राज्यातील न्यायालयीन कामकाजास होणार सुरूवात वाचा सविस्तर बातमी पुणे - लॉकडाउनमुळे बंद असलेले न्यायालयीन कामकाज आठ जूनपासून दोन शिफ्टमध्ये सुरू होणार आहे. न्यायालयात होणारी गर्दी कमी राहावी म्हणून 50 टक्के न्यायिक अधिकारी आणि कर्मचाऱ्यांच्या उपस्थितीत कामकाज सुरू होणार आहे. याबाबत मुंबई उच्च न्यायालयाने राज्यातील सर्व न्यायालयांनी सूचना दिल्या आहेत. 23 मार्चपासून न्यायालयीन कामकाज बंद असल्याने तातडीच्या दाव्यांवर सुनावणी सुरू होती. मात्र अनलॉकच्या पहिल्या टप्प्यात आठ जूनपासून सकाळी 10 ते दुपारी एक आणि दुपारी अडीच ते साडेपाच यावेळेत न्यायालयाचे कामकाज चालणार आहे. 50 टक्के न्यायिक अधिकारी आणि न्यायालयीन कर्मचाऱ्यांच्या उपस्थितीत कामकाज चालेल. मात्र, प्रमुख न्यायाधीश न्यायालयीन शिफ्ट वगळता कामाच्या वेळा बदलू शकतात. न्यायाधीशांनी कामकाज करताना 15 पेक्षा जास्त प्रकरणे बोर्डवर घेऊ नये. पक्षकारांच्या अनुपस्थितीत आदेश देऊ नये. ताज्या बातम्यांसाठी डाऊनलोड करा ई-सकाळचे ऍप गर्दी कमी करण्यासाठी सूचना एक्‍सपार्टी ऑर्डर, साक्षीदारांना समन्स बजावताना सध्याची परिस्थिती लक्षात घ्यावी. निकालाच्या सुनावणीच्या टप्प्यात असलेले निकाल आधी देण्यास न्यायाधीश प्राधान्य देऊ शकतात. रोजच्या बोर्डची कॉपी एक दिवस आधी बार असोसिएशनला द्यावी. त्यामुळे न्यायालयात होणारी गर्दी कमी होईल. कोर्ट हॉलमध्ये विनाकारण गर्दी होऊ नये, यासाठी ज्या दाव्याची सुनावणी आहे, त्यातील वकील आणि पक्षकारांना हॉलमध्ये प्रवेश करू द्यावा, अशा सूचना असणारे परिपत्रक उच्च न्यायालयाच्या रजिस्टरने काढले आहे. पुण्याच्या बातम्या वाचण्यासाठी येथे क्लिक करा संसर्ग न होण्यासाठी सुचविलेल्या उपाययोजना - प्रवेशद्वारावर प्रत्येकाचे थर्मल स्क्रिनिंग करावे. - सॅनिटायझर, पाणी, साबणाची सुविधा उपलब्ध करावी. - आपला संगणक शक्‍यतो इतरांना वापरू देऊ नये. - न्यायालय परिसरातील किऑस्क बंद ठेवावेत. - स्वच्छतेच्या पाहणीसाठी न्यायिक अधिकारी नेमावेत. - स्वच्छतेचे नियम न पाळणाऱ्यांवर कारवाई करणार. मुंबई उच्च न्यायालयाने राज्यातील न्यायालये सुरू करण्याचे निर्देश दिले आहेत. त्याबाबत उपाययोजना आणि सूचना दिल्या आहेत. मात्र प्रत्येक न्यायालयातील प्रमुख न्यायाधीश तेथील परिस्थिती पाहून निर्णय घेणार आहेत. पुणे बार असोसिएशनचे पदाधिकारी प्रमुख न्यायाधीशांबरोबर लवकरच बैठक घेणार आहेत. - ऍड. सतीश मुळीक, अध्यक्ष, पुणे बार असोसिएशन News Story Feeds https://ift.tt/eA8V8J

via News Story Feeds https://ift.tt/3eOniUe