क्वारंटाइन व्यक्तींवर लक्ष्य ठेवण्यासाठी आले मोबाईल अॅप अहमदाबाद - कोरोना विषाणूचा संसर्ग झाल्याच्या संशयावरून ज्यांना आपल्या घरी एकांतवास पाळण्यास सांगितले गेले आहे. अशा संशयितांच्या हालचालींवर लक्ष्य ठेवण्यासाठी गुजरात सरकारने शुक्रवारी एक मोबाइल अॅप्लिकेशन सुरू केले आहे. - बातम्या ऐकण्यासाठी डाऊनलोड करा ई-सकाळचे ऍप भौगोलिक माहिती प्रणालीवर (जीआयएस) आधारित असलेले हे अॅप शुक्रवारी सुरू करण्यात आल्याचे अहमदाबाद, गांधीनगर, वडोदरा आणि राजकोटचे प्रधान सचिव (आरोग्य) जयंती रवी यांनी सांगितले. तसेच सुरत महानगरपालिका शहरातील तीन हजार सहाशे एकांतवासातील लोकांचा मागोवा घेण्यासाठी या अॅपचा वापर करीत असल्याचे त्यांनी यावेळी सांगितले आहे. 'जीआयएस' व्यतिरिक्त हे अ‍ॅप 'जिओ फेंसिंग' या प्रणालीने सज्ज आहे. त्यामुळे जर एकांतवासातील एखादी व्यक्ती त्याला आखून दिलेल्या विशिष्ट क्षेत्रापासून दूर गेल्यास हे अॅप संबंधीत अधिकार्यांना तात्काळ सतर्क करेल. त्याचबरोबर, एकांतवासात असलेल्या जवळपास २०,००० लोकांच्या हालचालींचा मागोवा घेण्यास हे अॅप आम्हाला मदत करत असल्याचेही जयंती रवी यांनी सांगितले. - Coronavirus : कोरोनाच्या पार्श्वभूमीवर आरबीआयने घेतला महत्त्वपूर्ण निर्णय! सुरतमधील एकांतवासात असणार्या सुमारे तीन हजार सहाशे संशयीतांना त्यांच्या फोनवर "एसएमसी कोविड -१९ ट्रॅकर" हे अॅप स्थापित करण्यास सांगण्यात आल्याची माहिती पालिका आयुक्त बंचनिधि पाणी यांनी दिली आहे. तसेच या अॅपद्वारे आम्हाला त्यांचे सध्याचे ठिकाण आणि त्यांच्या आरोग्यावर लक्ष ठेवण्यास याची मदत होणार असल्याचेही बंचनिधि पाणी यांनी यावेळी नमूद केले. News Story Feeds https://ift.tt/eA8V8J

via News Story Feeds https://ift.tt/3dw8Dxg