"कोरोना'चे जिल्हा परिषदेच्या अर्थसंकल्पी सभेवर संकट नगर ः देशासह राज्यात "कोरोना'बाधित रुग्ण आढळून येत असल्यामुळे शासकीय कार्यक्रम रद्द करण्याच्या सूचना जारी करण्यात आल्या आहेत. त्यातच जिल्हा परिषदेची सर्वसाधारण सभा 27 मार्चला होणार आहे. मात्र, ही सभा होणार की नाही? याबाबत शंका व्यक्त केली जात आहे. सध्या सर्वत्र होणारे शासकीय कार्यक्रम, मेळावे रद्द करण्यात यावेत, असा आदेश करण्यात आलेला आहे. त्यामुळे शाळांमधील बालआनंद मेळावे व स्नेहसंमेलने रद्द करण्यात आली आहेत. त्यामुळे जिल्हा परिषदेची सभाही रद्द होण्याची शक्‍यता व्यक्त केली जात आहे. मंत्रालयात जाणाऱ्यांनाही आजारी नसल्याचे वैद्यकीय प्रमाणपत्र जवळ ठेवावे लागत आहे. प्रत्येक जिल्हा परिषद सदस्य व इतरांनाही तसेच पत्र घेऊन जिल्हा परिषदेच्या सभेला यावे लागणार असल्याची शक्‍यता व्यक्त केली जात आहे. हे प्रमाणपत्र प्रत्येकाला जिल्हा रुग्णालय, प्राथमिक आरोग्य केंद्र व उपकेंद्रातून घ्यावे लागण्याची शक्‍यता आहे. कोरोना विषाणूचा प्रादुर्भाव असल्यामुळे सर्वच ठिकाणी खबरदारी घेण्यात येत आहे. शासकीय कार्यक्रमही रद्द करण्यात आले आहेत. त्यामुळे जिल्हा परिषदेची अंदाजपत्रकी सभा 27 मार्चला घ्यायची की नाही याबाबत निर्णय सर्वानुमते घेऊ. - राजश्री घुले, अध्यक्ष, जिल्हा परिषद अंदाजपत्रकी सभा घेणे महत्त्वाचे आहे. "कोरोना'संदर्भात आवश्‍यक उपाययोजना करून बैठक घेण्यात येणार आहे. - जगन्नाथ भोर, मुख्य कार्यकारी अधिकारी, जिल्हा परिषद News Story Feeds https://ift.tt/eA8V8J

via News Story Feeds https://ift.tt/3aTxk4D