तेलांच्या 'या' मिश्रणाने तुम्हाला खाज आणि पुरळपासून मिळेल सुटका औरंगाबाद - उन्हाळ्याच्या दिवसात अधिक घामामुळे खाज सुटणे आणि पुरळ येणे ही सामान्यबाब झाली आहे. खाजताना नखे लागल्याने जखम होते. त्यामुळे आणखी त्रास वाढते. उन्हाळ्यात आपण घामाला रोखू शकत नाही. मात्र त्यामुळे होणाऱ्या समस्या सोडवू शकतो. आम्ही तुम्हाला नॅचरल ऑईल ब्लेंडविषयी सांगणार आहोत. जे सहज घरी बनवले जाऊ शकते. हे डीआयवाय फाॅर्म्युल्यावर आधारित आहे. ते तीन प्रकारचे तेलांचा वापर करुन बनवले जाऊ शकते. तेलांच्या या मिश्रणाने तुम्हाला खाज आणि पुरळपासून सुटका मिळेल. तसेच तुमची त्वचा रसायनविरहितही राहिल. हे नॅचरल ऑईल ब्लेंड बनवण्यासाठी तुम्हाला हवे - दोन चमचे खोबरेल तेल - दोन चमचे बदाम तेल - दोन थेंब क्लोव ऑईल (लवंगाचे तेल) कृती १. एक वाटी घ्या आणि त्यात दोन चमचे खोबरेल तेल आणि त्याप्रमाणात बदामाचे तेल टाका. दोन्ही तेल चांगल्या प्रकारे एकजीव करा. २. आता त्यात दोन थेंब लवंगाचे तेल टाका आणि चांगल्या प्रकारे एकत्र करुन घ्या. लावण्याची पद्धत तयार तेलाला पुरळ आणि खाज येणाऱ्या ठिकाणी लावा. याने तुम्हाला आराम मिळेल. लवंगाचे तेल दोन थेंबांपेक्षा अधिक असू नये. खोबरेल तेल त्वचेला नैसर्गिकरित्या माॅयश्चराईज्ड ठेवणे, कोरडेपणापासून बचाव आणि त्वचापेशींचे पोषण करण्यासाठी खोबरेल तेल खूप मदत करते. यात अँटी बॅक्टेरियल गुणही आहेत. जे त्वचेला संसर्गापासून वाचवण्याचे काम करते. बदामाचे तेल त्वचेला नैसर्गिक पिंग्मेंटेशन देणे, डाग कमी करण्यास आणि कोमल बनवण्यासाठी बदामाचे तेल खूप उपयोगी पडते. ते त्वचेच्या आत पोषणाचे काम करते. लवंग तेल अँटी फंगल आणि अँटी अॅलर्जिक गुणांनी भरपूर लवंग तेल कोणत्याही प्रकारचे बॅक्टेरिया, फंगस आणि हानिकारक मायक्रोब्सला तुमच्या त्वचेवर वाढीस प्रतिबंध करते. (डिस्क्लेमर - वापरताना तज्ज्ञ डाॅक्टरांचा सल्ला घ्यावा.) Tajya news Feeds https://ift.tt/eA8V8J

via Tajya news Feeds https://ift.tt/3lZRuRe