पाशा पटेल, चरेगावकर यांच्या नियुक्त्या रद्द मुंबई - फडणवीस सरकारने राज्य कृषिमूल्य आयोग, महाराष्ट्र राज्य सहकारी परिषद, तसेच राज्यस्तरीय लेखा समितीवरील अशासकीय पदांवरील नियुक्त्या सोमवारी रद्द केल्या. नियुक्त्या रद्द केलेल्यांमध्ये राज्यमंत्रिपदाचा दर्जा असलेले पाशा पटेल, शेखर चरेगावकर, अॅड. सचिन पटवर्धन यांच्यासह इतर सदस्यांचा समावेश आहे. ताज्या बातम्यांसाठी डाऊनलोड करा ई-सकाळचे ऍप भाजप सरकारने केलेल्या सदस्यांच्या नियुक्त्या रद्द करून तातडीने नव्या नियुक्त्या करण्यासाठी प्रस्ताव सादर करण्याचा आदेश राज्याचे मुख्य सचिव अजोय मेहता यांनी दिला होता, त्याची अंमलबजावणी सध्या युद्धपातळीवर सुरू आहे. यासाठी महाविकास आघाडीच्या कार्यकर्ते व पदाधिकाऱ्यांची मोर्चेबांधणी सुरू आहे. महाराष्ट्र राज्य सहकारी परिषदेचे अध्यक्ष शेखर चरेगावकर (राज्यमंत्री दर्जा) यांच्यासह सहकार परिषदेवरील इतर सदस्यांच्या नियुक्त्या रद्द करण्यात आल्या आहेत. अन्य सदस्य ः दत्तात्रेय कुलकर्णी (उस्मानाबाद), सीताराम राणे (ठाणे), रामदास देवरे (नाशिक), शिवाजी पाटील (सांगली), संजय भेंडे (नागपूर), दिलीप पतंगे (सोलापूर), नामदेवराव घाडगे (पुणे), महेंद्र हिरे (नाशिक). आदित्य ठाकरेंसाठी पवार मैदानात; चंद्रकांत पाटलांना म्हणाले.... राज्य कृषिमूल्य आयोगाचे अध्यक्ष सय्यद पाशा उस्मानसाहब पटेल यांच्यासह शेतकरी प्रतिनिधींची नियुक्ती राज्य सरकारने रद्द केली. अन्य सदस्य ः प्रा. सुहास पाटील (सोलापूर), अनिल पाटील (पालघर), प्रशांत इंगळे (वर्धा), किशोर देशपांडे (औरंगाबाद), अच्युत गंगणे (बीड), संपतराव पाटील (कोल्हापूर), विनायक जाधव (सांगली), शिवनाथ जाधव (नाशिक). राज्य मंत्रिपदाचा दर्जा देण्यात आलेल्या राज्यस्तरीय लेखा समितीचे अध्यक्ष अॅड. सचिन पटवर्धन यांच्यासह राज्यस्तरीय लेखा समितीच्या सदस्यांच्या नियुक्त्या रद्द केल्या. अन्य सदस्य ः जयंत कावळे (वर्धा), सुभाष आकरे (गोंदिया), जिजाबा पवार (मुंबई), गजानन पाथोडे (चंद्रपूर), तुषारकांती डबले (नागपूर). News Story Feeds https://ift.tt/eA8V8J

via News Story Feeds https://ift.tt/2VGs2Fc