प्रवासावरील निर्बंधांमुळे स्थलांतरितांची स्थिती नाजूक न्यूयॉर्क - कोरोना जागतीक साथीमुळे हजारो स्थलांतरित नागरिक जगभरात विविध ठिकाणी अडकले असून त्यांना संसर्ग होण्याचा तीव्र धोका असल्याचा इशारा संयुक्त राष्ट्राशी संलग्न असणाऱ्या आंतरराष्ट्रीय स्थलांतर संघटनेचे महासंचालक अँटनिओ व्हिटोरीनो यांनी हा इशारा दिला आहे. ताज्या बातम्यांसाठी डाऊनलोड करा ई-सकाळचे ऍप स्थलांतरित हे संसर्गाचे वाहक असल्याचा सर्रास समज असल्याने राष्ट्रीय सुरक्षेला धोका निर्माण झाला आहे. कोरोनानंतरच्या काळात कृषी आणि सेवा क्षेत्रांत स्थलांतरितांना हटविल्यास अर्थव्यवस्था सावरण्यावर प्रतिकूल परिणामाची भीती त्यांनी व्यक्त केली. ते म्हणाले की, आता प्रवासाचे निर्बंध बरेच कठोर केले जातील. भविष्यात त्याचा स्थलांतरितांविरुद्ध प्रतिकूल परिणाम होऊ शकतो. काही देशांनी कोरोना संसर्ग वाढू नये म्हणून व्यक्तीच्या प्रकृतीबाबतची स्थिती तपासून तसा तपशील डिजिटल स्वरूपात ठेवण्याची पद्धत सुरु केली आहे. मोबाईल अॅपही वापरली जात आहेत. भारतीय आयटी व्यावसायिकांना मोठा धक्का? एच-१ बी व्हिसावर बंदी घालण्यासाठी ट्रम्प प्रशासनाच्या हालचाली अनेक देशांत स्थलांतरितांची मलेरिया, क्षयरोग, एचआयव्ही-एड्स या रोगांबाबत तपासणी केली जाते. त्यात आता कोरोनाची भर पडेल. नियमित स्थलांतर करणाऱ्यांबाबत आरोग्याबाबतचे निर्बंध वाढतील. प्रवासावरील निर्बंधांमुळे स्थलांतरितांची स्थिती नाजूक झाली असून उपजीविकेसाठी काम करणे त्यांना अशक्य ठरले आहे. या पार्श्वभूमीवर स्थलांतरितांसाठी कार्य करण्याची परवानगी मानवतावादी आणि आरोग्य कर्मचाऱ्यांना द्यावी अशी मागणी विविध देशांच्या सरकारकडे करीत असल्याचेही त्यांनी सांगितले. जगभरातील स्थिती दक्षिण-पूर्ण आशिया, पूर्व आफ्रिका, लॅटीन अमेरिकेतील अनेक देशांच्या सीमा बंद असल्याने स्थलांतरित अडकले अडकलेल्या ठिकाणी आरोग्याची तपासणीची सुविधा अत्यंत कमी व्हेनेझुएलात अर्थव्यवस्था कोसळल्याने स्थलांतरितांची दैना ईक्वेडोर, कोलंबियामध्ये अनेक स्थलांतरीतांच्या नोकऱ्या गेल्या आरोग्य तपासणी शिवाय नागरिक व्हेनेझुएलात परतले आफ्रिकेत योग्य प्रक्रियेशिवाय अनेक स्थलांतरितांची रवानगी अनेकांना मानवी तस्करांनी वाऱ्यावर सोडले संयुक्त राष्ट्राच्या या संस्थेकडून अकराशेहून जास्त छावण्यांची देखरेख तेथ संसर्ग वाढू नये म्हणून खबरदारी घेण्याचे आव्हान स्थलांतरीतांच्या विरोधात अनेक ठिकाणी द्वेष, पूर्वग्रहदूषित धमक्यांना पायबंद नाही News Story Feeds https://ift.tt/eA8V8J

via News Story Feeds https://ift.tt/3dpLADo