पुण्यातील कोरोनाच्या दहा बाधितांची प्रकृती स्थिर एनआयव्हीकडे पाठविलेल्या २३ संशयित रुग्णांचे नमुने निगेटिव्ह पुणे - शहरात आज कोरोनाबाधित रुग्ण आढळला नसून, गेल्या २४ तासांत एनआयव्हीकडे पाठविण्यात आलेल्या २३ संशयित रुग्णांचे नमुने निगेटिव्ह आले आहेत. यापूर्वी कोरोनाबाधित असलेल्या दहा जणांची प्रकृती स्थिर आहे. त्यांना कोणत्याही प्रकारचा त्रास होत नसून, विलगीकरण कक्षात ठेवण्यात आले आहे, अशी माहिती विभागीय आयुक्‍त डॉ. दीपक म्हैसेकर यांनी पत्रकार परिषदेत दिली. आता बातम्या ऐकण्यासाठी डाऊनलोड करा ई-सकाळचे ऍप जिल्हाधिकारी नवल किशोर राम, मुख्य कार्यकारी अधिकारी आयुष प्रसाद, अतिरिक्‍त जिल्हाधिकारी साहेबराव गायकवाड आणि निवासी उपजिल्हाधिकारी डॉ. जयश्री कटारे आदी या वेळी उपस्थित होते. डॉ. म्हैसेकर म्हणाले, ‘‘कोरोनाचा प्रतिबंध करण्यासाठी राज्य सरकारने शाळा-महाविद्यालये, जलतरण तलाव, जिम, थिएटर आणि नाट्यगृहे बंद ठेवण्याचे आदेश दिले आहेत. त्यानुसार कारवाई करण्यात येत आहे. पुणे जिल्ह्यात यापूर्वी आपत्ती व्यवस्थापन कायदा लागू करण्यात आला आहे. तसेच, साथरोग अधिनियम १८९७ नुसार कारवाईचे अधिकार जिल्हाधिकाऱ्यांना दिले आहेत. त्यानुसार कायद्यात एखादी तरतूद नसल्यास जिल्हाधिकारी वेगळे आदेश देऊ शकतात. त्याचे पालन करणे प्रत्येकाला बंधनकारक राहील. या आदेशाचे उल्लंघन केल्यास आयपीसी ॲक्‍ट १८८ नुसार सहा महिने कैदेच्या शिक्षेची तरतूद आहे.’’ काम असेल तरच ऑफिसला या; राज्यात सर्वाधिक कोरोनाग्रस्त पुण्यात! केंद्र सरकारच्या सूचनेनुसार १५ फेब्रुवारीनंतर परदेशातून आलेल्या प्रवाशांना १४ दिवस विलगीकरण कक्षात तर कमी जोखीम असलेल्या प्रवाशांना घरीच निरीक्षणाखाली ठेवण्यात येईल. रेल्वे आणि बस स्थानकांवर येणाऱ्या प्रवाशांबाबत संबंधित विभागाचे अधिकारी निर्णय घेतील. परिस्थितीचे गांभीर्य ओळखून नागरिकांनी प्रशासनाला सहकार्य करावे, असे आवाहन डॉ. म्हैसेकर यांनी केले. बनावट मास्कप्रकरणी अन्न व औषधी प्रशासन, वजनमापे विभाग, पोलिस आणि महसूल विभागाकडून कारवाई करण्यात येत असल्याची माहिती राम यांनी दिली. News Story Feeds https://ift.tt/eA8V8J - Click Live News Short news on Mobile 2019.....