Click Live News Short news on Mobile 2019.....

Friday, May 22, 2020

कोकण विभागातून ३.१५ लाखांपेक्षा जास्त परप्रांतीय मजूर रवाना

Latest news updates May 22, 2020 0 Comments

कोकण विभागातील विविध जिल्ह्‌यांमध्ये लॉकडाऊनच्या काळात अडकलेल्या परराज्यातील मजुरांना त्यांच्या मूळगावी पाठविण्यात आले. from Zee24 Taas: M...

Read more No comments:

कोरोना मृतदेह अंत्यसंस्कार : मुंबईच्या स्मशानभूमीतले कर्मचारी जे दुःखाचा डोंगर पेलतात

Latest news updates May 22, 2020 0 Comments

via BBC News मराठी - बातम्या https://ift.tt/3c35x21

Read more No comments:

सकाळ latest updates

विद्यार्थ्यांनो...! परिक्षेबाबत मुंबई विद्यापीठाने घेतला महत्वपूर्ण निर्णय, वाचा मुंबई : विद्यापीठ अनुदान आयोगाच्या (यूजीसी) सूचनेनुसार मुंबई विद्यापीठाने अंतिम वर्ष व सत्र वगळता इतर वर्षांतील विद्यार्थ्यांना 50:50 सूत्रानुसार गुणदान करण्याचा निर्णय घेतला असून, परिपत्रक जारी केले आहे. हे वाचलंत का : कोरोनातून सुटका होईल हो...पण 'येथे' राहिल्यावर दुसराच रोग जडेल त्याचे काय? त्यानुसार दुसऱ्या, चौथ्या व सहाव्या सत्रांच्या अंतर्गत गुणांच्या राहिलेल्या परीक्षा ऑनलाईन पद्धतीने, लघुप्रबंध सादर करून, दूरध्वनीद्वारे मौखिक परीक्षा घेऊन किंवा सादरीकरण करण्यास सांगून, निरंतर मूल्यमापन इत्यादी सोईस्कर पद्धतीचा अवलंब करून पूर्ण कराव्यात अशी सूचना केली आहे. हे ही वाचा : सर्दी खासी ना कोरोना हुआ ! अरे बापरे 'या' आजाराचा वाहक तुमच्या फ्रिजमध्येच लपून बसलाय... शैक्षणिक वर्ष 2019-20 मधील अंतिम वर्ष वगळून इतर वर्षांच्या सम सत्रांमधील विद्यार्थ्यांना परीक्षा न घेता 50 टक्के अंतर्गत गुण व 50 टक्के त्याच वर्षातील मागील सत्राच्या (उदाहणार्थ एक, तीन, पाच, सात) गुणांच्या आधारावर निकाल लावण्याची कार्यप्रणाली विद्यापीठाने जाहीर केली आहे. मागील सत्रांचे सरासरी गुण काढण्यासाठी विद्यार्थ्यांच्या सर्व विषयांचे गुण ग्राह्य धरावेत. अनुत्तीर्ण किंवा उत्तीर्ण सर्व विषयांच्या गुणांची बेरीज करून त्याचे 50 गुणांमध्ये रूपांतर करावे. यात विषम सत्रांच्या परीक्षांतील एखाद्या विषयातील पुनर्मूल्यांकनाच्या गुणांत बदल झाले असतील, तर ते गुण ग्राह्य धरावेत, असेही या परिपत्रकात म्हटले आहे. Important decision taken by Mumbai University regarding the exam, read News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2XASDDd

Read more No comments:

सकाळ latest updates

मानलं बुवा! शिक्षण बारावी, हाताखाली वीस इंजिनिअर अन् टर्न ओव्हर... औरंगाबाद : बहिणीसाठी आणलेल्या लॅपटॉप स्वतःच्या ताब्यात घेतला. गेम सोडून तो सॉफ्टवेअरमध्येच डोकावू लागला. अवघ्या सहा महिन्यांत पठ्ठ्याने आपल्याच शाळेसाठी एक वेबसाईट बनविली. तीही अगदी आठवीच्या वर्गात होता तेव्हाच. ही गोष्ट आहे हडकोतील अजिंक्य कलंत्री याची. वयाच्या चोविशीत त्याच्याकडे २० सॉफ्टवेअर इंजिनिअर काम करत आहेत. विशेष म्हणजे अजिंक्य हा केवळ बारावी पास आहे; तेही काठावरच. आणि तो सिस्कॉर्ट टेक्नॉलॉजी कंपनीचा मालक आहे. अजिंक्यचे दहावीपर्यंतचे शिक्षण स्वामी विवेकानंद अॅकॅडमीत झाले, तर बारावी देवगिरी महाविद्यालयातून पूर्ण केली. त्याची आई गृहिणी, तर वडिलांचे इलेक्ट्रॉनिक आणि कापडाचे दुकान. अर्थातच त्यांचे मध्यमवर्गीय कुटुंब आहे. बहिणीच्या उच्चशिक्षणासाठी घरच्यांनी तिला एक लॅपटॉप घेऊन दिलेला. त्यावेळेस अजिंक्य आठवीत होता. त्याचे मन त्यावर गेले. गेमची आवड नव्हतीच; पण ज्यावेळेस वेगवेगळ्या वेबसाईट त्याच्या पाहण्यात आल्या, तेव्हा या कशा बनवत असतील असा विचार मनात आला. पाठपुरावा केल्यावर सहा महिन्यांतच घरच्या घरीच तो सॉफ्टवेअर डेव्हलपमेंट प्रोग्रॅमिंग शिकला. तसे लागलीच शाळा आणि माहेश्वरी समाजासाठी एक वेबसाईट बनवली. दहावीच्या परीक्षेवेळी वडिलांना आजारपण आले. साहजिकच खर्चावर मर्यादा आल्याचे अजिंक्यने सांगितले. अकरावीसाठी देवगिरी महाविद्यालयात कॉम्प्युटर सायन्सला प्रवेश घेतला. तिथे थिअरी जास्त होती आणि त्याला प्रॅक्टिकल आवडत. त्यामुळे बारावीपर्यंत कॉलेजचा संबंध परीक्षेपुरताच मर्यादित राहिला. मग अकरावीपासूनच व्यवसाय कामांना सुरवात केली. औरंगाबादच्या बार असोसिएशनसाठी एक वेबसाईट बनवली होती. त्यावेळी न्यायमूर्ती मोहित शहा, मुख्यमंत्री पृथ्वीराज चव्हाण यांनीही कौतुकाची थाप टाकली. जाणून घ्या : नऊ टक्के भागात कोरोना व्यापला तरीही... आर्थिक पाठबळ नाही. पदवी नाही. घरात उत्पन्नाचे स्रोत नाही. यामुळे २०१३ नंतर बारावीपासूनचे शिक्षणच सोडले. ओळखीच्या लोकांकडून दीड लाखाचे कर्ज घेतले आणि त्यातूनच कंपनी सुरू केली. महिना चार टक्के व्याजाने घेतलेले कर्ज फेडण्यासाठी तब्बल दीड ते दोन वर्षांचा कालावधी लागला. सुरवातीला तीन वर्षे शॉप अॅक्ट लायसन्सवरच कंपनी चालवली. त्यानंतर २०१६ मध्ये प्रायव्हेट लिमिटेड कंपनी केली. सिस्कॉर्टमध्ये २०१५ पर्यंत एकट्यानेच काम केले सेवाक्षेत्रात एक व्यक्ती काहीच करीत करू शकत नाही. हे ओळखून संस्थात्मक बांधणी केली. एचआरचा अनुभव नसल्यामुळे सुरवातीला अडचणी आल्या. हळूहळू लोक वाढले. आता वीस सॉफ्टवेअर इंजिनिअर असून, एकूण २५ जणांची टीम कार्यरत आहे. कंपनीची वार्षिक उलाढाल एक कोटीच्या पार गेली आहे. कंपनीची सुरवात केल्यानंतर पेट्रोललाही त्याच्याकडे पैसे नसायचे, पन्नास रुपये एखाद्याकडून उधार घ्यावे लागायचे. ही परिस्थिती २०१४ च्या शेवटपर्यंत होती. त्यानंतर मात्र, कामानिमित्त २२ देशात प्रवास घडला. २०१९ ला थायलंडमध्ये ट्रेड फेअरमध्ये भाग घेतल्याने तिथून नव्याने इंटरनॅशनल मार्केटला सुरवात झाली. तत्पूर्वी विशेष बाब सांगायची म्हणजे २०१६ मध्येच अजिंक्यने अमेरिकेतील फ्लोरिडा येथे कंपनीची नोंदणी केली असून, तिथेही दोन जण काम करीत आहेत. हेही वाचा : चिमुकल्यांनी जोडलेले हात करतात अस्वस्थ तसेच येत्या सहा महिन्यांत व्हिएतनाम येथेही कंपनी सुरू करण्यात येणार आहे, असे अजिंक्यने सांगितले. भारतातही पाच ठिकाणी कंपनीची कार्यालये आहेत. कंपनीतर्फे सोल्युशन आर्किटेक्टचे काम होते. सॉफ्टवेअरमधील सर्व्हिस आणि स्वतःचे प्रॉडक्ट या दोन्ही आघाड्यांवर अजिंक्यचे काम सुरू आहे. लोकल टू ग्लोबल प्रवासाविषयी अजिंक्य सांगतो, ‘‘लिंकडेनच्या माध्यमातून जगभरातील लोक संपर्कात येतात. गुड फेथमध्ये त्यांची कामे केल्यास त्यांच्याकडूनच नवीन बिजनेस मिळतोय. मी आजही कम्फर्ट झोनमध्ये नसलो, तरी घरच्यांचा पॉझिटिव्ह अप्रोच पाहायला मिळतो. देवगिरीत इन्स्पायर टॉकसाठी गेलो; तसेच अकरावीत असताना राहुरकेलाच्या (ओरिसा) एनआयटीमध्येही गेस्ट लेक्चर देण्याचा प्रसंग आला.’’ कोविडनंतर जी आव्हाने असतील, त्याचे आम्ही संधीत रूपांतर करत आहोत. इथून पुढे जग कसे बदलेल, यावर इनोव्हेशन सुरू आहे. लॉकडाउनमुळे १५ मार्चपासून कुणीही ऑफिसला गेले नसून, सर्वांचे काम घरूनच सुरू आहे. दरम्यान, कंबोडियासारख्या देशातूनही काम मिळत आहे. आपली ध्येयं लवकर सेट करा. त्यावर मेहनत करा. आव्हाने येतात; पण मागे जायचे नाही. प्रत्येक आव्हानातून नवीन संधी मिळू शकते. मोठे विचार करा. त्याप्रमाणे वागा. - अजिंक्य कलंत्री, सिस्कॉर्ट टेक्नॉलॉजी प्रा. लि. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2ZsskkT

Read more No comments:

सकाळ latest updates

`निर्णय`! कोकणच्या कलावंतांची भन्नाट संकल्पना कुडाळ (सिंधुदुर्ग) - कोरोना संकट कालावधीत गावात राहूनच लाल मातीशी नाते जोडून नवी सुरूवात करण्याचा संदेश देणारी शॉर्टफिल्म "स्नेहांश एन्टरटेंनमेंट' या संस्थेने साकारली आहे. "निर्णय' या शिर्षकाखाली या शॉर्टफिल्ममध्ये कोकणातील कलावंतांचा सहभाग आहे. स्नेहांश एन्टरटेंनमेंट या संस्थेने लढाय, चोरीचा मामला पाठोपाठ "निर्णय' ही शॉर्ट फिल्म बनवली आहे. कोरोनाच्या पार्श्‍वभूमीवर सरकारने देशात लॉकडाउन घोषित केल्याने शिमग्याला मुंबईमधून गावी आलेले तरुण गावातच अडकतात. त्यातील प्रदीप या तरुणाची मुंबईत जाण्यासाठी होणारी तडफड आणि मुलाने गावीच रहावे, यासाठी होणारी आईची तडफड हा या फिल्मचा गाभा आहे. घरात बसून बसून कंटाळलेला प्रदीप आपले घर, झाडं-पेडं यात आपले मन रमवतो. मुंबईतील कंपनीचा शेठ त्याला त्याचा पगारही देत नाही. मुंबईला कायमचा रामराम करून गावात आलेली ज्येष्ठ व्यक्ती या मुलांना मुंबई विसरून गावी रहायचा सल्ला देते. अखेर वास्तवाची जाणीव झालेला प्रदीप गावातच कायम रहाण्याचा निर्णय घेतो, असे याचे कथानक आहे. "प्रकाशवाट' या मूळ कथेवर.... महेश गोसावी यांच्या "प्रकाशवाट' या मूळ कथेवर बेतलेल्या "निर्णय' या शॉर्ट फिल्मची संहिता रूपांतर, संकल्पना, सवांद लेखन श्री. गवस यांनी केले आहे. छायांकन आणि संकलन रविकिरण शिरवलकर, दिग्दर्शन स्वप्नील राणे, निर्मिती मयूर चव्हाण यांनी केली आहे. या फिल्ममध्ये शेखर गवस, पूजा राणे, पार्थ कोरडे, सत्यवान गावकर, आनंद जाधव, प्रमोद तांबे, मयूर चव्हाण, सिद्धेश खटावकर यांनी भूमिका साकारल्या आहेत. ही फिल्म "वर्क फ्रॉम होम' या संकल्पनेखाली केली आहे News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2ZtEWIB

Read more No comments:

सकाळ latest updates

गावातील तरूणांना शेतीपूरक व्यवसायातून स्वयंरोजगार उपलब्ध झाला वाचा सविस्तर... सिंधुदुर्ग जिल्हयातील खांबाळे गावाचे चित्र कोरडवाहू विकास कार्यक्रमानंतर पालटू लागले आहे. भातशेती असलेल्या गावात कुकूटपालन, गांडूळखत, भाजीपाला लागवड आणि दुग्धव्यवसाय बाळसे धरीत आहेत. गावातील तरूणांना शेतीपूरक व्यवसायातून स्वयंरोजगार उपलब्ध झाला आहे. पुण्याच्या इतर बातम्या वाचण्यासाठी येथे- क्लिक करा सिंधुदुर्ग जिल्हयातील खांबाळे गाव हे वैभववाडी-फोंडा राज्यमार्गावरील गाव आहे. लोकसंख्या सुमारे एकहजार ६०८ आहे. गावात गांगो आणि भैरी असे दोन तलाव आहेत. पिण्याच्या पाण्याकरीता तीन नळपाणी पुरवठा योजना आहेत. भात हेच गावचे प्रमुख पीक आहे. बहुतांशी शेतकरी खरीपात भातशेती तर काहीजण भातासोबत भुईमुगाचीही लागवड करतात. गेल्या काही वर्षात तरूणांनी शेतीची सूत्रे हाती घेतली आहेत. यांत्रिकीकरणावर त्यांनी भर दिला आहे. काजू लागवडीला त्यांनी प्राधान्य दिले आहे. त्यातून चार-पाच वर्षात गावातील काजू लागवडीखालील क्षेत्र दोनशे हेक्टरच्या जवळपास पोचले आहे. आंबा, बांबू लागवडीवरही भर आहे. जगभरातील इतर बातम्यांसाठी येथे क्लिक करा कोरडवाहू क्षेत्र विकास कार्यक्रम आरोग्य, शिक्षण, पाणीव्यवस्थापन, स्वच्छता या उपक्रमांमध्ये आघाडीवर असलेल्या या गावाने २०१८-१९ या आर्थिक वर्षात कृषी विभागाचा कोरडवाहू क्षेत्र विकास कार्यक्रम राबविला. सांघिक पध्दतीच्या या उपक्रमाद्वारे ५० तरूणांनी कुकूटपालन सुरू केले. पंधरा जणांनी गांडुळखत युनिट तर काहींनी दुग्धव्यवसाय सुरू केला. प्रकल्पांतर्गत तीन शेतघरे बांधण्यात आली. सुमारे ७५ हून अधिक तरूण प्रकल्पाशी जोडले गेले. त्या माध्यमातून स्वंयरोजगार निर्माण झाला. आत्तापर्यंत भातशेतीच होत असलेल्या गावाचे चित्र पालटले आहे. गावात जागोजागी कुकूटपालन शेडस दिसून येतात. प्रत्येकाने वर्षभरात या व्यवसायातुन सुमारे एक ते दोन लाख रूपयांचे उत्पन्न मिळविले आहे. परिसरातील ग्राहक कोंबडी खरेदीसाठी गावात येतात. भाजीपाला शेतीत आघाडी काही तरूणांनी भाजीला पिकांवर लक्ष केंद्रित केले. लॉकडाऊन कालावधीत त्यांनी उत्पादीत केलेल्या भाजीपाल्याची स्थानिक पातळीवरच चांगल्या दराने विक्री झाली आहे. गावात बचत गटाची संख्याही मोठी आहे. काही गट कुळीथ, त्याचे पीठ, नाचणी, त्याचे पापड, तांदळांचे पापड, देशी तांदूळ, कणगर, सुरण यांची विक्री करतात. बचत गटांचा ग्रामसेवा संघ स्थापन करण्यात आला आहे. त्या माध्यमातून कृषी प्रदर्शनामध्ये आपल्या उत्पादनांचे स्टॉल मांडले जातात. गावातील प्रयोगशील शेतकरी मंगेश कदम यांनी ग्रीनहाऊसमध्ये टॉमेटो व मिरची लागवड केली. त्यानतंर दीड एकरांत मल्चिंग, ठिबक सिंचनाचा वापर करून कलिंगड लागवड केली. त्यानंतर त्याच जागेत भेंडी लागवड केली. त्यातून चांगला नफा झाला. कलिंगड व टॉमेटोतून एकूण सुमारे ६० हजार रूपये नफा मिळविला. एक मेपासून भेंडीचे उत्पादन सुरू झाले आहे. लॉकडाऊनमुळे त्यांच्या सर्व मालाला स्थानिक पातळीवरच उठाव मिळाला. शेतीतून मिळालेल्या पैशांतूनच विविध प्रयोग त्यांनी यशस्वी केले आहेत. कारली,दोडका, काकडी अशी पिके घेतली आहेत. शेतीतील उत्पन्नातून मुलीला उच्चशिक्षण दिले आहे. गायकवाड यांची प्रगतीशील शेती गावातील प्रवीण गायकवाड यांनी गांडुळखताचा प्रकल्प सुरू केला आहे. वीस गुंठ्यात मल्चिंग, ठिबक सिंचनाचा वापर करीत जानेवारीमध्ये वांगी लागवड केली. आतापर्यत पाच टनांहून अधिक मालाची विक्री केली आहे. लॉकडाऊनमध्ये त्यांना घाऊक दर किलोला २० रूपये तर किरकोळ विक्रीला ४० रूपये दर मिळाला. लागवडीसाठी ५० हजार रूपये खर्च आला. आत्तापर्यत २० गुंठ्यातून ७५ हजार रूपये उत्पन्न मिळाले आहे. अजुन चार ते पाच महिने उत्पादन मिळेल. सात ते आठ टन गांडूळळखत निर्मिती केली आहे. कुकूटपालनातील अनुभव गावातील लवु पवार सांगतात मी रिक्षाचालक असून भातशेतीदेखील करीत होतो. कोरडवाहु प्रकल्पांतर्गत कुकूटटपालन व्यवसाय सुरू केला. वर्षभरात सहा बॅचची वाढ करून स्वतःच विक्री केल्यामुळे १७० ते ४०० रूपये प्रति कोंबड्याला दर मिळाला. प्रति बॅचमधून सरासरी ७६ हजार रूपये मिळाले. प्रत्येक बॅचला ३५ हजार रूपये खर्च आला. सहा बॅचचा सर्व खर्च जाऊन हाती एक लाख ३३ हजार, ५०० रूपये निव्वळ नफा झाला आहे. या व्यवसायात वाढ करण्याचा प्रयत्न आहे. गणेश पवार यांनी देखील आपल्याला कुकूटपालनातून हमखास स्वंयरोजगार मिळाला असल्याचे सांगीतले. प्रति बॅच ३०० कोंबड्यांची त्यांनी घेतली आहे. यांत्रिकीकरणाकडे वाटचाल शासनाच्या कृषी यांत्रिकीकरण योजनेचा गावातील अऩेकांनी लाभ घेतला आहे. गावातील पॉवर टिलर, पॉवर विडर यांची संख्या १०० च्या वर पोचली आहे. फवारणी पंप खरेदीचे प्रमाणही वाढले आहे. गावाला मिळालेले पुरस्कार -निर्मल ग्राम, तंटामुक्त अभियान, पर्यावरण संतुलित समृध्दी पुऱस्कार, शाहू,- फुले- आंबेडकर स्वच्छता वस्ती, संत गाडगेबाबा स्वच्छता अभियान तालुक्यात प्रथम क्रमांक सन २०१८-१९ मध्ये खांबाळे गावात राबवलेला कोरडवाहू क्षेत्र विकास कार्यक्रम ५६ लाखांचा होता. यात लाभार्थ्यांना ५० टक्के अनुदान होते. त्याअंतर्गत ५० कुकूटपालन, १५ गांडूळखत, ४ दुग्धव्यवसाय युनिटस तर तीन पॅकहाऊस उभारण्यात आली. गावाने प्रकल्प अतिशय उत्तमपणे राबविला असून अन्य गावांसाठी तो दिशादर्शक ठरत आहे. अमोल आगवान, तालुका कृषी अधिकारी, वैभववाडी शेतीतील यांत्रिकीकरण, फळबाग, बांबू लागवडीवर गावचा भर आहे. शेती व पूरक व्यवसायांच्या आधारे गावच्या विकासाचा आलेख वर्षागणिक वाढत आहे. अर्थ आयोगातील निधीसोबत, डोंगरीविकास तसेच खासदार निधी, जिल्हा नियोजन यासह मोठ्या प्रमाणात निधी गावच्या विकासकामांसाठी प्राप्त झाला. ग्रामपंचायत इमारतही नव्याने बांधण्यात आली. मंगेश लोके, पंचायत समिती सदस्य, खांबाळे संपर्क- प्रवीण गायकवाड- ९४०३३६७१२२ (कोरडवाहू विकास प्रकल्प) News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/3bXMi9I

Read more No comments:

सकाळ latest updates

उघड दार देवा आता... ‘कोरोना’ने माणसाच्या मनात भीती, संशय व संभ्रम निर्माण केला आहे. त्याजागी सकारात्मकता वाढवावी लागेल, तरच त्याची प्रतिकारशक्ती वाढेल. त्यासाठी मंदिरांचे दरवाजे उघडायला हवेत. माणसाची श्रद्धाच त्याला कणखर बनवेल. कोरोनाच्या भीतीमुळे जगाचे सर्व व्यवहार ठप्प झाले. काही देशांनी पुन्हा व्यवहार सुरू केले, पण तेथे पुन्हा रोग होणाऱ्यांची संख्या वाढल्यामुळे ते देश पुन्हा संकटात सापडलेले दिसत आहेत. जगाचे सर्व व्यवहार ठप्प झाल्यामुळे नवे मोठे आर्थिक संकट उभे राहिले. ज्यांचे पोट हातावर अवलंबून आहे त्यांना तर पुढे काय करावे हे सुचेनासे झाले. अशा प्रकारे भीतीच्या व प्रत्यक्ष अडचणींच्या चक्रव्यूहात माणूस अडकला आहे. अशा वेळी माणसाला शांत राहणे आवश्‍यक आहे. या सर्वांवर जर काही उत्तर असेल तर ते उत्तर आहे विश्वास, श्रद्धा. मी बरा होईन, कोणीतरी मला बरे करेल ही श्रद्धा हवी. पुण्याच्या इतर बातम्या वाचण्यासाठी येथे क्लिक करा करोनाच्या भीतीवर उपाय काय? तर एका पाठोपाठ एक असे पहिला, दुसरा, तिसरा, चौथा लॉकडाउन, त्यात पुन्हा कंटेंटमेंट झोन, रेड झोन, ऑरेंज झोन, ग्रीन झोन हे सगळे चालले असले, तरी त्यातून आपण कुठेतरी योग्य ठिकाणी पोहोचतो आहोत, असे वाटत नाही. समुद्रात पडलेला एखादा मनुष्य पोहून किनाऱ्यावर येण्याची खूप धडपड करत असला, त्याने कितीही हातपाय हलवले तरी तो जगणार आहे की नाही, हे कळत नाही. अशा वेळी माणसे काय करतात? तर अशा वेळी माणसे देवावर विश्वास ठेवतात. मोठे अधिकारी, मोठे वैज्ञानिक, देशाचे पुढारी, ‘नोबेल’ मिळालेल्या व्यक्ती यांच्यावर समाजाचा विश्वास असतोच; परंतु कोणत्याही मनुष्यावर १०० टक्के विश्वास ठेवता येत नाही. म्हणून माणूस देवावर विश्वास ठेवतो. देव हा समोर नसल्यामुळे आणि देवाची स्वीकृती श्रद्धेने घेतलेली असल्यामुळे देव आहे, ही लोकांची श्रद्धा असते. अशी श्रद्धा प्रगत देशांमध्येही आढळून येते. मी तर म्हणेन, की ज्या देशांनी देवावर जास्त श्रद्धा ठेवली तेच देश प्रगत आहेत. ताज्या बातम्यांसाठी डाऊनलोड करा ई-सकाळचे ऍप आत्तापर्यत माझा वैयक्तिक अनुभव असा आहे, की माणसाचा देवावरचा विश्वास व श्रद्धा वाढविण्यासाठी, जी काही स्तोत्रे, मंत्र लोकांपर्यंत पोहोचविण्याच्या हेतूने ‘यूट्यूब’सारख्या सोशल मीडियावर टाकले तर त्यांना जास्तीत जास्त प्रतिसाद मिळालेला आहे. संकटाच्या वेळी श्रद्धा वाढवणे आवश्‍यक असते आणि श्रद्धा वाढविण्यासाठी दर्शनासाठी देव समोर असावा लागतो. देवाच्या उपासनेसाठी काही पूजा-अर्चा बांधलेली असते. अशा दैनंदिन प्रार्थना मनुष्याला करू न देणे यात कुठला फायदा होणार आहे, हे लक्षात येत नाही. दारू वाईट आहे असे नव्हे; पण दारूची दुकाने उघडू शकतात, दारूची घरपोच डिलिव्हरी होऊ शकते, तर मनुष्याला देवदर्शनापासून वंचित ठेवण्यात काय उद्देश असावा? अन्नधान्य, भाजीपाला वगैरे सर्व मिळते आहे; पण मनुष्याची भीती संपली आहे का? आम्ही कुठेही, कसेही बाहेर जाऊ असे वागण्याची मनुष्याची ताकद आहे का? प्रत्येकजण काळजी घेतोच. अविचारी किंवा काही अन्य हेतू असणारे रस्त्यांवर मुद्दाम गर्दी करत असतील; परंतु सर्वसामान्य मनुष्याला रोगाची भीती आहे व तो सावधानपूर्वकच वागतो. आज सर्व प्रकारचे कारखाने बंद झालेले आहेत. जगातून पैसा नष्ट होतो आहे, असे दिसते आहे. पावसाळा तोंडावर आला आहे. भूकंप, चक्रीवादळे, आगी लागणे वगैरे पाहिले तर निसर्गाचा कहर होताना दिसतो आहे. या परिस्थितीत आज मनुष्याला आधाराची मोठी गरज आहे. ‘मी तुझ्या पाठीशी आहे, मी तुझ्याबरोबर आहे’, हा देवाचा हात मनुष्याला का मिळू नये? सर्व मंदिरे बंद ठेवायचे काय कारण आहे? मंदिरांमध्ये सोशल डिस्टन्सिंग ठेवून ५-५ लोकांना दर्शन घेता येणार नाही का? आपण लोकांना रांगेत उभे करू शकतो, शिस्त मोडणाऱ्यांवर कारवाई करू शकतो. पोलिसांच्या पहाऱ्याखाली दर्शन घेण्यात लोकांना काही अडचण असायचे कारण नाही. रोज सगळी मंदिरे उघडली तरी काही बिघडू नये; पण हवे तर श्रीरामांचे मंदिर रविवारी किंवा मंगळवारी, श्रीमहादेवांचे सोमवारी, श्रीकृष्णांचे बुधवारी, श्रीदत्तात्रेयांचे गुरुवारी, श्रीलक्ष्मीचे शुक्रवारी, श्रीहनुमंतांचे व श्री शनिदेवांचे शनिवारी उघडता येणार नाही का? देवाचे दर्शन झाले तर लोकांचे मन स्थिर व्हायला मदत होईल. पांडुरंगाचे दर्शन घेण्यासाठी लाखो माणसे अनेक मैल पायी चालत जातात, पांडुरंग आमच्या पाठीशी आहे अशी धारण दृढ होते. या पांडुरंगाला कोंडून ठेवण्याने काय मिळणार आहे? घरात छोटी पूजा करायची असली, तर सोशल डिस्टन्सिंग पाळून गुरुजी पूजा सांगू शकतील. कुठेही सत्संग करायचा नाही, असे सगळे नियम करण्याची काय गरज आहे? लोकांच्या मनावरील ताण कमी करण्यासाठी असलेल्या सर्वच गोष्टींवर बंदी आणली तर कसे चालेल? लोकांच्या मनावरील ओझे कमी होईल तेव्हा त्यांची आत्मशक्ती वाढेल आणि त्यातून कोरोनारूपी युद्ध जिंकण्यासाठी आत्मविश्वास वाढेल. कोरोनासारखी एक मोठी महामारी, ज्याला आपण जागतिक रोग म्हणू, कसा प्रकट झाला? बघता बघता हा रोग सर्व जगभर पसरला. त्यातून उत्पन्न झाली भीती. जागतिक आरोग्य संस्था ही सर्वांत मोठी संस्था आहे, तसेच प्रत्येक देशात संशोधन करणाऱ्या मोठ्या-मोठ्या प्रयोगशाळा आहेत. तेथे अनेक सक्षम वैज्ञानिक आहेत, हे वैज्ञानिक खूप वर्षांपासून काम करत आहेत. आश्‍चर्याची गोष्ट म्हणजे कोरोनाचा प्रादुर्भाव आढळून आल्यावर आज पाच महिन्यांनंतरही हा रोग काय आहे, तो पसरतो कसा, त्याला आटोक्‍यात कसा आणायचा याचा अंदाज कोणालाही आलेला नाही. रोग्यावर दिसणाऱ्या लक्षणांवरच उपचार केले जातात असे दिसते. लस शोधण्यासाठी, औषधे शोधण्यासाठी आज सगळीकडे धडपड चालू आहे. हजारो वर्षांची परंपरा असलेल्या व अजूनपर्यंत व्यवहारात असलेल्या भारतातील आयुर्वेदाचा मात्र समावेश झालेला दिसत नाही. ज्याची प्रतिकारशक्ती कमी असते ती व्यक्ती सांसर्गिक रोगाला बळी पडण्याची शक्‍यता अधिक असते. प्रतिकारशक्ती (इम्युनिटी) वाढवणे आवश्‍यक आहे हे नक्की. पण सध्या सर्वत्र संभ्रमावस्था व संशय असताना माणसाची प्रतिकारशक्ती कशी वाढेल? प्रतिकारशक्ती वाढण्यासाठी सकस अन्नाची गरज आहे, तसेच बरोबरीने त्याला मानसिक थेरपीचीही गरज असते. योग, ध्यान, मंत्रपठण हे मानसिक उपचार आहेत आणि ते परंपरेने डोक्‍यागत बसलेले आहेत. हे उपचार वैज्ञानिक आहेत की नाही हा मुद्दा नसून हे उपचार माणसाने स्वीकारलेले आहेत. यात कोणी कुणाला फसवत असले तर त्याला पकडता येते. परंतु हे सर्व करण्यापासून मनुष्याला वंचित ठेवण्याचे काय प्रयोजन आहे? असे करून समाजाला जास्त भीतीच्या मार्गाकडे वळविण्याचे काय कारण आहे? भीतीचे पर्यवसान शेवटी प्रतिकारशक्ती कमी होण्यात होते. काही सामाजिक अडचणी असतील, काही प्रशासनिक अडचणी असतील, पण सर्व अडचणींवर मात करता येते. जसे दुकानासमोर रांग लावताना एक एक मीटर अंतरावर माणसांनी उभे राहण्याची व्यवस्था करता येते, बसच्या क्षमतेच्या अर्धी माणसे भरून बस नेता येते, विमानातून येणाऱ्यांना क्वारंटाईन करता येते, तर मंदिरात जाऊन लोकांना देवाचे दर्शन घ्यायचे असले, घरात काही पूजा वगैरे करायची असेल, ज्यामुळे त्यांची मनःशक्ती वाढेल, तर तसे करू द्यायला अडचण नसावी. क्वांटम सायन्सच्या उदयानंतर तरंगशक्तीचे महत्त्व हे भौतिक शक्तीच्या पलीकडचे व महत्त्वाचे असते हे मान्य झालेले आहे. वातावरणात असलेल्या एकूण तरंगशक्तीचा म्हणजे फिल्ड इफेक्‍टचा माणसावर परिणाम होतो, तसेच संस्काराने माणसाची सावधानता वाढून मनुष्य सर्वांना सामावून घेणारा, प्रेमळ व श्रद्धावान होत असतो. आयुर्वेदात गोळ्या, काढे, चूर्ण यांच्याबरोबरीने सुगंध, धूप, मंत्रोच्चार, संगीतसुद्धा उपचार म्हणूनच सुचविलेले असतात. अशा उपचारांची पण आज खरी गरज आहे. भौतिक विज्ञानाच्या पलीकडे असलेली वातावरणाची शक्ती, वातावरणात असलेल्या तरंगांचा परिणाम, विश्वात असणाऱ्या प्रत्येक अणूरेणूंचा, नद्यांचा, झाडांचा, पर्वतांचा परिणाम सर्व वातावरणात असतो. या परिणामांमुळे अनेक गोष्टी घडत असतात, हे सध्या सिद्ध झालेले आहे. यावर आधुनिक विज्ञानही संशोधन करते आहे. अशा वेळी एक सकारात्मक शक्ती, जी शक्ती किड्या-मुंगीपासून मनुष्यापर्यंत सर्वांना जिवंतपणा देते, ती प्राणशक्ती कुठून तरी येत असणारच हे आज मान्य झालेले आहे. मंदिरात सकारात्मकता असल्याचा अनुभव लोकांनी घेतलेला असतो. मंदिरात जाऊन देवासमोर डोके टेकल्यावर मनुष्य समजतो की आता माझ्यावर देवाची कृपा होईल. या श्रद्धेने वारकरी पंढरपूरला जाऊन देवासमोर डोके ठेवतात. काही माणसे वर्षातून एकदा वारीला जातात, तसेच तेथे वर्षभर जाणारेही भक्त असंख्य आहेत. विश्वासाची शक्ती घेऊन ते परत येतात. अशा प्रकारे मंदिरांचा मोठा उपयोग आहे. त्यांचा फायदा घेण्याची आजची ही वेळ आहे. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2XnQnyY

Read more No comments:

आज तक

ज्योति ने चलाई 1200 किलोमीटर साइकिल, घर पहुंची तो मिला फेडरेशन का ऑफर https://ift.tt/3ebcizZ

Latest news updates May 22, 2020 0 Comments

via आज तक

Read more No comments:

सकाळ latest updates

हाँगकाँगवरील पकड चीनने केली घट्ट बीजिंग - हाँगकाँगच्या स्वायत्ततेला धक्का देत चीनने आज या प्रदेशावर नियंत्रण मिळविण्यासाठी वादग्रस्त राष्ट्रीय सुरक्षा कायद्याचा मसुदा त्यांच्या संसदेत सादर केला. चीनच्या राष्ट्रीय सुरक्षेसाठी या विधेयकामध्ये हाँगकाँगसाठी कायदा आणि प्रशासकीय यंत्रणा स्थापन करण्याची तरतूद करण्यात आली असून हे विधेयक नॅशनल पीपल्स काँग्रेससमोर सादर करण्यात आले आहे. ताज्या बातम्यांसाठी डाऊनलोड करा ई-सकाळचे ऍप जगभरातील इतर बातम्यांसाठी येथे क्लिक करा ब्रिटिशांनी त्यांच्या ताब्यात असलेली हाँगकाँग ही वसाहत १९९७ मध्ये चीनकडे हस्तांतरीत केली होती. मात्र, हे हस्तांतर करताना चीनने पन्नास वर्षे हाँगकाँगला स्वायत्तता द्यावी, असा करारही केला होता. मात्र, चीन गेल्या वर्षी पासून हाँगकाँगवर नियंत्रण मिळविण्यासाठी विविध उपाय योजत आहे. मेक्सिकोत नव्या संस्कृतीचा शोध? तब्बल 15 हजार वर्षांपूर्वीचे अवशेष लागले हाती... चीनच्या या कृतीविरोधात हाँगकाँगमध्ये प्रचंड आंदोलनही सुरु झाले होते. सध्या कोरोनामुळे हे आंदोलन काही काळ थंड होते. या संभाव्य कायद्यातील तरतूदीनुसार चीनला हाँगकाँगमधील विविध घटनांवर निर्णय घेण्याचे अधिकार मिळणार आहेत. कोणत्या घटनांना देशद्रोही, फुटीरतावादी ठरवायचे, येथील कोणत्या कारवायांना विदेशी हस्तक्षेप अथवा दहशतवाद म्हणून जाहीर करायचे, हे चीन सरकार निश्‍चित करणार आहे. या कायद्याचा आधार घेऊन चीन सरकारच्या अधिकाराला आव्हान देणाऱ्या घडामोडींचा बंदोबस्त करणे चीन सरकारला सोपे जाणार आहे. हाँगकाँगने असा कायदा करावा, ही चीनची अपेक्षा धुळीला मिळाल्याने चीनने हे पाऊल उचलले. पाकिस्तान विमान अपघात : पायलटने मदतीसाठी साधला होता संपर्क ‘हा हाँगकाँगचा शेवट’ चीनमधील सत्ताधारी कम्युनिस्ट पक्षानेच या कायद्याची शिफारस केली असल्याने ‘रबरस्टँप’ असलेल्या संसदेत हे विधेयक निश्‍चितपणे मंजूर होणार आहे. या नव्या कायद्यामुळे ‘हाँगकाँग’चा शेवट होणार असल्याची भावना येथील लोकशाहीवादी कार्यकर्त्यांनी व्यक्त केली आहे. चीनच्या आक्रमकपणाविरोधात गेल्या वर्षीपासून हाँगकाँगमधील नागरिकांनी प्रचंड निदर्शने सुरु केली आहेत. स्थानिक प्रशासन नागरिकांच्या स्वातंत्र्यावर गदा आणण्याचा प्रयत्न करत असल्याचा दावा करत या महिन्यातही आंदोलकांना रस्त्यावर उतरावे लागले होते. हाँगकाँगमधील काही खासदारांनीही या कायद्याला विरोध केला आहे. चीन सरकारच्या ‘एक देश, दोन प्रशासन’ या धोरणाच्या विरुद्धी ही कृती असल्याचा दावा त्यांनी केला आहे. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2XfnKni

Read more No comments:

सकाळ latest updates

काय म्हणाव यांना.. सवलत दिली की उसळली शॉपिंगसाठी गर्दी नगर ः लॉकडाउनमध्ये जिल्हाधिकारी राहुल द्विवेदी यांनी आजपासून मुख्य बाजारपेठा व कन्टेन्मेंट झोन वगळून नागरिक व दुकानदारांना थोडी सूट दिली. त्यामुळे आज शहरात कन्टेन्मेंट व बफर झोन वगळता सर्व ठिकाणी गर्दी पाहायला मिळाली. रस्त्यावर नागरिक दिसत असले, तरी खरेदी करताना ग्राहक सोशल डिस्टन्सिंगचे कटाक्षाने पालन करताना दिसून आले. लॉकडाउनचे नियम व अटी शिथिल होताच आज सर्व वस्तूंची दुकाने उघडण्यात आल्याने नागरिक मोठ्या प्रमाणात खरेदीसाठी बाहेर पडले. अनेक जण वाहने घेऊन रस्त्यांवर आले. हेही वाचा - चंद्रकांत पाटील यांचे अंगण नेमके कोणते आवश्‍यक वस्तूंच्या खरेदीसाठी ग्राहकांनी दुकानांसमोर रांगा लावल्या होत्या. केशकर्तनालयेही आज उघडल्याने दुपारनंतर तेथे ग्राहकांची संख्या वाढू लागली. नाभिकांनी दुकानांत सोशल डिस्टन्सिंगचे पालन होईल याची दक्षता घेतली होती. दुकानाबाहेरच पाण्याची बादली व हॅन्डवॉश ठेवले होते. शिवाय सॅनिटायझरही हातावर देण्यात येत होते. वीजपंप, वाहने दुरुस्तीची दुकानेही उघडण्यात आली. ग्राहक व दुकानदार दोन्हींमध्येही कोरोनाविषयीची भीती मात्र दिसून आली. त्यामुळे प्रत्येकाच्या तोंडावर मास्क होताच. ग्राहकांनी प्रामुख्याने शेतीविषयक वस्तू, ग्रीन शेडचे कापड, किराणा, कपडे, मिठाई आदींची खरेदी केली. घरातील बंद पडलेली उपकरणे दुरुस्तीला टाकतानाही अनेक जण दिसून आले. खाद्यपदार्थांच्या हातगाड्या, कपड्याची मोठी दुकाने, मुख्य बाजारपेठेतील दुकाने मात्र उघडली नाहीत. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/36oJVM5

Read more No comments:

सकाळ latest updates

परवाने असूनही शिर्डीत शटर डाउनच शिर्डी ः दुकाने उघडण्याची परवानगी दिली, तरीही साईबाबांच्या शिर्डीतील नव्वद टक्के बाजारपेठा बंद आहेत. लॉकडाउनपूर्वी ज्या दुकानमालकांना आपल्या दुकानाचे रोजचे एक ते पाच हजारांपर्यंतचे भाडे मिळायचे. अशा मोक्‍याच्या ठिकाणी शेकडो दुकानांचे कुलूप परवानगी असूनही उघडलेले नाही. दिवसाकाठी लाखोंची उलाढाल करणारी हार, प्रसाद, लॉकेट, फोटो, नाश्‍ता व शीतपेयांची दुकाने ग्राहकांअभावी बंद ठेवणे भाग पडले आहे. भाविक हा येथील एकमेव ग्राहक आहे. तो जोपर्यंत येत नाही, तोपर्यंत येथील बाजारपेठ अशी बंद राहणार आहे. नगरपंचायत कार्यालयातून मिळालेल्या माहितीनुसार, बाजारपेठेत हार, फुले, प्रसाद व भाविकांना विविध वस्तू विकणारी जवळपास एक हजार दुकाने आहेत. फेरीवाल्यांची संख्या त्याहून अधिक आहे. सहाशेहून अधिक हातगाड्या आहेत. त्याद्वारे वर्षाकाठी चाळीस लाख रुपयांचे उत्पन्न मिळत असे. येथील हॉटेल व्यावसायिक कमलाकर यांनी दिलेल्या माहितीनुसार भाविकांना विविध वस्तू विकणाऱ्या एक हजार दुकानांपैकी जवळपास नव्वद टक्के दुकाने भाड्याने देण्यात आली. दुकानमालकांना त्यांच्या एका दुकानापासून रोज एक ते पाच हजारांपर्यंतचे उत्पन्न विनासायास मिळते. हेही वाचा - चंद्रकांत पाटील यांचे अंगण कोणतं काही दुकानांना तर दहा हजार ते वीस हजार रुपये प्रतिदिन एवढे प्रचंड भाडे आहे. बाजारपेठेत एका मागे एक असे दोन-तीन व्यावसायिक वेगवेगळे व्यवसाय करतात. एका दुकानातून मालकांना अशी तिप्पट प्राप्ती होते. भाडे अधिक द्यावे लागते. ते अर्थातच भाविकांकडून वसूल करावे लागते. आता भाविक नसल्याने दुकानदार आणि दुकानमालक या दोघांचीही मोठी कमाई बुडाली. परवानगी असूनही बाजारपेठ बंद ठेवण्याची वेळ आली. सध्या शहरात पंचवीस ते तीस किराणा, पंधरा ते वीस जनरल स्टोअर्स, पन्नास ते साठ बेकरी, मिठाई व पादत्राणांची दुकाने उघडली आहेत. किराणा वगळता अन्य दुकानांत ग्राहकांची वर्दळ जाणवत नाही. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2zWYSJb

Read more No comments:

सकाळ latest updates

‘ॲप’निंग : व्हिडिओ आकर्षक होण्यासाठी... सध्या सोशल मीडियामुळे मोबाईलचा वापर मोठ्या प्रमाणावर वाढला आहे. सोशल मीडियाच्या जगात आपण सतत एकमेकांना व्हिडिओ पाठवत असतो, तसेच नवनीवन व्हिडिओही बनवत असतो. साध्या व्हिडिओलाही एखाद्या नव्या ॲपच्या साह्याने खूप चांगले बनवता येते. हल्ली अनेकजण नवनवीन प्रकारे आपले व्हिडिओ बनवून सोशल मीडियावर शेअर करत असतात. जुन्या फोटोंचा अल्बम बनवणे, तसेच त्याला इफेक्‍ट देऊन वेगवेगळ्या प्रकारे आकर्षक बनवण्याचा प्रयत्न अनेकजण करत असतात. व्हिडिओ एडिटिंगच्या नवनवीन ॲपच्या मदतीने आपण असे छान व्हिडिओ एडिट करू शकतो. ‘फिल्मोरा-गो’ हे अशाच प्रकारचे ॲप आहे. ‘फिल्मोरा-गो’ हे व्हिडिओ एडिट करण्यासाठी वापरण्यात येणारे सर्वसमावेशक ॲप आहे. ताज्या बातम्यांसाठी डाऊनलोड करा ई-सकाळचे ऍप मोबाईलमधून व्हिडिओ क्‍लिप घेऊन आपण छान प्रकारे तो एडिट करू शकतो. या ॲपद्वारे आपण व्हिडिओला फोटो लोगोही जोडू शकतो. हे ॲप एन्ड्रॉईड फोनवर वापरता येते. ‘फिल्मोरा-गो’ हे ॲप ‘प्ले स्टोर’वर उपलब्ध आहे. ‘प्ले स्टोर’वरून हे ॲप डाऊनलोड करून त्याचा वापर करता येतो. आपल्या व्हिडिओ क्‍लिप कितीही वेळाच्या, मोठ्या असल्या तरी या ॲपमुळे त्या एडिट करताना कुठल्याही प्रकारची अडचण येत नाही. आकाराने मोठ्या असणाऱ्या क्‍लिपही आपण अगदी सहज या ॲपच्या मदतीने एडिट करू शकतो. ‘फिल्मोरा-गो’ ॲपचा वापर करून आपण व्हिडिओला वेगवेगळ्या प्रकारचे संगीत देऊ शकतो. वेगवेगळे मजेदार व्हिडिओ बनविण्यात हे ॲप मदत करू शकते. आपण बनवलेले व्हिडिओ या ॲपच्या मदतीने आपण थेट ‘यूट्यूब’, ‘इंस्टाग्राम’, ‘फेसबुक’, ‘व्हॉट्‌सॲप’द्वारे शेअर करू शकतो. ‘फिल्मोरा-गो’ या ॲपचा वापर करून आपण फोटो आणि व्हिडिओ एकत्र करू शकतो. एकप्रकारे आपल्या मोबाईलमध्ये या ॲपच्या साह्याने व्हिडिओ लायब्ररीही आपण तयार करू शकतो. ‘फेसबुक’ किंवा ‘इंस्टाग्राम’सारख्या सोशल नेटवर्किंग साईटवरूनही आपण या ॲपमध्ये थेट व्हिडिओ आणि फोटो घेऊ शकतो. या ॲपमध्ये विविध प्रकारचे टेम्प्लेट असून व्हिडिओसाठी वेगवेगळ्या इफेक्‍टचाही वापर करता येतो. ‘फिल्मोरा-गो’च्या स्टाईलिश थीममधून अशा प्रकारच्या अनेक गोष्टींची निवड आपण करू शकतो. तसेच, आपण आपल्या मोबाईलवरील संगीतही व्हिडिओ एडिटिंगसाठी वापरू शकतो. ‘फिल्मोरा-गो’ ॲपच्या लायब्ररीमधून आपल्याला म्युझिकही ॲड करता येते. या ॲपच्या मदतीने रिव्हर्स व्हिडिओही तयार करता येतात. स्लो-मोशनचे व्हिडिओ तयार करण्याबरोबर, व्हिडिओ झूम आऊट आणि झूम इनचा पर्याय असल्याने व्हिडिओमधील एखाद्या चित्राला ठळक पद्धतीने दाखवता येते. तसेच चित्रपटाप्रमाणे इफेक्‍टही देता येतात. ॲनिमेटेड संदेशही या ॲपच्या मदतीने तयार करता येतात. त्यांच्या अक्षरांचा रंग आणि आकारही आपण बदलू शकतो. तसेच, त्याला शीर्षकही देऊ शकतो. त्याप्रमाणे व्हिडिओचा डुप्लिकेट व्हिडिओ बनविता येतो. व्हिडिओचा आवाज बंद करता येतो. त्याला कुठेही आणि कशाही प्रकारे फिरवू शकतो किंवा हलवू शकतो. हे ॲप आंतराष्ट्रीय स्तरावरील अनेक भाषांनाही सपोर्ट करते. इंग्रजी, जर्मन, इटालियन, तुर्की, जपानी, कोरियन, अरबी, रशियन, पोर्तुगीज, स्पॅनिश, फ्रेंच आणि चिनी इत्यादी भाषांना हे ॲप सपोर्ट करते. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/2ZvC5z4

Read more No comments:

सकाळ latest updates

संतापजनक : प्रेमसंबंधात अडथळा; बारा वर्षीय मुलीला क्रुरतेने संपवले हिंगोली : तालुक्‍यातील नांदूसा येथे प्रेम संबधात अडथळा येत असल्याच्या कारणावरून एका बारा वर्षीय मुलीली क्रुरपणे संपवले. ही घटना गुरवारी (ता. २२ मे) घडली असून या बाबत एका विरुध्द गुन्हा दाखल झाला असून पोलिसांनी आरोपीला ताब्यात घेतले आहे. या बाबत पोलिसांनी दिलेल्या माहितीनुसार हिंगोली तालुक्‍यातील बासंबा पोलिस ठाण्यातंर्गत येणाऱ्या नांदुसा येथे गुरूवारी (ता.२१ मे) बाराच्या दरम्‍यान, शिवाजी कांबळे यांच्या घरी बालाजी उर्फ गोपाल प्रेमदास आडे (रा.नांदुसा) आले. त्यांचे प्रियंका शिवाजी कांबळे हिच्या मोठ्या बहिणीशी प्रेमसंबंध होते. हेही वाचा - औरंगाबाद शिक्षण मंडळाचा महत्त्वपूर्ण निर्णय, कोणता? प्रियंकाचा त्यांना प्रेमसंबंधामध्ये अडथळा येत होता. त्यामुळे बालाजी उर्फ गोपाल याने चिमुकली प्रियंकाला संपवण्याचा कट रचला. त्याने थेट प्रेयसीचे घर गाठून गुरुवारी प्रियंकाची क्रुरतेने हत्या केली. या बाबत शिवाजी कांबळे यांच्या तोंडी फिर्यादीवरून रात्री अकरा वाजता बांसबा पोलिस ठाण्यात गुन्हा दाखल झाला असून आरोपीला ताब्यात घेतले आहे. घटनास्‍थळी पोलीस अधिक्षक योगेशकुमार, अतिरिक्‍त पोलीस अधिक्षक यशवंत काळे, उपविभागीय पोलिस अधिकारी रामेश्वर वैजने, स्‍थानिक गुन्हे शाखेचे सहाय्यक पोलिस निरिक्षक जगदीश भंडारवार, बासंबा पोलिस ठाण्याचे सहाय्यक पोलिस निरिक्षक आर. एच. मलपिल्‍लु यांनी भेट दिली असून याबाबत उपविभागीय पोलिस अधिकारी श्री. वैजने हे पुढील तपास करीत आहेत. वसमत येथे एकाचा मृत्‍यू जमीनीवर पडून डोक्‍याला जबर मार लागल्याने दवाखान्यात उपचारासाठी नेले असता डॉक्‍टरांनी राजू मारोती झुझुर्डे (वय २५) याचा मृत्यू झाल्याचे सांगितले. या बाबत पोलिसांनी दिलेली माहिती अशी; वसमत येथील वडरवाडा भागातील राजू मारोती झुझुर्डे (वय २५) हे गुरुवारी (ता.२१) रात्री आठच्या सुमारास बाहेती जर्दा स्‍टोअर्स यांच्या दुकानासमोर जमिनीवर पडले. येथे क्लिक कराच - आनंद वार्ता : हिंगोलीत आणखी पाच रुग्ण कोरोनामुक्त त्यामुळे त्यांच्या डोक्याच्या मागील बाजूस जबर मार लागला. त्‍यास डॉ. तांबोळी यांच्या दवाखान्यात उपचारासाठी नेले असता त्‍यांनी तो मयत झाल्याचे सांगितले. चिमाबाई झुझुर्डे यांच्या फिर्यादीवरून आकस्‍मात मृत्‍यूची नोंद करण्यात आली असून पुढील तपास पोलिस निरिक्षक उदय खंडेराय हे करीत आहेत. दरम्‍यान, मृत्‍यूचे कारण काही कळू शकले नाही. News Story Feeds https://ift.tt/eA8V8J

Latest news updates May 22, 2020 0 Comments

via News Story Feeds https://ift.tt/3e8nOwb

Read more No comments:

Breaking

Friday, May 22, 2020

कोकण विभागातून ३.१५ लाखांपेक्षा जास्त परप्रांतीय मजूर रवाना

कोरोना मृतदेह अंत्यसंस्कार : मुंबईच्या स्मशानभूमीतले कर्मचारी जे दुःखाचा डोंगर पेलतात

ज्योति ने चलाई 1200 किलोमीटर साइकिल, घर पहुंची तो मिला फेडरेशन का ऑफर https://ift.tt/3ebcizZ

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts