मोरोपंत पिंगळे यांचे जीवनकार्य राष्ट्र कार्यासाठी प्रेरणादायी : गिरीश प्रभुणे पुणे : मोरोपंत पिंगळे यांचा सर्व भारतीय समाजाचा सखोल अभ्यास होता. ते महाराष्ट्रात कार्यरत झाले तेव्हा आव्हानात्मक परिस्थिती होती. शिवाजी महाराजांच्या गौरवास्पद इतिहासाला मोरोपंत पिंगळे यांनी शिवचरित्र लेखन, शाहिरी परिषदेतून प्रेरणा दिली. शाहिरी परंपरा शिवकार्याशी पुन्हा जोडण्याचे काम त्यांनी केले. त्यांनी इतिहास संकलन समितीद्वारे हरवलेला इतिहास शोधण्याचे मोठे काम त्यांनी केले. पिंगळे यांचे जीवनकार्य राष्ट्र कार्यासाठी प्रेरणादायी आहे,'' असे प्रतिपादन ज्येष्ठ समाजसेवक गिरीश प्रभुणे यांनी केले. - नागरिकांनो, ही बातमी तुमच्यासाठी; मास्कच्या नव्या किंमती जाणून घ्या!​ गो विज्ञान संशोधन संस्था, पुणे यांच्या वतीने राष्ट्रीय स्वयंसेवक संघाचे तत्कालीन अखिल भारतीय बौद्धिक प्रमुख, विश्व हिंदू परिषदेचे संस्थापक मोरोपंत पिंगळे यांच्या जन्मशताब्दी सांगता समारोहानिमित्त गिरीश प्रभुणे यांचे व्याख्यान आयोजित करण्यात आले होते. मोतीबाग येथील संघ कार्यालयात मोरोपंत पिंगळे यांच्या प्रतिमेला गिरीश प्रभुणे आणि राजेंद्र लुंकड यांनी पुष्पहार अर्पण केला. यावेळी गो-विज्ञान संशोधन संस्था, पुणेचे अध्यक्ष राजेंद्र लुंकड, कार्यवाह बापू कुलकर्णी, चिंतामणी चितळे, रामदास चौंडे, शिरीष भेडसगावकर आदी उपस्थित होते. - ...तर मग संमतीनेच घटस्फोट घेऊ; कोरोनाने बदलला जोडप्यांचा कल! गिरीश प्रभुणे म्हणाले, "रामजन्मभूमी आंदोलन, सरस्वती नदी शोध यात्रा या कार्यांना पिंगळे यांनी प्रेरणा दिली. चार युगात भारत कसा होता याचा नकाशा त्यांनी तयार करवून घेतला. राम मंदिराचे पुनर्निर्माण म्हणजे राष्ट्र मंदिराची पुनर्निर्मिती आहे, हा विचार त्यामागे होता. या आंदोलनामुळे देशातील भाषा, प्रांत, जात भेद विसरून सर्व एकत्र आले.'' - पुण्याच्या बातम्या वाचण्यासाठी येथे ► क्लिक करा (Edited by : Ashish N. Kadam) News Story Feeds https://ift.tt/eA8V8J

via News Story Feeds https://ift.tt/34KPqpj