मोठा आधार! सिंधुदुर्गात आणखी दहा जण ठरले कोरोनाला भारी ओरोस (सिंधुदुर्ग) - जिल्ह्यात आज आणखी 10 रुग्णांनी कोरोनावर मात केली. काल (ता.8) त्यांना घरी सोडण्यात आले. त्यामुळे जिल्ह्यात आतापर्यंत डिस्चार्ज मिळालेल्या रुग्णांची संख्या 201 झाली आहे. जिल्ह्यात एकूण कोरोनाबाधित 250 असून सध्या सक्रिय 43 रुग्ण आहेत. जिल्ह्यात सध्या एकूण बाधित रुग्णाची संख्या 250 झाली होती. पैकी 191 रुग्णांनी यापूर्वीच कोरोनावर यशस्वी मात केल्याने त्यांना डिस्चार्ज दिला होता. आज नव्याने आणखी 10 रुग्णांनी कोरोनावर मात केली. त्यामुळे एकूण बरे होणाऱ्यांची संख्या 201 आहे. सक्रिय संख्या 43 झाली आहे. जिल्ह्यात कोरोना तपासणीस घेतलेल्या अहवालांची संख्या 4 हजार 246 वर पोचली आहे. यातील 4 हजार 185 अहवाल प्राप्त झाले आहेत. त्यातील 250 बाधित आहेत. 3 हजार 935 निगेटिव्ह आले आहेत. अजून 61 अहवाल प्रलंबित आहेत. बाधित 250 पैकी 201 बरे होवून घरी परतले आहेत. पाच व्यक्ती मृत झाल्या आहेत. एक मुंबई येथे उपचाराला गेली आहे. त्यामुळे जिल्ह्यात सध्या 43 रुग्ण सक्रिय राहिले आहेत. जिल्ह्यातील आयसोलेशन कक्षात सध्या 73 व्यक्ती उपचार घेत आहेत. डेडिकेटेड कोविड रुग्णालय असलेल्या जिल्हा रुग्णालयात सध्या 24 कोरोनाबाधित तर 29 कोरोना संशयित उपचार घेत आहेत. डेडिकेटेड कोविड हेल्थ सेंटरमध्ये 10 कोरोनाबाधित आणि 1 कोरोना संशयित उपचार घेत आहेत. कोविड केअर सेंटरमध्ये 9 कोरोनाबाधित उपचार घेत आहेत. जिल्ह्याच्या आरोग्य पथकाने आज 2 हजार 228 व्यक्तिची आरोग्य तपासणी केली. जिल्ह्यातील संस्थात्मक क्‍वारंटाइनमध्ये दाखल 14 हजार 716 व्यक्ती आहेत. शासकीय संस्थात्मक क्‍वारंटाइनमध्ये 46 संख्या आहे. गाव पातळीवरिल क्‍वारंटाइनमध्ये 12 हजार 142 व्यक्ती आहेत. नागरी क्षेत्रातील क्‍वारंटाइनमध्ये 2 हजार 528 व्यक्ति दाखल आहेत. संपादन ः राहुल पाटील News Story Feeds https://ift.tt/eA8V8J

via News Story Feeds https://ift.tt/2BOrQwi