पुणे महापालिकेच्या निर्णयामुळे जुन्या सोसायट्यांचा होणार पुनर्विकास पुणे - शहरातील सहा व साडेसात मीटर रुंदीच्या रस्त्यांचे नऊ मीटर रुंदीकरण करण्याच्या पुणे महापालिकेच्या निर्णयामुळे जुन्या हद्दीतील रखडलेल्या अनेक सोसायट्यांच्या पुनर्विकासाचा मार्ग मोकळा झाला आहे. ताज्या बातम्यांसाठी डाऊनलोड करा ई-सकाळचे ऍप नऊ मीटर रुंदीच्या आतील रस्त्यांवर टीडीआर वापरण्यास 28 जानेवारी 2016 रोजी राज्य सरकारने बंदी घातली आहे. तोच निर्णय जुन्या हद्दीच्या विकास आराखड्यास 2017 मान्यता देताना बांधकाम नियंत्रण नियमावलीमध्ये कायम करण्यात आला. या निर्णयामुळे कोथरूड, शिवाजीनगर, हडपसर, बिबवेवाडी, सातारा स्त्याचा बराचसा परिसर, सॅलसबरी पार्क, गुलटेकडी, बोट क्‍लब रस्ता आदी जुन्या हद्दीतील सहा व साडेसात मीटर रुंदीच्या रस्त्यावर असलेल्या सुमारे तीस ते चाळीस वर्षे जुन्या असलेल्या सोसायट्यांचा पुनर्विकास रखडला होता. त्यामुळे या सोसायट्यांतील रहिवाशांचे मोठ्या घराचे स्वप्न कागदावरच राहिले होते. त्यातून मार्ग काढावा, अशी मागणी गेल्या अनेक वर्षांपासून रहिवाशांकडून केली जात होती. पुण्याच्या बातम्या वाचण्यासाठी येथे क्लिक करा शहरातील सहा व साडेसात मीटर रुंदीच्या रस्त्यांचे 210 कलमाखाली नऊ मीटर रुंदीकरण करून त्यावर टीडीआर वापरण्यास परवानगी देण्याचा प्रस्ताव महापालिका प्रशासनाने मांडला होता. स्थायी समितीने त्यास मान्यता दिली. त्यावर हरकती-सूचना मागवून त्यानंतर त्यास अंतिम मान्यता देण्यात येणार आहे. पहिल्या टप्प्यात 323 रस्त्यांचा समावेश असला, तरी टप्प्याटप्प्प्याने शहराच्या जुन्या हद्दीतील सर्वच रस्त्यांवर टीडीआर वापरण्यास परवानगी देण्याचा निर्णय घेण्यात येणार असल्याचे महापालिकेतील वरिष्ठ अधिकाऱ्यांनी सांगितले. कोथरूडमधील मधुकोमल सोसायटीत मी राहतो. चाळीस वर्षे जुनी सोसायटी आहे. परिसरात अशा दहा सोसायट्या आहेत. सोसायटीपुढील रस्ता सहा मीटर रुंद आहे. त्यामुळे सोसायटीचा पुनर्विकास रखडला आहे. महापालिकेच्या निर्णयामुळे तो मार्गी लागण्याची चिन्हे आहेत. -चंद्रशेखर कुलकर्णी, रहिवासी आमची प्रभात रस्त्यावर विनायक सोसायटी आहे. सोसायटीपुढील रस्ता सहा मीटर रुंदीचा आहे. "टीडीआर' मिळत नसल्यामुळे बांधकाम व्यावसायिक पुनर्विकासासाठी पुढे येत नव्हते. या निर्णयामुळे सोसायट्यांचे पुनर्विकासाची स्वप्ने मार्गी लागण्याची शक्‍यता आहे. -संजीव फणसळकर, रहिवासी News Story Feeds https://ift.tt/eA8V8J - Click Live News Short news on Mobile 2019.....