मुळा-मुठा नदीतील प्रदूषणात घट पुणे - लॉकडाऊनचा देशातील नागरिकांच्या दैनंदिन जीवनावर परिणाम होऊन मोठ्या अडचणींचा सामना करावा लागला असला तरी पर्यावरणावर त्याचा सकारात्मक परिणाम झाला आहे. या काळात मुळा-मुठा नदीतील प्रदूषणात घट झाली आहे की नाही?, यासाठी महापालिकेने काही नमुने घेतले होते. याच्या चाचणीनुसार पाण्यातील जैविक ऑक्‍सिजनचे प्रमाण (बीओडी) सुमारे ५० टक्के तर रासायनिक ऑक्‍सिजनचे प्रमाण (सीओडी) सुमारे ४२ टक्‍क्‍यांनी कमी झाले आहे. पुण्याच्या बातम्या वाचण्यासाठी येथे ► क्लिक करा जल प्रदूषणात तीन घटक पाण्याची गुणवत्ता दर्शवितात. यामध्ये पाण्यात विरघळलेला ऑक्‍सिजन (डिओ), बीओडी आणि सीओडीचा समावेश आहे. व्यावसायिक (मॉल्स्‌, सुपर मार्केट्‌स), शहरातील लघु उद्योग, स्मॉल स्केल इंडस्ट्रीज, हॉटेल्स, रेस्टॉरंटस्‌, गॅरेज, खासगी कार्यालये, हॉटेल्स, रेस्टॉरंटस्‌, शाळा व कॉलेजपासून तयार होणाऱ्या सांडपाण्याचे प्रमाण कमी झाल्याने ही घट दिसून आली, अशी माहिती पुणे महापालिकेच्या पर्यावरण विभागाचे प्रमुख मंगेश दिघे यांनी दिली. महत्वाची बातमी : काय आहे कोविड-19चे आणि अश्वगंधाचे कनेक्शन; वाचा सविस्तर ध्वनी प्रदूषणातही घट पुणे शहरातील निवासी, व्यावसायिक आणि शांतता क्षेत्रांची लॉकडाऊन पूर्वी तसेच लॉकडाऊन दरम्यान ध्वनी प्रदूषण गुणवत्ता मोजण्यात आली. रस्त्यावरील वाहतुकीची वर्दळ, व्यावसायिक व रहिवासी भागांतील गर्दी यामुळे होणारा आवाज कमी झाल्याने ध्वनी पातळी कमी झाल्याचे दिसून आले आहे. स्वारगेटसारख्या अति वर्दळीच्या चौकातील ध्वनीची पातळी ९१ डीबी (डेसिबल) पासून कमी होऊन ६७ डीबीपर्यंत आल्याचे दिघे यांनी सांगितले. बीओडी म्हणजे काय ? पाण्यातील जैविक पदार्थाच्या प्रदूषणाचा मापदंड म्हणून बीओडीचा वापर अशुद्ध पाण्यातील जैविक पदार्थांच्या विघटनासाठी सुक्ष्मजंतूना किती मिलिग्रॅम ऑक्‍सिजनची आवश्‍यकता आहे, यावरून पाण्यातील बीओडीचे प्रमाण मोजले जाते बीओडीचे प्रमाण जेवढे कमी, तेवढे ते पाणी चांगल्या गुणवत्तेचे मानले जाते केंद्रीय प्रदूषण नियंत्रण मंडळाने (सीपीसीबी) ठरवून दिलेल्या मानकानुसार बीओडीची पातळी ३० मिली.ग्रॅ./लिटर इतकी असावी सीओडी म्हणजे काय ? पाण्यातील रासायनिक पदार्थाच्या प्रदूषणाचा मापदंड म्हणून सीओडीचा वापर केला जातो अशुद्ध पाण्यातील रासायनिक पदार्थाचे विघटन करण्यासाठी ऑक्‍सिजनची किती आवश्‍यकता आहे, यावरून सीओडीचे प्रमाण मोजले जाते पाण्यातील सीओडीचे प्रमाण जेवढे कमी, तेवढी पाण्याची गुणवत्ता अधिक चांगली सीपीसीबीने ठरवून दिलेल्या मानकानुसार सीओडीची पातळी १५० मिली.ग्रॅ./लिटर इतकी असावी पाण्यात विरघळलेला ऑक्‍सिजन पाण्यातील डीओचे प्रमाण जेवढे जास्त, तेवढे ते पाणी चांगल्या गुणवत्तेचे डीओचे एकक मिली.ग्रॅ./लिटर असे आहे विरघळलेला ऑक्‍सिजन कमी झाला तर जलसृष्टीची वाढीची क्षमता कमी होते News Story Feeds https://ift.tt/eA8V8J

via News Story Feeds https://ift.tt/36fjWGQ