शासकीय कार्यालयांत शुकशुकाट, व्यवसाय ठप्प सिंधुदुर्गनगरी - जिल्ह्यातील सर्व शासकीय कार्यालयांना कालपासून (ता.13) ते सोमवारपर्यंत (ता.16) या कालावधीत सलग चार दिवस सुटी असल्याने जिल्हा मुख्यालय शासकीय कार्यालयांमध्ये शुकशुकाट पसरला आहे. शासकीय कार्यालये बंद असल्याने येथील स्टॉल व अन्य व्यवसाय ठप्प झाले आहेत. शासकीय कार्यालयांना आता पाच दिवस कामकाज आणि शनिवार, रविवार सार्वजनिक सुटी जाहीर झाल्याने व जिल्हाधिकाऱ्यांनी आपल्या अधिकारात काल (ता.13) धनत्रयोदशीनिमित्त स्थानिक सुटी जाहीर केली होती. शनिवार, उद्या (ता.15) रविवार आणि 16 रोजी दीपावली पाडव्यानिमित्त सार्वजनिक सुटी असल्याने शासकीय कार्यालयांना सलग चार दिवस सुटी मिळाली आहे. कालपासून (ता.13) ते सोमवारपर्यंत (ता.16) सलग चार दिवस येथील कार्यालयांना सुटी असल्याने जिल्हा मुख्यालयातील शासकीय संकुलात शुकशुकाट पसरला आहे. शासकीय कार्यालयांवर अवलंबून असलेल्या स्टॉल धारकांचा व्यवसायही दिवाळीच्या तोंडावर ठप्प झाला आहे. त्यामुळे येथील स्टॉल धारकांवरही आपले व्यवसाय बंद ठेवण्याची वेळ आली आहे. 17 पासून सर्व शासकीय कार्यालयांचे कामकाज पूर्ववत सुरू होईल. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/2Kb5dpx