आनंदाची बाब! उर्वरीत नमुने निगेटिव्ह..कुठे ते वाचा ओरोस (सिंधुदुर्ग) - जिल्ह्यातून 34 नमुने तपासणीसाठी पाठविण्यात आले होते. त्यातील 33 नमुने निगेटिव्ह आले असून केवळ एकच नमूना पॉझिटिव्ह आला आहे. 34 पैकी शिल्लक राहिलेले सहा नमुने प्राप्त झाले असून ते सर्व निगेटिव्ह आले आहेत. जिल्ह्यात कोरोना विषाणू प्रतिबंधात्मक उपाययोजनेकरिता जिल्हाधिकारी यांनी विविध 12 व्यवस्थापन समितींची स्थापना केली असून त्यांच्यावर विविध प्रकारच्या जबाबदारी सोपविण्यात आल्या आहेत. कोरोनाचा प्रादुर्भाव रोखण्याच्या उपाययोजनांचा एक भाग म्हणून जिल्ह्यामध्ये ताप व खोकल्याच्या रुग्णांचे घरोघरी जाऊन सर्वेक्षण करण्यात येत आहे. आतापर्यंत या सर्वेक्षणामध्ये एकाही व्यक्तीस कोरोना सदृश लक्षणे आढळलेली नाहीत. आज कोरोना व्हायरसच्या पार्श्‍वभूमीवर जिल्ह्यातील 3 हजार 493 व्यक्तींची तपासणी करण्यात आलेली आहे. जिल्हा रुग्णालयातील विलगीकरण कक्षामध्ये 10 रुग्ण दाखल आहेत. आरोग्य विभागामार्फत रविवारपर्यंत एकूण 34 नमुने तपासणीसाठी पाठविण्यात आले होते. त्यापैकी 27 नमुने निगेटिव्ह आले आहेत. तर 6 नमुन्यांचे आहवाल येणे बाकी होते. ते सर्व नमुने अहवाल प्राप्त झाले असून सर्व निगेटिव्ह आहेत. विलगीकरण कक्षामध्ये दाखल असलेल्या कोरोना पॉझिटिव्ह रुग्णाची प्रकृती चांगली असून त्यांच्यावर उपचार सुरू आहेत. 143 क्‍वारंटाइन मधून बाहेर आतापर्यंत जिल्ह्यातील शासकीय आरोग्य संस्थेत 57 व्यक्तींना क्वारंटाइन करण्यात आले होते. 237 व्यक्तींना होम क्वारंटाइन करण्यात आले होते. त्यातील 14 दिवस उलटल्यामुळे 143 व्यक्तींना होम क्वारंटाइन मुक्त करण्यात आले आहेत. त्यामुळे सध्या 153 व्यक्ती होम क्वारंटाइन आहेत. तसेच 10 रुग्ण आयसोलेशनमध्ये सध्या उपचार घेत आहेत. जमावबंदी मोडल्याने 84 जणांवर गुन्हे जिल्हाधिकारी के. मंजूलक्ष्मी यांनी जिल्ह्यात जमावबंदी लागू केलेली असताना हा आदेश मोडणाऱ्या 84 व्यक्तींविरोधात गुन्हे दाखल करण्यात आले आहेत. तसेच होम क्वारंटाइनचा शिक्का हातावर मारलेला असताना बाहेर फिरून दुसऱ्या व्यक्तींना कोरोना संसर्गाचा धोका पोचविण्याचे काम केल्याप्रकरणी जिल्ह्यातील 6 व्यक्तींवर गुन्हे दाखल करण्यात आले आहेत. News Story Feeds https://ift.tt/eA8V8J

via News Story Feeds https://ift.tt/2QYkBWH