भंगारातून साकारले कोरोनाविरोधाचे शस्त्र, या कामासाठी अतिशय उपयुक्‍त... नागपूर : मध्य रेल्वेच्या नागपूर विभागातील कर्मचाऱ्यांनी पडीत भंगारातून कोरोनाविरोधाचे शस्त्र तयार केले आहे. या यंत्राच्या मदतीने आरक्षणाचे अर्ज, पैसे, तिकिटांचे निर्जंतुकीकरण शक्‍य आहे. यंत्राच्या उपयोगामुळे कोरोना विषाणूचा संसर्ग टाळणे शक्‍य झाले असून, कर्मचारी व प्रवाशांना सुरक्षा मिळणार आहे. रेल्वेस्थानकावर आरक्षणासाठी येणारे प्रवासी आणि रेल्वे कर्मचाऱ्यांमध्ये थेट संपर्क येऊ नये, अशा उपाययोजना आहेत. पण, अर्ज, पैसे, तिकिटांची देवाण-घेवाण करावीच लागत असल्याने संसर्गाचा धोका होता. या समस्येवर मात करणारे उपकरण मध्य रेल्वेच्या नागपुरातील वाणिज्य विभागाने भंगारातून साकारले आहे. रेल्वे आरक्षण कार्यालयातील निकामी प्रिंटर तसेच नोटा मोजण्याच्या यंत्रातील भाग जोडून हे उपकरण तयार झाले आहे. अल्ट्राव्हाइलेट किरणांचा त्यात प्रभावी वापर करण्यात आला आहे. प्रवाशाने आरक्षणाचा भरलेला अर्ज टाकताच निर्जंतुकीकरण होऊन ते बुकिंग क्‍लर्कला मिळते. त्यातूनच पैसे टाकले जातात. यानंतर क्‍लर्क याच यंत्रातून तिकीट टाकून प्रवाशाला देतात. कोणत्याही वस्तूवर कोरोनाचे विषाणू असल्यास अतिनील किरणामुळे त्यांचा खात्मा होऊन प्रसारही रोखला जातो. सेल्फी काढताना केली स्टंटबाजी, पाचही जणांनी घेतले हातात हात आणि... प्रायोगिक तत्त्वावर हे यंत्र नागपूर रेल्वेस्थानकाच्या खिडकीवर लावण्यात आले असून, त्यांचे चांगले परिणामही दिसून येत आहेत. आगामी दिवसांमध्ये असे यंत्र सर्वच आरक्षण खिडक्‍यांवर दिसण्याची शक्‍यता आहे. लॉकडाउनच्या नियमांमध्ये शिथिलता आणत पुन:श्‍च हरिओमचा नारा देण्यात आला असून देशाला पूर्वपदावर आणण्याचे प्रयत्न सुरू आहेत. पण, त्याचवेळी लोकांचे एकमेकांच्या संपर्कात येणे सुरू झाल्याने कोरोना रुग्णांची संख्या वाढू लागली आहे. अशावेळी हे नवे यंत्र उपयोगी सिद्ध होणार आहे. News Story Feeds https://ift.tt/eA8V8J - Click Live News Short news on Mobile 2019.....