लाईफस्टाईल कोच : प्रतिकारशक्तीचे चार स्तंभ कोरोनाच्या संसर्गजन्य साथीमुळे मनुष्यहानीबरोबरच अर्थव्यवस्थेचेही मोठे नुकसान झाले आहे. या साथीच्या तडाख्यात लाखोजणांनी प्राण गमावले, तसेच वेळ आणि मनशांतीही गमावली. सध्याच्या कठीण परिस्थितीत आपण फारसे काही करू शकत नाही. कोरोना विषाणूला रोखण्यासाठी सरकार दीर्घकाळ लॉकडाउन सुरू ठेऊ शकते. मात्र, कोरोनावर लस विकसित होईपर्यंत आपण मनुष्याने कोरोनाच्या बरोबरच जगायला शिकायला हवे. तो आपल्या आजूबाजूलाच आहे. यापूर्वीच्या वर्षांपेक्षा आता आपले आरोग्य आणि प्रतिकारशक्तीला सर्वाधिक महत्त्व प्राप्त झाले आहे. खरेतर, आपल्याला या साथीने पैसा नव्हे तर आरोग्य हा आपल्या आनंदी आयुष्याचा पाया असतो, हा धडाच शिकवलाय. या साथीनंतर आपले आयुष्य पूर्वीसारखे नसेल. सामाजिकीकरण कमी होईल आणि आपण सकारात्मक दृष्टिने नवीन बदलाचा स्वीकार करायलाच हवा. - ताज्या बातम्यांसाठी डाऊनलोड करा ई-सकाळचे ऍप आरोग्याचा भक्कम पाया घालण्यासाठी काही उपाय १. सकारात्मक राहा. २. तुमच्यातील रक्तदाब, मधुमेह, लठ्ठपणासारखे ‘रिस्क फॅक्टर्स’ नियंत्रित करा. ३. सावध रहा. अ. तुमचे हात वारंवार धुवा. ब. सोशल डिस्टन्सिंगचे पालन करा. क. मास्क वापरा. ४. तुमची प्रतिकारशक्ती वाढवा. ५. कोणतेही व्यसन करू नका. सध्या आणि भविष्यातही काही काळ प्रतिकारशक्ती हेच आपले कोरोनाविरुद्धचे एकमेक शस्त्र असेल. आपण ती मजबूत करायलाच हवी. आपल्या जीवनशैलीचा शरीरातील प्रतिकारशक्तीसारख्या कार्यावर मोठा परिणाम होत असतो. जीवनशैलीत योग्य बदल करण्याची हीच सर्वोत्तम वेळ आहे. येथून पुढे आपण प्रतिकारशक्ती वाढविण्यावर लक्ष केंद्रित करून जीवनशैलीतील प्रत्येक सवय लावून घ्यावी. माझ्या अनुभवानुसार प्रतिकारशक्ती वाढविण्यासाठी चार घटक महत्त्वाचे आहेत. त्यांना मी प्रतिकारशक्तीचे स्तंभ म्हणते. ते जाणून घेऊयात. १. आतड्यांचे आरोग्य २. संतुलित आहार ३. व्यायाम ४. तणाव कमी करणे. पुढील काही लेखांमध्ये आपण याबद्दल सविस्तर माहिती घेऊ. त्यामुळे, लॉकडाउननंतरच्या काळासाठी तुमच्या शरीराला तयार करण्यासाठी ही मालिका वाचत राहा. तुम्हा सर्वांना शुभेच्छा. News Story Feeds https://ift.tt/eA8V8J

via News Story Feeds https://ift.tt/2LlCls8