सिंधुदुर्गातील अवैध धंदे रोखा - अँटीकरप्शन फाउंडेशन सावंतवाडी (सिंधुदुर्ग) - दारू, मटका, जुगार आदी अवैध धंद्यामुळे तरुण पिढी वाम मार्गाला लागली असल्याने हे काळे धंदे तत्काळ बंद करावेत, या मागणीसाठी अँटीकरप्शन फाउंडेशनच्यावतीने उपविभागीय पोलिस उपअधीक्षक रोहिणी सोळंखे यांना निवेदन देण्यात आले. दरम्यान, हे धंदे बंद पाडण्यासाठी जनतेने देखील पुढे येणे गरजेचे आहे. पोलिस आणि सामाजिक संस्था तसेच सामाजिक कार्यकर्त्यांनी पोलिसांना सहकार्य करावे, असे आवाहन श्रीमती सोळंखे यांनी केले. अवैध धंद्यावर आळा घातला जाईल असे अभिवचन देखील त्यांनी फाउंडेशन च्या पदाधिकाऱ्यांना दिले. या प्रसंगी सोळंखे यांना पुष्पगुच्छ देऊन पुढील वाटचालीस शुभेच्छा देण्यात आल्या. अँटिकरप्शन फाउंडेशन ऑफ इंडिया ही संस्था सामाजिक कार्यामध्ये कार्यरत आहे. या वेळी अँटी करप्शन फाउंडेशन स्टेट व्हाईस प्रेसिडेंट गोवा नयनेश गावडे, तालुका प्रेस सेक्रेटरी शैलेश मयेकर, सावंतवाडी तालुका प्रेसिडेंट एकनाथ चव्हाण, तालुका व्हाईस प्रेसिडेंट संतोष तळवणेकर आदी उपस्थित होते. गुन्हेगारीत वाढ सध्या समाजामध्ये दारू वाहतूक मटका जुगारसारखे अनेक अवैध धंदे जोरात चालू आहेत. या व्यवसायामुळे मोठ्या प्रमाणात तरुण पिढी बिघडत चालली असून गुन्हेगारीकडे वळत आहे. त्यामुळे त्याचा समाजावर वाईट परिणाम दिसून येत आहे. एकूणच या सर्वांवर कारवाई होण्यासाठी फाउंडेशन नेहमी कार्यरत राहिली, असे यावेळी सांगण्यात आले. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/356dTFA