रेडी बंदरात अनधिकृत ट्रॉलर पकडला वेंगुर्ले (सिंधुदुर्ग) - येथील रेडी बंदर समोरील समुद्रात अनधिकृत मच्छीमारी करत असलेल्या गोवा राज्यातील ट्रॉलरवर येथील सागरी सुरक्षा विभागाने धडक कारवाई केली. यामध्ये सापडलेल्या मासळीचे लिलाव करून पुढील कारवाईसाठी हा ट्रॉलर येथील बंदर समुद्रात अवरुद्ध केल्याची माहिती परवाना अधिकारी मत्स्य विभाग चिन्मय जोशी यांनी दिली. सागरीसुरक्षा विभागाचे सुरक्षा रक्षक राजेश कुबल, हर्षद टाककर व पोलीस श्री. पिळगावकर हे 31 जानेवारीला रात्री 3.30च्या सुमारास गस्तीवर असताना रेडी बंदरासमोरील 18 वाव समुद्रात गोवा राज्यातील रॉयल सी नामक (आय एन डी जी ए 01- 398) ट्रॉलर्स मच्छीमारी करताना आढळला. पुढील कारवाईसाठी ट्रॉलर्स येथील बंदरात आणला असता यात मिळालेल्या मासळीचे 30 हजारांना लिलाव करण्यात आले. पुढील कारवाईसाठी ट्रॉलर येथील बंदर येथे ठेवल्याची माहिती परवाना अधिकारी श्री. जोशी यांनी दिली. यावेळी पोलिस कर्मचारी अमर कांडर उपस्थित होते. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3j89F5E