सापडला कोरोना रूग्ण रात्री, तरी होणार नाही धावपळ, याची खात्री... कोल्हापूर : "डंपर आहे तर बॅरिकेड नाही, बॅरिकेड आहे तर डंपर नाही...', अशी अवस्था महापालिकेच्या यंत्रणेची झाली होती. त्यासंबंधीचे वृत्त "सकाळ'मध्ये सोमवारी (ता. 28) प्रसिद्ध झाले होते. त्याची दखल घेत महापालिका प्रशासनाने रात्रीच्या वेळीही स्वतंत्र यंत्रणा तैनात केली आहे. सायंकाळी सहा ते सकाळी सहापर्यंत कर्मचाऱ्यांची स्वतंत्र टीम तैनात असेल. कोरोना संकट काळात महापालिका प्रशासनाने रात्रीचा दिवस करून काम केले. शहराच्या कोणत्याही भागात दिवसा कोरोना रुग्ण सापडल्यानंतर आरोग्य विभागाची यंत्रणा धावपळ करते. औषध फवारणी, बॅरिकेड लावून भाग सील करणे, यासंबंधी तातडीने उपाय योजले जातात. मात्र रात्रीच्या वेळी यंत्रणा कमी पडत होती. रंकाळा टॉवर येथे पाच दिवसापूर्वी कोरोनाचा रुग्ण सापडल्यानंतर तातडीने साहित्य उपलब्ध होण्यास अडचण निर्माण झाली. ऐनवेळी औषध फवारणीवाला उपलब्ध झाला नाही. बॅरिकेट आणण्यासाठी डंपरची शोधाशोध करावी लागली. यंत्रणा लावण्यास रात्रीचे दोन वाजून गेले. त्याकडे "सकाळ' ने बातमीच्या माध्यमातून लक्ष वेधले होते. महापालिकेकडून औषध फवारणी करण्यासाठी ट्रॅक्‍टर, औषध फवारणी करणारा कर्मचारी, डंपर यांची रात्रीच्या वेळी स्वतंत्र व्यवस्था करण्यात आली आहे. - निखील मोरे, उपायुक्त दृष्टिक्षेप - "सकाळ'मधील वृत्ताची महापालिकेकडून तत्काळ दखल - रात्रीच्या वेळी औषध फवारणीसाठी ट्रॅक्‍टर, कर्मचारी व्यवस्था - तातडीने रूग्णासाठी साहित्य उपलब्ध होणार - आरोग्य विभागालाही दिलासा News Story Feeds https://ift.tt/eA8V8J

via News Story Feeds https://ift.tt/2NQxeRC