पुण्यातील पालिका रुग्णालयांत एवढ्या रुग्णांवर होत आहेत उपचार; वाचा सविस्तर पुणे - शहरातील कोरोना विषाणूंचा संसर्ग झालेले ६९ टक्के रुग्ण महापालिकेची रुग्णालये आणि महापालिकेने विकसित केलेल्या कोविड केअर सेंटरमध्ये उपचार घेत आहेत. त्या खालोखाल २७ टक्के रुग्ण खासगी रुग्णालयांमध्ये, तर चार टक्के रुग्ण शहरातील सर्वांत मोठे सरकारी रुग्णालय असलेल्या ससूनमध्ये दाखल आहेत. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा राज्यातील कोरोनाचा पहिला रुग्ण पुण्यात आढळला. गेल्या ९७ दिवसांमध्ये पुण्यात कोरोनोबाधित रुग्णांची संख्या आता दहा हजारांच्या टप्प्यावर पोचली आहे. आज कोरोनाचे २३४ रुग्ण नव्याने आढळले. तर दहा रुग्णांचा मृत्यू झाला. शहरात एकूण कोरोनाबाधित रुग्णांची संख्या नऊ हजार ८९० झाली. त्यापैकी सहा हजार ४४६ जण कोरोनामुक्त झाले. त्यांना उपचार करून घरी सोडण्यात आले. तर, ४५८ जणांचा कोरोनामुळे मृत्यू झाला. त्यात आजच्या दहा रुग्णांचा समावेश आहे. पुण्यात सध्या दोन हजार ९८६ रुग्ण वेगवेगळ्या रुग्णालयांमध्ये आणि उपचार केंद्रांमध्ये दाखल आहेत. यात सर्वाधिक रुग्ण महापालिकेची रुग्णालये आणि महापालिकेने विकसित केलेल्या कोविड केअर सेंटरमध्ये असल्याची माहिती आरोग्य विभागातर्फे देण्यात आली. News Story Feeds https://ift.tt/2Y3jadt - Click Live News Short news on Mobile 2019.....