शिक्षक मतदारसंघ निवडणूक : ऐन निवडणुकीत दिवाळीच्या सुट्ट्या, उमेदवार कसा करणार प्रचार? अमरावती : अमरावती विभाग शिक्षक मतदारसंघाच्या निवडणुकीचा जोर आता चांगलाच वाढला आहे. येत्या 12 नोव्हेंबरपासून शाळांना दिवाळीच्या सुट्ट्या लागत आहेत. त्यामुळे शाळेत जाऊन शिक्षकांशी संपर्क करण्यासाठी उमेदवारांच्या हातात फारच कमी दिवस शिल्लक आहेत. त्यामुळे त्यांची चांगलीच दमछाक होत आहे. 12 ते 25 नोव्हेंबरपर्यंत शाळांना दिवाळीच्या सुट्ट्या आहेत. त्यामुळे 6 ते 11 नोव्हेंबरपर्यंत शाळांमध्ये शिक्षकांच्या भेटी होऊ शकतात. त्यातच 8 नोव्हेंबरला रविवार असल्याने आणखी एक दिवस कमी झाला आहे. 26 पासून शाळा परत सुरू होतील. एक डिसेंबरला मतदार आहे. त्यामुळे 26 ते 28, असे शेवटचे तीनच दिवस उमेदवारांना शाळेत जाण्याची संधी मिळणार आहे. अमरावती विभागातील पाच जिल्हे, 56 तालुके, तीन हजारांवर माध्यमिक शाळा, असा हा मतदारसंघ असल्याने प्रत्येक मतदारापर्यंत पोहोचणे नव्या उमेदवारांना एवढ्या कमी दिवसात अशक्‍य असल्याचे बोलले जात आहे. ज्यांच्याकडे संघटनांचे पाठबळ आहे त्यांनी जोरदार फिल्डिंग लावली आहे. परंतु, जे नवे उमेदवार आहेत त्यांची चांगलीच पंचाईत झाली आहे. कमी वेळेत जास्तीत जास्त मतदारांपर्यंत पोहोचण्यासाठी बहुतेक उमेदवारांनी अमरावती जिल्ह्याची निवड केली आहे. कारण येथे सर्वात जास्त मतदार आहेत. हेही वाचा - VIDEO : एका चुकीमुळे कलावंताच्या आयुष्यात झाला अंधार, २० वर्षांपासून लहानशा 'डार्करुमध्ये... विशेष म्हणजे, या निवडणुकीत पेशाने शिक्षक असलेल्या उमेदवारांची संख्या अतिशय कमी असून संस्थाचालक तसेच विविध राजकीय पक्षांशी संबंधित असलेले उमेदवारसुद्धा रिंगणात राहणार आहेत. त्यामुळे राजकीय पक्षांचा प्रभाव यंदाच्या निवडणुकीवर राहील किंवा नाही, याची चर्चा सुरू झाली आहे. संघटनांचे बळ - शिक्षक मतदारसंघाच्या या निवडणुकीत शिक्षक संघटनांचे बळ अतिशय महत्त्वाचे ठरणार आहे. मात्र, काही प्रस्थापित संघटनांचे एकाच विचारसरणीचे दोन उमेदवार रिंगणात येण्याचे संकेत आहेत. शिक्षकांच्या प्रश्नांवप सातत्याने लढा देणाऱ्या काही संघटना खिळखिळ्या झाल्याची चर्चा असून त्याचा लाभ उचलण्याची रणनीती आखण्यात येत असल्याची माहिती आहे. हेही वाचा - सततच्या पावसामुळे सोयाबीनला शेंगा फुटल्याच नाही, मग निराश शेतकऱ्याने पिकात फिरवला... त्याच त्या प्रश्‍नांवर खलबते - निवडणुकीच्या प्रचारात शिक्षकांचे प्रश्‍न, आपल्या संघटनेने काय केले, कोणते प्रश्‍न सुटले, कोणते गंभीर होत आहेत, अशा विविध मुद्द्यांवर सध्या खलबते सुरू आहेत. News Story Feeds https://ift.tt/eA8V8J

via News Story Feeds https://ift.tt/2IbEyrr