टेस्ट कृष्णात शक्‍य; सरकारच्या परवानगीची आवश्यकता : डॉ. सुरेश भोसले News Story Feeds https://ift.tt/eA8V8J - Click Live News Short news on Mobile 2019.....