`या` महापालिकेच्या प्रत्येक शाळेसाठी स्वतंत्र ड्रेसकोड सोलापूर : महापालिकेच्या प्रत्येक शाळेतील विद्यार्थ्यांसाठी आता वेगवेगळे ड्रेसकोड असणार आहेत. हा ड्रेसकोड कोणत्या रंगाचा असावा, याचा निर्णय संबंधित शाळेतील पालक व्यवस्थापन समिती घेणार आहे. समग्र शिक्षण योजनेंतर्गत अनुसूचित जाती, अनुसूचित जमाती आणि आर्थिक दुर्बल घटकातील मुले आणि सर्व प्रवर्गातील मुलांना मोफत गणवेश उपलब्ध केला जाणार आहे. हेही वाचा - कोरोना यांच्यासाठी लाभदायक मध्यंतरीच्या काळात गणवेश खरेदीसाठी विद्यार्थ्यांच्या खात्यावर रक्कम जमा केली जात होती. मात्र, अनेक लाभार्थी विद्यार्थ्यांचे खाते न उघडणे किंवा तांत्रिक कारणामुळे लाभार्थींना गणवेश मिळाले नसल्याच्या तक्रारी वाढल्या होत्या. त्यामुळे आता शालेय शिक्षण व्यवस्थापन समितीमार्फतच गणवेश दिले जाणार असून, ड्रेसकोडचा रंगही तेच निश्‍चित करणार आहेत. पूर्वी महापालिका शाळेसाठी एकच ड्रेसकोड होता. त्यामुळे एखाद्या सार्वजनिक कार्यक्रमास या शाळेतील विद्यार्थी एकत्रित आले तर लगेच त्यांची ओळख पटत असे. मात्र, आता वेगवेगळ्या शाळांतील विद्यार्थ्यांसाठी वेगवेगळ्या रंगांचे गणवेश असतील. त्यामुळे कोणता विद्यार्थी महापालिका शाळेचा आणि कोणता विद्यार्थी खासगी शाळेचा, हे ओळखण्यात अडचण येणार आहे. ड्रेसकोडचा रंग निश्‍चित केल्यानंतर एकसारखे ड्रेस कोठे मिळतील, याचा शोध घ्यावा लागणार आहे. हेही वाचा - शिक्षण मंडळातील कर्मचाऱ्यांना सातवा वेतन आयोग लागू नवीन शालेय वर्ष सुरू होण्याच्या पहिल्या दिवशीच विद्यार्थ्यांना गणवेश मिळावेत यासाठी सध्या सुरू असलेले वर्ष संपण्याअगोदरच सर्वांची मापे घेण्याच्या सूचना शासनाने दिल्या आहेत. समग्र शिक्षण अभियानांतर्गत गणवेश योजना आणि इतर गणवेश योजना याच्या स्वतंत्रपणे नोंदणी करणे आवश्‍यक आहे. मुलींसाठी स्कर्ट, ब्लाऊज, पिनो, सलवार, कमीज, ओढणी, मुलांसाठी शर्ट, हाफ, फुल पॅन्ट आदी गणवेशाचे स्वरूप असणार आहे. News Story Feeds https://ift.tt/eA8V8J

via News Story Feeds https://ift.tt/2TG1rH6