Click Live News Short news on Mobile 2019.....

Sunday, May 31, 2020

सकाळ latest updates

पावसाळा म्हटला, की पिंपरीकरांच्या अंगावर काटा उभा राहतो; काय आहेत त्या आठवणी... पिंपरी : एकीकडे कोरोनाचे संकट उभे आहे. तर दूसरीकडे पावसाळा तोंडावर आल्याने नदीकाठच्या परिसरातील पूरबाधितांच्या अंगावर काटे उभे राहिले आहेत. शहरात गतवर्षी पावसाने थैमान घातल्याने पिंपरी-चिंचवड शहरवासीयांना भीषण पूरसंकटाचा सामना करावा लागला. तब्बल नऊ गावातील साडेचार हजारांहून अधिक कुटुंबाचे स्थलांतर झाले. मात्र, या पूर परिस्थितीचा सामना करण्यासाठी महापालिकेला तारेवरची कसरत करावी लागणार असल्याने प्रशासन आतापासूनच सज्ज झाले आहे. ताज्या बातम्यांसाठी डाऊनलोड करा ई-सकाळचे ऍप पवना, इंद्रायणी व मुळा नद्या दुथडी भरून वाहिल्याने अनेकांचे जनजीवन विस्कळीत झाले. चौदा हजार क्‍युसेक वेगाने पाण्याचा विसर्ग करण्यात आला. पावसाचा जोर मोठा असल्याने पवना आणि मुळशी धरणही पूर्ण क्षमतेने भरले होते. अनेक गावांचा संपर्क तुटला. अद्यापही ती कुटुंबे पुराच्या धक्‍क्‍यातून सावरलेली नाहीत. मात्र, कोरोना संसर्ग परिस्थितीत अतिवृष्टी झाल्यास महापालिकेला मोठ्या संकटाचा सामना करावा लागणार असल्याने महापालिका प्रशासकीय वर्तुळात चर्चा आहे. या पार्श्‍वभूमीवर नुकतीच महापालिकेत आढावा बैठक पार पडली आहे. अग्निशमन दल व आपत्ती व्यवस्थापनासोबतच पूर नियंत्रण कक्ष तयार करण्याच्या सूचना देण्यात आलेल्या असून, सर्व विभागांना कामाचे वाटप करण्यात आले आहे. गतवर्षी पुरात अडकलेल्या 49 जणांना बाहेर काढण्यात एनडीआरएफला यश आले होते. वाहतूक बंद झाल्याने काही पर्यायी रस्ते खुले करण्यात आले होते. पिंपरी चिंचवडच्या बातम्या वाचण्यासाठी येथे ► क्लिक करा या केल्या होत्या उपाययोजना- नोडल अधिकाऱ्यांची नेमणूक बाधित क्षेत्रातील नोंदी व पंचनामे शाळा खोल्या व भोजन व्यवस्था अग्निशमन विभाग व आपत्ती व्यवस्थापन कक्ष 24x7 अलर्ट वायरलेस यंत्रणा 15 हजार रुपये अनुदान 10 किलो धान्याचा रेशन पुरवठा असे झाले होते बाधितांचे हाल- कागदपत्रे वाहून गेली धान्याची तत्काळ मदत मिळण्यात अडथळे पंचनाम्याला उशीर बचाव कार्यात अडथळा यामुळे ओढावणार संकट - नदीकाठचे अतीक्रमण अनधिकृत झोपडपट्ट्या धोकादायक बांधकामे पुण्याच्या बातम्या वाचण्यासाठी येथे ► क्लिक करा बाधित गाव, कुटुंब संख्या- दापोडी 859 रावेत 50 चिंचवड 49 भोसरी 382 बोपखेल 64 पिंपरी वाघेरे 2420 पिंपळे गुरव 165 रहाटणी 272 सांगवी 619 एकूण 4880 बाधित भाग- संजय गांधीनगर, बौद्धनगर, भाटनगर, आंबेडकर कॉलनी, रमाबाईनगर, शिक्षक सोसायटी, कस्पटे वस्ती, पवना वस्ती, गुलाबनगर- दापोडी, रतिकलाल भगवानदास वसाहत- फुगेवाडी, हिरामण लांडगे झोपडपट्टी-कासारवाडी,आनंदवन आश्रम, अशोक हॉटेल परिसर, मुळानगर, सांगवी, मधुबन. हे रस्ते झाले होते बंद- औंध-सांगवी-हिंजवडी रस्ता सांगवी बुद्धविहारमार्गे जाणारा पूल सांगवीहून स्पायरला जाणारा पूल वाकड नाका ते कस्पटे वस्ती पिंपळे निलख ते कस्पटे वस्ती सांगवी सृष्टी ते कासारवाडी पुण्याच्या दिशेने जाणारी वाहतूक पूर नियंत्रण कृती आराखडा तयार करण्यात आला आहे. आपत्ती नियंत्रण व अग्निशमन विभागाला सूचना देण्यात आलेल्या आहेत. झोनल अधिकाऱ्यांची नेमणूक करण्यात आली आहे. नाले सफाईचे काम सुरू आहे. कोरोनाच्या कालावधीत नागरिकांना संरक्षण देणे आमचे आद्य कर्तव्य आहे. संसर्गाचा बाऊ करण्याचे कारण नाही. नागरिकांनी काळजी घ्यावी. - संतोष पाटील, सहायक आयुक्त, पिंपरी चिंचवड महापालिका News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/3eBRhP9

Read more No comments:

पालक दिन विशेष : मुलांमध्ये सकारात्मक ऊर्जा आणा - उपेंद्र लिमये ‘कोरोना’सारखं मोठं संकट येतं, तेव्हा पालक म्हणून तुम्ही कसे रिॲक्ट होता, हे खूप महत्त्वाचं आहे. मुलांना वस्तूस्थितीचं भान आणून देणं, मात्र त्याचवेळी त्यांच्या मानसिकतेवर नकारात्मक परिणाम होणार नाही, हे पाहणंही तेवढंच गरजेचं आहे. या परिस्थितीत मुलांमध्ये सकारात्मक ऊर्जा निर्माण करणे ही पालक म्हणून तुमची जबाबदारी आहे. ‘कोरोना’मुळे देशभरात लॉकडाउन जाहीर झाला आणि सर्वजण गेल्या दोन महिन्यांपेक्षा अधिक काळ घरातच अडकून पडले आहेत. पुण्या-मुंबईसारख्या महानगरांत राहणाऱ्या पालकांसाठी ही खूपच मोठी घटना आहे. माझ्यासह आधीच्या चार पिढ्यांनी अशी परिस्थिती अनुभवली नसल्यानं पालक म्हणून एक वेगळीच जबाबदारी प्रत्येकावर येऊन पडली. खरंतर आतापर्यंत पालकांना आपल्या पाल्यांना वेळच देत येत नव्हता, मात्र तिच्यात लॉकडाउनमुळं आमुलाग्र बदल घडला. पालकांनी मुलांशी संवाद साधणं अपेक्षित असतं. लॉकडाउनमुळं हा संवाद वाढला. त्या अर्थानं मी लॉकडाउन ही सकारात्मक गोष्ट मानतो. ताज्या बातम्यांसाठी डाऊनलोड करा ई-सकाळचे ऍप माझ्या व्यवसायात खरंतर ९ ते ५ ही कामाची वेळ नाही. त्यातच पावसाळ्याच्या आधी चित्रीकरण पूर्ण करायचं असल्यानं मुलांना उन्हाळ्याच्या सुट्ट्या असताना मी कामात बिझी असायचो. त्यामुळं मुलांशी माझा पुरेसा संवाद होत नव्हता. माझा मुलगा आता दहावीत गेला आहे, तर मुलगी २३ वर्षांची आहे. वडील म्हणून माझ्यावरची जबाबदारीही मोठी आहे. विशेषतः, समाजावर कोरोनासारखं मोठं संकट येतं, तेव्हा पालक म्हणून तुम्ही कसे रिॲक्ट होता, हे खूप महत्त्वाचं आहे. मुलांना बातम्या पाहून, आजूबाजूची दृश्‍यं पाहून अनेक प्रश्‍न पडतात. या प्रश्‍नांची उत्तरं देताना तुम्हाला जबाबदारीचं भान असणं गरजेचं आहे. मुलांना वस्तूस्थितीचं भान आणून देणं, मात्र त्याचवेळी त्यांच्या मानसिकतेवर नकारात्मक परिणाम होणार नाही, हे पाहणंही तेवढंच गरजेचं होतं आणि ते मी साधलं. माझं माझ्या मुलांशी पहिल्यापासूनच मित्रत्वाचं नातं असल्यानं हे सहज साध्य झालं. पुण्याच्या बातम्या वाचण्यासाठी येथे ► क्लिक करा या काळात जाणवलेली महत्त्वाची गोष्ट म्हणजे, आपलं घर सुरळीत चालण्यासाठी अनेक हातांची गरज असते. त्यात स्वयंपाक, धुणे, भांडी, केर-कचरा, गाडी पुसणं या गोष्टी करणाऱ्यांची मदत लागत असते. ‘कोरोना’मुळं ही सगळी कामं कुटुंबावर येऊन पडली. मी पहिल्याच आठवड्यात सर्वांशी बोलून प्रत्येक सहस्याची जबाबदारी निश्‍चित केली. त्यामुळं मुलांनाही त्यांच्या जबाबदारीची जाणीव झाली. माझ्याकडं दोन्ही वेळचा स्वयंपाक, नाश्‍ता आला, मुलांकडं घराची सफाई आणि पत्नीनं बाकीची कामं स्वीकारली. त्यामुळं गेले ७० दिवस आमचं घर चकाचक राहिलं आहे. मी रोजच्या पोळी-भाजीबरोबरच मिसळ, दहीवडा, कट वडा, इडली-सांबरासारखे अनेक पदार्थ करायला शिकलो. हे पदार्थ बनविण्यासाठी मला यू-ट्यूबबरोबरच शेफ विष्णू मनोहर यांचीही मदत झाली. हे पदार्थ खाताना माझ्या मुलांच्या चेहऱ्यावरची तृप्ती मला खूप मोठा आनंद देऊन गेली. माझ्या मुलानं कोरोना काळात लोकांना मदत करणाऱ्या सेलिब्रिटिजना पाहून, ‘‘बाबा, तू लोकांना अशी मदत करणार आहेस का,’ असा प्रश्‍न विचारला. मी तशा संधीची वाट पाहात होतो. माझी पत्नी होमिओपॅथी डॉक्टर आहे व ‘आयुष’ मंत्रालयानं ‘अर्सेनिक अल्बम ३०’ या प्रतिकार शक्ती वाढविणाऱ्या औषधाला मान्यता दिल्यानंतर आम्ही मी राहत असलेल्या गोरेगाव परिसरात हे औषध मोफत वाटण्याचा निर्णय घेतला. औषध तयार करण्याचं काम माझ्या पत्नीकडं होतं, तर बाटल्यांवर लेबल चिकटवणं, पॅकिंग, स्टेपलिंग व त्याची नोंद ठेवणारे एक्सएल शीट तयार करण्याचं काम मी व माझ्या मुलांनी केलं. गेल्या २० दिवसांत आम्ही तब्बल १६ हजार जणांना या औषधाचं वाटप केलं. हे काम आम्ही एकही फोटो न काढता किंवा सेल्फी न घेता केलं, हे विशेष! पिंपरी चिंचवडच्या बातम्या वाचण्यासाठी येथे ► क्लिक करा या काळात मुलांची मानसिकता सकारात्मक राहणं, ते कोमेजून जाणार नाहीत याची काळजी घेणं खूप गरजेचं होतं. त्यासाठी बातम्या दिवसातून दोनदा व गरजेपुरत्याच पाहण्याचा निर्णय घेतला. रोज रात्री आम्ही ‘बदाम सात’चे सात डाव खेळतो आहे आणि त्याचा रेकॉर्डही ठेवला आहे! जुने चित्रपटही पाहिले. माझा मुलगा दहावीत गेला असून, आम्ही त्याच्यावर या परिस्थितीत अभ्यासासाठी कोणताही दबाब आणला नाही. त्यामुळं मुलांचा उत्साह अद्याप टिकून आहे. ही परिस्थिती पालक म्हणून तुम्ही चुकीचं वागल्यास नात्यांना तडा जाईल, अशीच आहे. मुलांना वेळ देऊन, त्यांच्यात सकारात्मक ऊर्जा निर्माण करून या परिस्थितीतून बाहेर पडायला त्यांना मदत करणं ही पालक म्हणून तुमची मुख्य जबाबदारी आहे. पालक दिनानिमित्त माझा पालकांना हाच संदेश आहे... पालकांनो, हे लक्षात असूद्या... - मुलांशी मित्रत्वाचं नातं ठेवा. - मोठ्या संकटात जबाबदारीचं भान ठेवा. - परिस्थितीवर टोकाच्या प्रतिक्रिया देणं टाळा. - घरातील कामांमध्ये मुलांना सहभागी करून घ्या. - ताणामुळं मुलं कोमेजून जाणार नाहीत, याची काळजी घ्या. (शब्दांकन - महेश बर्दापूरकर) News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2MtXpNH

Read more No comments:

सकाळ latest updates

लॉकडाउनमध्ये पलूस तालुक्‍यात पोलिसांचा हिसका पलूस (सांगली) - पोलिसांनी लॉकडाउन काळात पलूस पोलिस ठाणे कार्यक्षेत्रात आतापर्यंत 252 गुन्हे दाखल केले. तर तब्बल चार लाख रुपयांचा दंड वसूल केला आहे, अशी माहिती पलूस पोलिस ठाण्याचे सहायक पोलिस निरीक्षक विकास जाधव यांनी दिली. पलूस पोलिस ठाणे कार्यक्षेत्रात पलूस शहरासह इतर काही गावे येतात. कोरोनाच्या पार्श्वभूमीवर सरकारने संचारबंदी लागू केली. तसेच कोरोना विषाणूंचा प्रसार रोखण्यासाठी मंदिरे, मद्य विक्री, तंबाखू जन्य पदार्थ विक्री, हॉटेल, बेकरी व इतर खाद्यपदार्थ विक्री यावर बंदी घातली. काही काळ इतर दुकाने बंद ठेवण्यात आली. त्याचबरोबर दुचाकीवरून डबल सिट व चारचाकीमधून चालकासह तीन पेक्षा जादा प्रवासी नसणे, तोंडाला मास्कचा वापर न करणे, राज्य व जिल्हा बंदी असतानाही आदेशाचा भंग करून प्रवेश करणे, रस्त्यावर उगीचच फिरणे, सोशल डिस्टन्सचे पालन न करणे, अशा विविध सूचनांचे पालन न करणारांवर पलूस पोलिसांनी नजर ठेवून, रात्रंदिवस काम केले. पलूस शहरासह इतर गावात नाकेबंदी केली. कडक पहारा ठेवला. मात्र, शासन आदेशाचे व नियममांचे पालन न करणारांवर पलूस पोलिसांनी गुन्हे दाखल केले. पोलिस अधिकारी व कर्मचारी यांना शिक्षक पोलिस, माजी सैनिक, पोलिस मित्र इतरांची चांगली साथ मिळाली. लॉकडाउन सुरू झालेपासून पलूस पोलिसांनी राज्य व जिल्ह्याबाहेरुन विनापरवाना आलेल्या 3, बंद काळात दुकान सुरू ठेवणारे 3, मास्कचा वापर न करणारे 193, संचारबंदी आदेशाचा भंग केल्याप्रकरणी 43 अशा एकूण 252 जणांवर गुन्हे दाखल करण्यात आले. त्यांच्याकडून चार लाख रुपयांपेक्षा जास्त दंड वसूल करण्यात आला आहे. पलूस पोलिस ठाणे कार्यक्षेत्रात लॉकडाउनपासून पोलिस कर्मचारी, आरोग्य विभाग व प्रशासनाच्या इतर विभागाने चांगले काम केले. अजूनही करीत आहेत. सुदैवाने या ठिकाणी एकही कोरोना पॉझिटिव्ह रुग्ण सापडला नाही. यामध्ये नागरिकांनी मोठे सहकार्य केले. याही पुढे समाजातील सर्व घटकांनी सहकार्य करावे. - विकास जाधव, सहायक पोलिस निरीक्षक, पलूस. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2MiRY3K

Read more No comments:

सकाळ latest updates

कोरोना संकटात दूध उत्पादकांचा संघर्ष सांगली - द्राक्ष, डाळींब, भाजीपाल्यासह सर्वच शेतीमालाचा कोरोना लॉकडाऊनने कोंडी केली. शेतकऱ्यांचे आर्थिक चक्र कोलमडून गेले, मात्र या काळात दुधाची उलाढाल अडखळत का असेना सुरु राहील. दुधाने शेतकऱ्यांना तारले. दूध उत्पादक शेतकरी आणि दूध संस्थांनी कोरोना संकट काळात अतिशय संयम राखला आहे. राज्यातील दुधाचे अडीच कोटी लिटरचे संकलन आणि त्या तुलनेत दूध, दुग्धजन्य पदार्थांच्या विक्रीवर आलेल्या मर्यादा याची सांगड घालताना कसरत सुरू आहे. ती किती काळ राहिल, याची खात्री नाही. त्यातून दूध दराचा कायदा आणि प्राप्त परिस्थितीत व्यवहार हा मेळ घालण्यावर सर्व घटकांत या घडीला एकमत आहे. फायद्या-तोट्याच्या व्यवहारापेक्षा आज टिकून राहण्याला हे क्षेत्र महत्त्व देत आहे. भविष्यात पुन्हा एकदा "धवल क्रांती'ची फळे चाखण्यासाठी या संकट काळात तग धरून राहण्याचे मोठे आव्हान आहे. सारे जग लॉकडाउन असताना शेतकरी राबत होता. तो शिवारात होता. मेहनत करत होता, मात्र केळी, कलिंगड, भाजीपाल्यापासून साऱ्याच शेतमालावर संकट कोसळले होते. तो हतबल होता. मातीमोल दराने विक्री करत होता. या साऱ्यात धडपड करून जनावरे जगवत होता. दूध काढत होता, डेअरी चालवत होता. डेअरी मालक संकटातही दूध संकलन करत होते आणि ते दूध मोठ्या संकलन केंद्रात आणत होते. मोठे दूध केंद्र ते दूध पुणे, मुंबईपर्यंत पोहचवत होते. हे चक्र कुठेही थांबले नाही. दुधाची मागणी कमी झाली, उपपदार्थ विक्री जवळपास ठप्प झाली. दूध पावडर निर्मितीला पर्याय उरला नाही. संकट मोठ्या दूध डेअरीवर होते. ते छोट्या दूध डेअरीकडे सरकणार नाही, याची त्यांनी काळजी घेतली आणि पर्यायाने शेतकऱ्यांची कोंडी होणार नाही, याची खबरदारी घेतली गेली. दुधाचे दर पडले, पर्याय नव्हता. दूध उत्पादकांनी त्यावर चकार शब्द काढला नाही. कारण, या काळात संयम सोडला तर दूध संकलनावर थेट परिणाम झाला असता. डेअरी बंद झाल्या असत्या. ते कुणालाच परवडणारे नव्हते. विशेषतः हे संकट गायीच्या दुधाबाबत अधिक आहे. या काळात कमीअधिक का असेना मात्र दुधाचा पैसा खेळता राहिला हेच महत्वाचे. दुसरीकडे पशुखाद्याच्या दरातील वाढ सातत्यपूर्ण राहिली आहे. कच्च्या मालाचा तुटवडा असल्याने ते साहजिक होते. या दुहेरी कोंडीतून दूध उत्पादकांनी संयम बाळगला आहे. तो अजून किती काळ बाळगावा लागेल, याची या घडीला कल्पना नाही. चितळे डेअरीचे संचालक गिरीश चितळे यांच्या मतानुसार, लॉकडाउनच्या पुढच्या टप्प्यात व्यवहार अधिक सुटसुटीत होतील आणि मग हे संकट हळूहळू कमी होईल. तोवर टिकून राहण्याला महत्त्व दिले पाहिजे. आकड्यांत स्थिती * राज्याचे दूध उत्पादन ः अडीच कोटी लिटर * उपपदार्थ निर्मिती ः सुमारे 60 टक्‍क्‍यांवर * जिल्ह्याचे रोजचे दूध उत्पादन ः 12 लाख लिटर * खासगी संस्थांचे संकलन ः सुमारे 7 लाख लिटर * सहकारी संस्थांचे संकलन ः सुमारे 5 लाख लिटर दूध पावडर निर्मिती राज्यातील सुमारे दीड कोटी लिटर दुधाची रोज भुकटी केली जात आहे. ते प्रमाण आता हळूहळू कमी होत जाईल आणि उपपदार्थ निर्मितीची आकडेवारी वाढत जाईल. दूध भुकटीचे देशातील दर प्रतिकिलो 300 रुपयांवर होते. ते दूध भुकटी निर्मिती वाढल्यानंतर सुमारे 204 रुपये प्रतिकिलोवर आले होते. या दरात वाढीची सध्या तरी फारशी शक्‍यता दिसत नाही. कारण, मागणीपेक्षा सध्या साठा मोठा आहे. तरीही हा व्यवसाय टिकून राहण्यासाठी धडपडतो आहे. दूध उत्पादक शेतकरी आणि संस्थांनी संयमाने, सामंजस्याने आणि कायदा-व्यवहाराची सांगड घालत संकट हाताळले आहे. संकट खूप मोठे आहे. ते कधी संपेल माहिती नाही, मात्र या काळात टिकून राहण्याला महत्त्व दिले आहे. फायद्यातोट्यापेक्षा व्यवसाय जगला पाहिजे. - गिरीश चितळे, संचालक, चितळे डेअरी दूध विक्री सुरु राहिल्याने हातात पैसा खेळता राहिला. दुधाच्या दरावर या घडीला फार चर्चा करून चालणार नाही. आठआणे-रुपया कमी मिळाला तरी खदखद नाही, कारण संकटच मोठे आहे. फक्त शेण पदरात पडतेय, बाकी सारा खर्च जनावरांवरच होतोय. आठवड्यात बील येतेय आणि त्यावर चूल पेटते, हेच महत्वाचे. - चंदर पाटील, शेतकरी News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2ZUHKPi

Read more No comments:

सकाळ latest updates

अचानक पाऊस, कोकणाला सतर्कतेचा इशारा वैभववाडी (सिंधुदुर्ग) - सिंधुदुर्गात मॉन्सूनपूर्व पावसाने आज दमदार हजेरी लावली. विजांचा कडकडाट आणि जोरदार वाऱ्यांसह जिल्ह्यातील बहुतांशी भागात पाऊस झाला. पावसामुळे हवेत गारवा निर्माण झाला असून, पावसाळी वातावरण निर्माण झाले आहे. अचानक कोसळलेल्या पावसामुळे सर्वांची तारांबळ झाली. दरम्यान, प्रशासनाने सतर्कतेचा इशारा दिला असून, मच्छीमार बांधवांना समुद्रात न जाण्याचे आवाहन करण्यात आले आहे. जिल्ह्यात आज सकाळपासून ढगाळ वातावरण होते. वातावरणात प्रचंड उष्मा निर्माण झाला होता. अंगातून घामाच्या धारा वाहत होत्या. दरम्यान, सायंकाळी तीन वाजल्यापासुन जोरदार वाऱ्याला सुरुवात झाली. त्यापाठोपाठ विजांच्या कडकडाटांसह पावसाला सुरुवात झाली. जिल्ह्यातील सह्याद्री पट्ट्यातून पावसाला सुरुवात झाली. वैभववाडी, कणकवली, कुडाळ, सावंतवाडी या तालुक्‍यांमध्ये जोरदार पाऊस कोसळला. दुपारी साडेतीन ते सायंकाळी उशिरापर्यंत पाऊस सुरू होता. पावसामुळे रस्त्यावरून पाणी वाहत होते. मळ्यांमध्ये देखील पावसाचे पाणी साचल्याचे चित्र पाहायला मिळाले. पहिल्याच मॉन्सूनपूर्व पावसात जिकडे तिकडे पाणीच पाणी असल्याचे चित्र दिसत होते. सह्याद्री पट्टयात पावसाचा जोर अधिक होता. अचानक पाऊस सुरू झाल्यामुळे जिल्ह्यातील सर्वांचीच तारांबळ उडाली. वाऱ्यांमुळे काही रस्त्यावर झाडे कोसळण्याचे प्रकार घडले. परंतु, त्याचा वाहतुकीवर परिणाम झाला नाही. प्रवासात असलेल्या दुचाकीस्वारांना रस्त्यातच गाडी उभी करून आडोशाला राहावे लागले. लॉकडाउनमुळे लांबलेल्या बांधकामांना पावसामुळे ब्रेक लागला. मुसळधार पावसामुळे हवेत गारवा निर्माण झाला आहे. त्यामुळे दिवसभर उष्म्याने कंटाळलेल्या नागरिकांना दिलासा मिळाला आहे. पावसामुळे शेतकरी वर्गाची धांदल सुरू झाली आहे. पेरणीच्या दृष्टीने शेतकरी पूर्वतयारीला लागला आहे. जिल्ह्यावर चक्रीवादळाचे सावट ओरोस - जिल्हा प्रशासनाने जिल्ह्यात 31 मे ते 4 जून या कालावधीत सतर्कतेचा इशारा दिला आहे. या कालावधीत अरबी समुद्रात जोरदार वारे वाहणार आहेत, तर जिल्ह्यात विजांच्या कडकडाटांसह मुसळधार पाऊस कोसळण्याची शक्‍यता वर्तविली आहे. त्यामुळे मच्छीमार बांधवांना समुद्रात न जाण्याचे आवाहन केले आहे. अरबी समुद्रात तयार झालेल्या कमी दाबाच्या पट्ट्याचे चक्रीवादळात रूपांतर होणार असल्याचे प्रादेशिक हवामान विभागाने कळविले आहे. त्यामुळे समुद्र खवळलेला राहणार असून, मच्छिमारांनी समुद्रात जाऊ नये. तसेच समुद्रात गेलेल्या मच्छिमारांनी परत यावे, असे आवाहन जिल्हा आपत्ती व्यवस्थापन कक्षाने केले आहे. वादळाच्या पार्श्‍वभूमीवर जिल्ह्यातील सर्व यंत्रणांनी सावधानता बाळगावी. विशेषत: किनारी भागातील तलाठी, ग्रामसेवक, पोलिसपाटील यांनी सतर्क रहावे. तसेच संबंधित सर्व यंत्रणांनी शोध व बचाव साहित्य सुस्थितीत असल्याची खात्री करावी. शोध व बचाव गट कार्यरत ठेवावेत. जिल्हा नियंत्रण कक्षाच्या संपर्कात राहून कोणतीही दुर्घटना घडल्यास नियंत्रण कक्षाला तत्काळ माहिती द्यावी. विभागप्रमुखांनी पुढील सूचना मिळेपर्यंत मुख्यालय सोडू नये, अशा सूचनाही जिल्हा आपत्ती व्यवस्थापन प्राधिकरणाने केल्या आहेत. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/3crMgYg

Read more No comments:

सकाळ latest updates

पती-पत्नीतील तणाव 40 टक्‍क्‍यांनी वाढला : प्रा. राजा आकाश नागपूर : लॉकडाउनमध्ये तणावात जगणाऱ्या पती-पत्नीला व्यक्त होता येत नाही. त्यांच्यामधील तणाव आतल्या आत धुमसतो आहे. आपण समुपदेशन करावे असे अनेक जोडप्यांना वाटते. मात्र, कोरोनाच्या भीतीने ही जोडपी समुपदेशनासाठी यायला तयार नाहीत. चाळीस ते पन्नास टक्‍क्‍यांपर्यंत जोडप्यामधील ही समस्या वाढली आहे, असे मत कौटुंबिक न्यायालयातील समुपदेशक, मानसोपचारतज्ज्ञ प्रा. राजा आकाश यांनी व्यक्त केले. देशामध्ये लॉकडाउन घोषित करण्यात आल्यानंतर कौटुंबिक न्यायालयातील कामकाज थांबले. त्यामुळे, कौटुंबिक कलहामुळे तणावात जगणाऱ्या जोडप्यांचे प्रमाणसुद्धा वाढल्याचे मत प्रा. राजा आकाश यांनी व्यक्त केले. अशा जोडप्यांच्या समस्यांचे वेळेत समाधान न झाल्यास अनेक कुटुंबे उद्‌ध्वस्त होतील. स्वभाव न जुळणे, संशयी वृत्ती, सासू सासऱ्यांशी न पटणे, छोट्या-छोट्या कारणांवरून वाद होणे, अपेक्षा, अहंकार अशा विविध कारणांमुळे जोडप्यांमध्ये खटके उडत असतात. लॉकडाउन सुरू होण्यापूर्वीदेखील याच कारणांमुळे जोडप्यांमध्ये तणाव निर्माण व्हायला. मात्र, याचे प्रमाण लॉकडाउनमध्ये वाढले आहे. हेही वाचा : नवलच! माकडाचं पिलू घेत आहे 'ऑनलाइन' शिक्षण शिवाय, कामानिमित्त व्यक्ती 8 ते 10 तास घराबाहेर राहू शकत होता. परंतु, या काळात नवरा बायको दोघेही पूर्ण वेळ घरीच असल्याने त्यांच्यात होणाऱ्या वादाचे प्रमाण वाढले आहे. तसेच, या सर्व समस्या जोडप्यांना कुणाजवळ व्यक्तसुद्धा करता येत नाही. चीन आणि अमेरिकेमध्ये लॉकडाउन हटविल्यानंतर अनेक जोडप्यांनी घटस्फोट घेतला. अशा पती पत्नीचे वेळेत समुपदेशन न केल्यास भारतातदेखील हीच परिस्थिती उद्‌भवू शकते. अशा प्रकरणांमध्ये तणाव वाढत गेल्यास नवऱ्याला क्वारंटाइन करण्याचा निर्णयसुद्धा पुणे जिल्हा परिषदेमध्ये घेतला आहे. हीच परिस्थिती शहरामध्ये उद्‌भवल्यास स्थानिक प्रशासन हा पर्याय निवडण्याची शक्‍यता आहे, असेही ते म्हणाले. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2MjjbmV

Read more No comments:

सकाळ latest updates

जॉब गेल्यामुळे आयटीयन्सना चिंतारोगाची समस्या; किती टक्क्यांपर्यंत प्रमाण गेलंय पाहा... पिंपरी : लॉकडाउन सुरू झाल्यापासून आयटीयन्सविषयी दररोज नवनवीन बातम्या येताहेत. तसेच, लॉकडाउनचा आयटी क्षेत्राला मोठा फटका बसलाय. त्यात आटीयन्सना नोकरी जाण्याचा व पगार कपातीचा प्रश्न निर्माण झाल्याने त्यांच्या चिंतेत आणखी भर पडलीय. त्यामुळे आयटीयन्सना चिंतारोगाची समस्या सतावू लागलीय. याआधी चार टक्‍यांपर्यंत असलेलं हे प्रमाण लॉकडाउनमध्ये 15 टक्‍यांपर्यंत गेलंय. सध्याची परिस्थिती काही दिवस अशीच राहिल्यास या आकडेवारीत आणखी वाढ होऊ शकेल, अशी शक्यता मानसोपचार तज्ज्ञांनी वर्तवलीय. ताज्या बातम्यांसाठी डाऊनलोड करा ई-सकाळचे ऍप आयटीयन्सने आतापर्यंत कधीही अनुभवली नसेल, अशा परिस्थितीचा सामना त्यांना करावा लागतोय. कंपन्यांना वर्क फ्रॉम होमची सुविधा दिलीय. मात्र, दररोजच वेगवेगळ्या ताण तणावाच्या समस्या निर्माण होत आहेत. त्याचा परिणाम त्यांच्या जीवनमानावर होताना दिसतोय. चिंतारोग वाढण्याची कारणे काय? सध्या निर्माण झालेल्या स्थितीमध्ये नोकरी गमावल्यानंतर मनावर येणाऱ्या ताणाच्या स्थितीमुळे चिंतारोगामध्ये भर पडत आहे. सुरुवातीला नोकरी गेल्याचे समजल्यानंतर अनेकांना तो धक्‍का मान्यच होत नाही. त्यानंतर काही जणांमध्ये रागाची अवस्था निर्माण होते, तर काहीजण अखेरीस परिस्थिती मान्य करून नव्या वाटा शोधू लागतात. चिंतारोगांमुळे प्रामुख्याने निद्रानाश, सतत चिंता, मनामध्ये कायम असुरक्षितेतची भावना, असे प्रकार दिसून येतात. या ताणामुळे मानसिक बैठक स्थिर राहत नाही. त्यामुळे गंभीर स्वरुपाचे मानसिक आजार उद्‌भवू शकतात. पिंपरी चिंचवडच्या बातम्या वाचण्यासाठी येथे ► क्लिक करा व्हिडिओच्या माध्यमातून मार्गदर्शन नोकरी गेल्यानंतर मनावर येणाऱ्या ताणासंदर्भात आयटीयन्सना व्हिडिओच्या माध्यमातून मार्गदर्शन करण्याचा उपक्रम आयटी कर्मचाऱ्यांसाठी काम करणाऱ्या संघटनांकडून सुरू करण्यात आलाय. मानसोपचार तज्ज्ञांकडून व्हिडिओ तयार करून ते व्हॉटसअॅपच्या माध्यमातून आयटी कर्मचाऱ्यांपर्यंत पोहोचवले जात आहेत, असं राज्य सरकारच्या आयटी समितीचे सदस्य पवनजित माने यांनी सांगितलं. पुण्याच्या बातम्या वाचण्यासाठी येथे ► क्लिक करा मानसिक स्वास्थ कसे राखाल... मानसिक स्वास्थ बिघडू न देता, ते चांगले कसे ठेवता येईल याचा प्रयत्न करा. खचून न जाता नवीन नोकरी, व्यवसाय शोधण्याचा प्रयत्न सुरू करा. खर्च कमी करण्याची सवय लावा. योगा, मेडिटेशन, कौन्सिलिंग याचा आधार घ्या आणि मानसिक स्वास्थ चांगले ठेवा लॉकडाउननंतर निर्माण झालेल्या स्थितीमुळे तरुणांमध्ये चिंतारोगाचे प्रमाण वाढताना दिसत आहे. एरवी चार टक्‍यांपर्यंत असणारे, हे प्रमाण दोन महिन्यांमध्ये वाढले आहे. सध्याच्या स्थितीत 40 ते 50 या वयोगटातील लोकांमध्ये याचे प्रमाण 10 ते 15 टक्‍यांपर्यंत, तर 30 ते 40 वयोगटातील तरुणांमध्ये हे प्रमाण आठ ते दहा टक्‍यांपर्यंत पोहोचले आहे. सध्याची स्थिती अशीच कायम राहिली, तर यामध्ये वाढ होण्याची शक्‍यता नाकारता येत नाही. मानसिक स्वास्थ ठिक ठेवण्यासाठी ही मंडळी मानसोपचार तज्ज्ञांकडे जाण्याबरोबरच फॅमिली डॉक्‍टर, फिजिशिअयन यांचा सल्ला घेत आहेत. - डॉ. विद्याधर वाटवे, मानसोपचार तज्ज्ञ आणि माजी अध्यक्ष, भारतीय मानसोपचार संघटना News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2TRuaID

Read more No comments:

सकाळ latest updates

व्वा...! टेंभूच्या पाण्यानं केलीय अशी कमाल आटपाडी (सांगली) - टेंभू योजनेच्या पाण्यातून तालुक्‍यातील सात तलाव भरले असून दोन तलावात सध्या पाणी चालू आहे. याशिवाय तीन ओढ्याला पाणी सोडून ओढ्यावरील पंधरावर बंधारे भरले आहेत. या टेंभूच्या पाण्याचा शेतकऱ्यांना मोठा दिलासा मिळाला आहे. टेंभू उपसा सिंचन योजना आटपाडी तालुक्‍याला वरदान ठरली आहे. पारंपरिक शेती करणारे शेतकरी पाणी आल्यामुळे मोठ्या संख्येने द्राक्षबागा लावण्याकडे वळले आहे. डाळिंब क्षेत्रातही वाढ झाली आहे. भाजीपाला क्षेत्राची वाढ होत चालली आहे. याशिवाय इतर कडधान्याची पिके ही या पाण्याच्या जोरावर घेतली जात आहे. या वर्षी आटपाडी तालुक्‍यात सात एप्रिलला टेंभू योजनेचे पाणी आले. घाणंद तलाव भरून तेथून कटरेवस्ती पाझर तलाव, मिटकी साठवण तलाव, हिवतड पाझर तलाव, बनपुरी तलाव, शेटफळे येथील रेबाई तलाव आणि दिघंची येथील तलाव टेंभूच्या पाण्याने भरले आहेत. सध्या कचरेवस्ती आणि आटपाडी तलावात पाणी चालू आहे. याशिवाय हिवतड येथून गोमेवाडी, करगणी ओढ्याला पाणी सोडून ओढ्यावरील बंधारे भरले आहेत. काळेवाडीतून ओढ्याला पाणी सोडून काळेवाडी, माळेवाडी, शेटफळे ओढ्यावरील दहावर बंधारे भरलेत. पारेकरवाडीत ओड्यालाही पाणी सोडले आहे. सध्याच्या मागणीप्रमाणे 15 जूनपर्यंत पाणी चालू ठेवण्याचे नियोजन आहे. अन्य ठिकाणाहून मागणी आल्यास आणि त्या भागात पाणी जात असल्यास टेंभूचे पाणी देण्याचे नियोजन केले जाणार आहे. बंद पाईपलाईनमधून दिघंची तलावात भरला आहे. अन्य भागातील बंद पाईपलाईनची कामे सुरू झाली आहेत. लाकडाउनमुळे कामे बंद होती. तसेच सिमेंट पाईपचा अपुरा पुरवठा होत असल्यामुळे अडचणी येत आहे. ऐन उन्हाळ्यात पाणी सोडल्यामुळे शेतकऱ्यांना मोठा दिलासा मिळाला आहे. द्राक्ष, डाळिंब, सीताफळ या फळ लागवडीत वाढ होत चालली आहे. टेंभूच्या पाण्यामुळे पिण्याच्या पाण्याचा प्रश्न सुटला आहे. टेंभूच्या पाण्याने शेटफळे ओढ्यावरील बंधारे भरून दिले. त्यामुळे डाळिंबाच्या बागा धरल्या तसेच इतर पीक आहे केली आहे- - प्रकाश गायकवाड, (शेतकरी शेटफळे) News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2TWugi6

Read more No comments:

सकाळ latest updates

गावाच्या उपकाराची परतफेड करणारा उद्योजक कोल्हापूर - उद्योगासाठी जिल्ह्याबाहेर आणि परराज्यात संधी असताना केवळ गावाची ओढ, गावानं शिक्षण घेण्यासाठी दिलेले बळ, रयत शिक्षण संस्थेतील संस्कार यामुळेच शिरोळ तालुक्यातील टाकवडे सारख्या गावात वनिता ऍग्रोची स्थापना झाली. शेतीला खतांचा पुरवठा करणारी ही कंपनी शेतकऱ्यांशी नाळ जोडून आहे. स्वतःच्या आणि कामगारांच्या श्रमावर विश्वास ठेवून वाटचाल करणाऱ्या वनिता ऍग्रो केमचे कार्यकारी संचालक नेताजी पवार यांच्याशी सकाळने वातचीत केली. कोल्हापुरच्या बातम्या वाचण्यासाठी येथे क्लिक करा कोल्हापुरतातील 300 ते 400 लोकांना रोजगार देताना महिन्याला 5 कोटी रुपयांची रक्कम कामगारांच्या पगारावर खर्च केली जात आहे. अगदी 10 वी पास, नापास पासून ते केमिकल इंजिनियर, एमबीए, सायन्स पदवीधर असे शिक्षण घेतलेले तरुण या कंपनीत काम करत आहेत. कितीही कमी पगारात परप्रांतीय कामगार मिळत असले तरी सुध्दा निव्वळ नफेखोरीचा विचार न करता उद्योजक नेताजी पवार यांनी स्थानिक लोकांवर विश्वास टाकला, त्यांना प्रशिक्षण दिले, शासकिय नोकरी प्रमाणे सेवा आणि सुविधा देत समाजाचे ऋण फेडण्यासाठी पाऊल टाकले. त्यांचा हा प्रवास अनेकांना प्रेरणादायी आहे. हे पण वाचा - भोंदुबाबाने घातला तब्बल ३५ लाखांना गंडा ; पती-पत्नीस अलिप्त राहण्याचा द्यायचा सल्ला हे पण वाचा - अक्षय, तू घाबरू नकोस! तुझ्यासारख्या प्रामाणिक शिवभक्तांच्या पाठीशी ठामपणे उभा ; संभाजी राजे News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2Xku8uT

Read more No comments:

सकाळ latest updates

...अन्‌ बॉयफ्रेंड सुसाट पळाला; लॉकडाउनमध्ये प्रेमियुगुलांची आफत नागपूर : प्रेमियुगुलांच्या थव्यांमुळे नेहमी भरगच्च भरत असलेला फुटाळा तसेच अंबाझरी तलाव आज ओस पडला आहे. कोरोनामुळे संचारबंदी आणि लॉकडाउन असल्याने अनेक बॉयफ्रेंड आणि गर्लफ्रेंड भेटण्यासाठी आतुर झाले आहेत. त्यांना विरह सहन हात नाहीये. मात्र, आता संचारबंदी उठण्याचे संकेत असल्यामुळे प्रेमियुगुलांचे मन हिरवे झाले असून, फुटाळा त्यांना खुणावत असल्याची जाणीव होत आहे. प्रेमियुगुलांसाठी एकमेकांना भेटायचे हक्‍काचे ठिकाण म्हणजे फुटाळा आणि अंबाझरी तलाव. त्यामुळे गेल्या अनेक वर्षांपासून प्रेमियुगुल फुटाळा, अंबाझरीवर तुडुंब गर्दी करतात. एकमेकांच्या बाहुपाशात आणि गप्पा-टप्पा करीत आयुष्याचा सारिपाट रंगविण्यासाठी फुटाळावर बसतात. सायंकाळच्या सुमारास चिक्‍कार गर्दी करीत प्रेमियुगुल अनेकदा प्रेमबंधनाची सीमासुद्धा ओलांडताना दिसतात. यासोबतच महाविद्यालयीन तरुण-तरुणींना सिगारेटचे झुरके आणि चिल्ड बिअरचे सीप घेण्यासाठीही फुटाळा पसंत आहे. यासोबतच नुकताच वयात आलेले शालेय विद्यार्थी आणि विद्यार्थिनीही फुटाळ्यावर पाठीवर दप्तर आणि हातात हात घालून वर्गमित्रांसोबत गप्पा मारण्यासाठी येतात. तसेच टवाळखोर पोरांची टोळी दुसऱ्यांच्या प्रेयसीची छेडखानी किंवा टवाळकी करण्यासाठी फुटाळा गाठतात. मात्र, गेल्या अडीच महिन्यांपासून फुटाळा आणि अंबाझरी तलावावरील प्रेमियुगुलांची गर्दी एका झटक्‍यात गायब झाली. कोरोनाचे संकट आले आणि संचारबदी, लॉकडाउन सुरू झाले. त्याचा जसा व्यवसायावर परिणाम पडला, तसा सामाजिक जीवनावरही पडला. सर्वांत मोठी पंचाईत झाली ती आईवडील आणि वस्तीतील टाळक्‍यांच्या चोरून एकमेकांना भेटणाऱ्या बॉयफ्रेंड-गर्लफ्रेंडची. संचारबंदी असल्यामुळे सर्व कुटुंब घरातल्या घरात बसले आहे. बाहेर पडायची सोय नाही. त्यातही चोरून-लपून फोनवरून बोलण्याचा प्रयत्नसुद्धा मोठ्या महागात पडण्याची भीती. अशा द्विविधा मन:स्थितीत बॉयफ्रेंड-गर्लफ्रेंड हे नातं अडकलं आहे. एकमेकांना भेटायची ओढ, उत्सुकता आणि आतुरता कायम आहे. पण, भेटता येत नसल्याने प्रेमियुगुलांचे मन कोमेजून गेले आहे. मात्र, वस्तीत कुटुंब तर बाहेर पोलिस कर्मचारी एकमेकांना भेटू देत नसल्याची खंत मात्र प्रेमियुगुलांना नक्‍की आहे. काका, ही माझ्यावर खूप प्रेम करते व्हीआयपी रोडवर सायंकाळच्या सुमारास अल्पवयीन प्रेमियुगुल बेंचवर बसलेले होते. तोंडाला मास्क लावलेला आणि हातात हात घेऊन दोघेही प्रेमाचे स्वप्न रंगवत असताना तेथे आम्ही पोलिस पॅट्रोलिंग व्हॅनसह पोहोचलो. आम्हाला बघून ते थबकले. संचारबंदी असताना येथे बसू नका, असे म्हटल्यावर "काका आम्ही खूप दिवसांनी भेटतोय. ही खूप प्रेम करते माझ्यावर. आईशी खोटे बोलून आली मला भेटायला', असे बोलून तो मुलगा गयावया करू लागला. त्या दोघांनाही पाच उठबशा काढायला लावल्या आणि पुन्हा दिसल्यास संचारबंदीचे उल्लंघन केल्याची कारवाई करण्यात येईल, असा सज्जड दम दिला. त्यानंतर प्रेमियुगुल बाईक काढून सुसाट पळायला लागले, हा किस्सा एका पोलिस कर्मचाऱ्याने सांगितला. हेही वाचा : नवलच! माकडाचं पिलू घेत आहे 'ऑनलाइन' शिक्षण आमच्यात मैत्री आहे... मग दे तुझ्या आईचा नंबर! जीपीओ चौकातून सीपी ऑफिसकडे जाणाऱ्या रोडवरील फुटपाथवर एक प्रेमियुगुल बसलेले होते. दोघांकडेही मास्क नव्हते. मुलीने चेहरा स्कार्फने झाकलेला होता तर मुलगा तिच्या खांद्यावर हात ठेवून होता. पोलिसांचे वाहन तेथे थांबले. एका महिला कर्मचाऱ्याने दोघांनाही जवळ बोलावले. "मॅडम आमच्यात फक्‍त मैत्री आहे. हा माझा नातेवाईकसुद्धा आहे. आम्ही खूप दिवसांनी भेटलोय', असे त्या मुलीने उत्तर दिले. "नातेवाईक आहे नं... मग तुझ्या आईचा नंबर दे. मी त्यांच्याकडून कन्फर्म करते', असे महिला पोलिस कर्मचाऱ्याने म्हटले. त्यानंतर तो मुलगा लगेच उठला आणि तिला सोडून पळून गेला. तेव्हा मुलीची समजूत घातली आणि घरी पाठवून दिले, हा किस्सा एका महिला पोलिस कर्मचाऱ्याने सांगितला. ...तर आम्ही कुठे भेटावे? संचारबंदीमुळे गेल्या अडीच महिन्यांपासून आम्ही एकमेकांना भेटलो नाही. आता कुठेतरी नियमांमध्ये थोडी शिथिलता आली आहे. आमचे नेहमीचे भेटण्याचे ठिकाण म्हणजे फुटाळा. परंतु, आता तेथेही पोलिस बंदोबस्त आहे. रस्त्यावर कुणी नसल्याची संधी साधून कुठेतरी झाडाच्या आडोशाला उभे राऊन भेटायचे म्हटले की पॅट्रोलिंगवाले पोलिस मागे लागतात. मग आम्ही भेटायचे कुठे? असा सवाल मयूर लांडगे या युवकाने केला आहे. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2XQkSxs

Read more No comments:

सकाळ latest updates

"एफआरपी' ची चातकाप्रमाणे प्रतीक्षा सांगली - साखर कारखान्यांचा गळीत हंगाम संपून दोन महिने उलटले तरी शेतकऱ्यांना ऊस बिलाची रक्कम मिळालेली नाही. सध्या खरीप हंगामाची कामे सुरू झाली आहेत; मात्र ऊस बिलाची रक्कम हातात नसल्यामुळे पावसाळा तोंडावर येऊनही तो प्रतीक्षेत आहे. जिल्ह्यातील दहा कारखान्यांकडे "एफआरपी' ची 233 कोटींची रक्कम थकीत आहे. "कोरोना' मुळे आर्थिक संकटात शेतकरी सापडला असून ऊस बिलाची तो चातकाप्रमाणे वाट पाहत आहे. जिल्ह्यात संपलेल्या गळीत हंगामात 12 साखर कारखान्यांनी साडेतीन ते चार महिन्यांच्या कालावधीत 66 लाख 79 हजार 385 टन उसाचे गाळप केले. त्यापासून 82 लाख 46 हजार 849 क्विंटल साखरेचे उत्पादन घेतले आहे, तर अडचणीमुळे चार साखर कारखाने सुरू होऊ शकले नाहीत. साखर कारखान्यांनी त्यांच्याकडे गळीतास आलेल्या उसाची रक्कम वेळत द्यावी यासाठी ऊस नियंत्रण आदेश 1966 च्या कलम 3 (3) मध्ये तरतूद आहे. त्यानुसार हंगामात गाळप केलेल्या ऊस बिलाची रक्कम 14 दिवसांत देणे बंधनकारक आहे. कारखान्यांनी वेळेत एफआरपीची रक्कम न दिल्यास कलम 3 (3 ए) नुसार विलंब कालावधीसाठी 15 टक्के व्याज आकारण्याची तरतूद कायद्यात आहे. सध्या कोरोनाच्या पार्श्‍वभूमीवर लॉकडाउनमुळे शेतकरी मोठ्या आर्थिक संकटात सापडला आहे. महिन्यापूर्वी प्रादेशिक सहसंचालक (साखर) यांनी सर्व साखर कारखान्यांना ऊस बिलाची रक्कम द्यावी, असे आदेश दिले होते; मात्र जिल्ह्यातील कारखान्यांनी त्याकडे दुर्लक्ष केले आहे. साखर कारखान्यांचा गळीत हंगाम संपून दोन महिने उलटले आहेत. लॉकडाउनमध्ये शेतकरी शांत होता; मात्र आता संयम सुटू लागला आहे. शेतकरी संघटनांनीदेखील तत्काळ "एफआरपी' ची रक्कम द्यावी अन्यथा आंदोलन करण्याचा इशारा दिला आहे. खरीप हंगाम तोंडावर आला आहे. शेतकऱ्यांना सध्या तत्काळ बी-बियाणे, खते-औषधे, पेरणी आदी कामांसाठी पैशाची गरज आहे. अशावेळी साखर कारखान्यांनी तत्काळ ऊस बिलाची रक्कम द्यावी, अशी मागणी केली जात आहे. कारखान्यांची थकीत एफआरपी कारखाना-----------------थकीत एफआरपी (लाखात) वसंतदादा दत्त इंडिया------- 6909.51 राजारामबापू साखराळे-------4977.47 राजारामबापू वाटेगाव--------2481.57 हुतात्मा वाळवा-------------2272.74 सोनहिरा वांगी--------------1047.58 क्रांती कुंडल---------------1667.06 मोहनराव शिंदे--------------103.54 सर्वोदय-राजारामबापू--------1860.47 निनाईदेवी-दालमिया---------845.50 उदगिरी शुगर---------------1133.70. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2TWkLQ1

Read more No comments:

सकाळ latest updates

नागपुरात बहरले सोनू सूदचे प्रेम; शंकरनगरातील ब्रेड पकोडा व कटिंग चहाचा होता दिवाना नागपूर : तो पंजाबी, ती तेलुगू. शिक्षणासाठी दोघे उपराजधानीत आले होते. पहिल्या भेटीतच मैत्री झाली. फोनाफोनी करत डेटिंग सुरू झाले. मैत्रीचे रूपांतर प्रेमात झाले. टाइमपास न करता दोघांनी आयुष्यभर सोबत राहण्याचे ठरविले. 1996 मध्ये दोघांनी रीतसर लग्नही केले. विशेष म्हणजे, त्यावेळी कोठेच काही नसलेला तो आज चित्रपटांमध्ये व्हिलनच्या रोलसाठी प्रसिद्ध आहे. काळाचा महिमा असा की, कोरोनाच्या संकटकाळात केलेल्या भरीव मदतकार्याने चित्रपटातील व्हिलन सोनू सूद रिअल लाइमध्ये मात्र खराखुरा हिरो म्हणून पुढे आला आहे. मूळचा पंजाब येथील सोनू सूद अभियंता होण्यासाठी नागपुरात आला. वानाडोंगरी येथील यशवंतराव चव्हाण इंजिनिअरिंग कॉलेजमध्ये इलेक्‍ट्रॉनिक्‍स विषयात सोनूने प्रवेश घेतला. ऐन तारुण्याच्या उंबरठ्यावर त्याला एमबीए करणारी सोनाली भेटली. ती तेलुगू परिवारातील. पहिल्या भेटीतच त्यांच्या तारा जुळल्या. नागपुरात धरमपेठ, सीताबर्डीत फेरफटका मारणे, सदर परिसरातील स्मृती टॉकीजमध्ये चित्रपट पाहणे, शंकरनगरातील ब्रेड पकोडा, कटिंग चहाचा आस्वाद मित्रांच्या घोळक्‍यात घेणे, अंबाझरी व फुटाळा तलावाकाठी हातात हात घेऊन सूर्यास्त पाहणे त्यांना आवडायचे. ही प्रेमळ साथ जीवनभर अशीच राहावी, यासाठी दोघांनी लग्नाचा निर्णय घेतला आणि 1996 मध्ये पती-पत्नी म्हणून वैवाहिक आयुष्याला सुरवात केली. अभियंता होण्यापेक्षा सोनूला अभिनेता होण्याची इच्छा होती. सोनालीचा प्रारंभी याला विरोध होता. मात्र, तिने सोनूला त्याच्या संघर्षाच्या काळात साथ दिली. लग्नानंतर मुंबईला दाखल झाल्यावर सोनूने मॉडेलिंग केले. काही काळानंतर त्याला चित्रपट मिळू लागले. मेहनतीच्या बळावर त्याने दाक्षिणात्य चित्रपटसृष्टीसह बॉलीवूडमध्येही आपली छाप सोडली आहे. अनेकवेळा सोनू नागपुरात येत असतो. यावेळी तो त्याचे कॉलेज आणि येथील विविध ठिकाणांना आवर्जून भेट देतो. नागपूरबद्दल त्याच्या मनात एक वेगळेच स्थान आहे आणि राहील, हेसुद्धा मोठ्या मनाने तो मान्य करतो. सोनूवर कामगार, मजुरांचा भरोसा महानगरांमधून घरी परतणारे स्थलांतरित कामगार, मजूर यांना सोनू सूद, सोनाली हे फार मोठे आधार ठरले आहे. दिवसरात्र कोणतीही तमा न बाळगता या लोकांना ख्यालीखुशालीने इच्छित स्थळी पोहोचवत आहे. त्यांचे तिकीट, जेवण आदींचा खर्च तो स्वतः उचलत आहे. सोनूची दोन्ही मुलेही त्यांना या समाजकार्यात मदत करत आहेत. हेही वाचा : नवलच! माकडाचं पिलू घेत आहे 'ऑनलाइन' शिक्षण इंटरनेट सर्चमध्ये आघाडी कालपरवापर्यंत सेवाभावी कार्यासाठी खिलाडी अक्षय कुमारला ओळखले जायचे. परंतु, सोनू सूद यांनी रस्त्यावर उतरून 24 तास जे मदतकार्य चालवले आहे त्यावरून नेटकरींनी सोशल मीडियावर सोनूला डोक्‍यावर उचलून घेतले आहे. इंटरनेटवर सोनू सूदच्या नावाने सर्च करण्याचे प्रमाण वाढले असून, सोनूने याबाबतीत अक्षयलाही मागे टाकले आहे. व्हिलन झाला मसिहा कोरोनाच्या संकटात स्थलांतरित गरीब मजूर आणि कामगारांना त्यांच्या गावाकडे पोचून देण्याचा सोनू प्रयत्न करत आहे. त्याच्या या सामाजिक योगदानाची दखल राज्यपालांसह उद्योजक आणि चित्रपटसृष्टीनेही घेतली आहे. त्याच्या चित्रपटातील भूमिकांमुळे कालपर्यंत द्वेष, रागाच्या नजरेने त्याच्याकडे पाहणारे आज त्याला संकटकाळातील मसिहा मानत आहेत. News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2Mh0T5V

Read more No comments:

सकाळ latest updates

पुणेकरांनो, मॉर्निंग वॉकसाठी उद्याने खुली होणार; पण 'यांना' नो एन्ट्री! पुणे : पुणेकरांनो, तुम्हाला आता रोज मॉर्निक वॉकसाठी घराबाहेर म्हणजे उद्याने, मैदानावर मोकळेपणाने जाता येणार आहे. त्यासाठी पुण्यातील १९९ पैकी दीडशे उद्याने मंगळवारपासून (ता.२) खुली होणार आहेत. मात्र, बाधित क्षेत्रातील उद्याने बंद राहतील. ज्येष्ठ नागरिक आणि महिलांना उद्यानात प्रवेश नसेल. - पुणेकरांनो सावधान : पुढचे चार दिवस धोक्याचे, हवामान खात्यानं दिलाय इशारा दुसरीकडे मात्र, मॉल, मल्टिप्लेक्स, रेस्टॉरंट, धार्मिकस्थळे पुढील काही दिवस बंद राहतील. उद्यानात मॉर्निंग वॉकसाठी पहाटे पाच ते सायंकाळी सात या वेळेत परवानगी राहणार असल्याचेही स्पष्ट झाले आहे. मात्र, सार्वजनिक हिंडल्या- फिरणाऱ्यांना मास्कसह सुरक्षिततेची साधने बाळगावी लागतील. मात्र, राज्य सरकारच्या आदेशानुसार पुण्यातील लॉकडाउनच्या नव्या स्वरूपाची घोषणा सोमवारी (ता.१) करणार आहोत, असे महापालिका आयुक्त शेखर गायकवाड यांनी सांगितले. - पैसे गेले अन् गाडीही सुटली; परराज्यातील कामगारांवर भामट्यांमुळे आली ही वेळ! राज्यातील लॉकडाउनच्या पाचव्या टप्प्याच्या पार्श्वभूमीवर मुख्यमंत्री ठाकरे यांनी सरकारची भूमिका मांडली. तेव्हा या टप्प्यातील पुण्यात नव्याने कोणती दुकाने उघडणार? बाधित आणि सूक्ष्म बाधित क्षेत्रांसाठी काय निबंध असतील? त्याशिवाय, सरकारी, निमसरकारी कार्यालये आणि शाळा-कॉलेज सुरू होतील का? त्याची उत्सुकता आहे. मात्र, ज्या पद्धतीने मुख्यमंत्री ठाकरे यांनी आकड्यांनिशी आपली भूमिका जाहीर केली; त्याअर्थी पहिल्या टप्प्यात उद्याने, बाग आणि मैदाने सगळ्यांसाठी खुली होणार आहेत. लॉकडाउनच्या पहिल्या टप्प्यापासून शहरातील सर्व उद्याने बंद आहेत. - Big Breaking : अंतिम वर्षाच्या विद्यार्थ्यांची परीक्षा रद्द; मुख्यमंत्री ठाकरे यांनी केली घोषणा! गायकवाड म्हणाले, "राज्य सरकारच्या आदेशानुसार पुणे शहरासाठीही नवे आदेश काढण्यात येणार आहेत. ज्यात बाधित आणि सूक्ष्म बाधित क्षेत्रांसाठी नेमक्या कोणत्या उपाय योजना करायच्या? याचे नियोजन करीत आहोत. त्याची घोषणा केली जाईल. नव्या निर्णयांबाबत पोलिसांशीही चर्चा करण्यात येईल. दरम्यान, पुण्यातील लक्ष्मी रस्ता, टिस्क रस्ता, जंगली महाराज रस्ता, फर्ग्युसन स्त्यांवरील दोन्हीऐवजी एकाच बाजूचे दुकाने सुरू राहण्याची शक्यता आहे. मात्र, त्यांचाही निर्णय सोमवारीच घेतला जाणार आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे क्लिक करा News Story Feeds https://ift.tt/eA8V8J

Latest news updates May 31, 2020 0 Comments

via News Story Feeds https://ift.tt/2XMaWp1

Read more No comments:

Breaking

Sunday, May 31, 2020

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts