Click Live News Short news on Mobile 2019.....

Sunday, May 3, 2020

सकाळ latest updates

नवीन बॅंक आणि तुम्ही... केंद्र सरकारने एक एप्रिल रोजी सार्वजनिक क्षेत्रातील दहा बॅंकांचे एकत्रीकरण करून त्यातून चार बॅंकांची निर्मिती केली. बॅंकांचे एकत्रीकरण करण्यात आल्यामुळे ग्राहकावर निश्‍चितच परिणाम होणार आहे व त्यासाठी बॅंक ग्राहकाने देखील आवश्‍यक ती पाऊले उचलणे आवश्‍यक आहे. जी बॅंक मुख्य (अँकर) बॅंकेत विलीन झाली आहे त्या बॅंकेच्या ग्राहकावर परिणाम होणार आहे. ताज्या बातम्यांसाठी डाऊनलोड करा ई-सकाळचे ऍप - बॅंकेच्या ग्राहकाने काय करावे किंवा करू नये. 1)ग्राहकाने घाबरून जाऊन सध्याच्या बॅंकेतील खाते बंद करू नये किंवा बॅंकेतील मुदत ठेव (एफडी) मोडू नये. तुमची बॅंक ज्या बॅंकेत विलीन झाली आहे, ती एक सक्षम राष्ट्रीयकृत बॅंक असून ठेवी व बचत खात्यातील शिल्लक रक्कम पूर्णपणे सुरक्षित आहे. 2)तुमची बॅंक ज्या बॅंकेत विलीन झाली आहे त्या बॅंकेचे व्याजदर ( ठेवींचे व कर्जाचे), सेवा शुल्क (सर्व्हिस चार्जेस), लॉकरचे भाडे, क्रेडिट-डेबिट कार्डची वार्षिक फी, विनाशुल्क देऊ करत असलेल्या सेवा, बचत खात्यावर किमान शिल्लक रकमेची अट( मिनिमम बॅलन्स कंडीशन) या बाबी समजून घ्या. 3)ज्या मुख्य बॅंकेत तुमची बॅंक विलीन झाली आहे त्या बॅंकेचा नवीन 'कस्टमर आयडी', खाते क्रमांक, बॅंकेचा 'आयएफसी कोड' दिला जाईल. या खात्यावर तुमचा निवासाचा पत्ता' मोबाईल नंबर, ई-मेल नोंदविला गेला असल्याची खात्री करून घ्या. गरज असल्यास नव्याने नोंदणी करा. जर आपले खाते विलीन झालेल्या दोन बॅंकेत असेल व या दोन्ही बॅंका एकाच बॅंकेत विलीन झाल्या असतील तर या दोन्ही खात्यांसाठी एकच 'कस्टमर आयडी' दिला जाईल. 4)मुख्य बॅंक वेळोवेळी देत असलेल्या सुचनांकडे लक्ष ठेवा. कोणत्याही अफवांवर विश्वास ठेऊ नका या काळात बॅंकेतून बोलतोय असे सांगून खात्याबाबत माहिती मागितली तर कोणत्याही प्रकारची माहिती फोनवर देऊ नका. आलेली मेल बॅंकेकडूनच आली आहे याची खात्री करू घ्या. अन्यथा नवीन बॅंकेला फोन करून अथवा समक्ष जाऊन खात्री करून घ्या. 5)ज्या ठिकाणी 'ईसीएस पेमेंट', 'एसआयपी', 'प्रीमियम पेमेंट', अन्य बिल पेमेंट, शेअर ब्रोकर, 'एनपीएस', इन्शुरन्स कंपनीसाठी आधीच्या बॅंके खात्याचा तपशील दिला असेल या सर्व ठिकाणी तुमचा नवीन बॅंकेचा खात्याचा तपशील (बॅंकेचे नाव, पत्ता, खाते क्रमांक 'आयएफसी कोड' यांची त्वरित माहिती देऊन संबंधित संस्थेकडून तशी पोहोच घ्यावी. या सर्व गोष्टी ऑनलाईन देखील करू शकता. त्यामुळे बॅंकेत न जाता घरबसल्या सगळ्या गोष्टी करा. 6) जुनी बॅंक जर नुकत्याच विलीन झालेल्या मुख्य बॅंकेच्या जवळ असेल तर तुमची बॅंक शाखा बंद होण्याची देखील शक्‍यता असते. याबाबत माहिती घेऊन लॉकर सुविधेबाबत जागरूक राहा. 7) विलीनीकरण झालेल्या बॅंकेच्या शेअरधारकाला बॅंकेचे एकत्रीकरण करताना शेअरचा जो रेशो ठरला असेल त्या प्रमाणात मुख्य बॅंकचे शेअर मिळतील. उदा. जर आपल्याकडे विलीनीकरण झालेल्या बॅंकेचे 100 शेअर असतील आणि शेअर रेशो 'दहास एक शेअर' असा ठरला असेल तर मुख्य बॅंकचे दहा शेअर मिळतील. वरील सर्व बाबींची आवश्‍यक अशी माहिती घेतल्यास तुम्हाला काहीही त्रास होणार नाही. उलट, तुम्ही एका मोठ्या बॅंकेचे ग्राहक झाले असल्याने अधिक सुविधा आणि विस्तारलेल्या नेटवर्कचा फायदा घ्या. एकत्रीकरण झालेल्या बॅंका - मुख्य बॅंक: पंजाब नॅशनल बॅंक (देशातील दुसरी मोठी बॅंक) विलीन झालेल्या बॅंका: ओरिएंटल बॅंक ऑफ कॉमर्स आणि युनायटेड बॅंक ऑफ इंडिया. ------- मुख्य बॅंक: कॅनरा बॅंक (देशातील चौथी मोठी बॅंक), विलीन झालेली बॅंक: सिंडिकेट बॅंक ---------- मुख्य बॅंक: युनियन बॅंक (देशातील पाचवी मोठी बॅंक), विलीन झालेल्या बॅंका: आंध्रा बॅंक आणि कार्पोरेशन बॅंक ---------- मुख्य बॅंक: इंडियन बॅंक (देशातील सातवी मोठी बॅंक), विलीन झालेली बॅंक: अलाहाबाद बॅंक लेखक सर्टिफाईड फायनान्सियल प्लॅनर (सीएफपी) आहेत. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2WragVr

Read more No comments:

घाई : कर्जफेडीची नको : एसआयपीची हवी रिझर्व्ह बॅंकेने तीन महिन्यांचा 'ईएमआय हॉलिडे' देऊ केल्याने सर्वसामान्य कर्जदारांना मोठा दिलासा मिळाला. मात्र सध्या जरी दिलासा मिळाला असला तरी भविष्यात कर्ज भरावे लागणारच आहे. यामुळे आतापासूनच यावर विचार करणे आवश्‍यक आहे. सध्या गृहकर्ज घेतले असेल आणि तुम्ही आधी केलेली गुंतवणुकीची रक्कम, बोनस किंवा इतर कोणत्या मार्गाने अधिकचा पैसा आल्यास तुम्ही काय कराल? हे जर कोरोना संकटाच्या आधी काही आठवडे घडले असेल तर काय, याबद्दल पुढे बोलूया. मात्र, प्रकर्षाने जाणवणारी एक बाब म्हणजे, बहुतांश लोक, विशेषतः नोकरदार वर्ग कायम शक्‍य तेवढ्या लवकर कर्जाचे ओझे कमी करण्याच्या प्रयत्नात असतो. परंतु, गुंतवणुकीतून मिळालेली रक्कम कर्ज फेडण्यासाठी किंवा इतर गुंतवणूक साधनांमध्ये गुंतविल्यास त्याचे फायदे व तोटे जाणून घेणे आवश्‍यक आहे. माहिती न घेता मुदतीआधीच कर्जाची फेड किंवा गुंतवणूक करू नका. कारण आता कोरोना संकटाच्या काळात आपल्या आयुष्यावर होणारा आर्थिक परिणाम आधी बघायला हवा. ताज्या बातम्यांसाठी डाऊनलोड करा ई-सकाळचे ऍप मुदती आधी कर्ज फेडण्याचा निर्णय कोणत्या परिस्थितीत घेऊ नये: मानसिक ताण ः तुम्हाला कायम कर्ज फेडण्याची चिंता सतावत असेल आणि कायम डोक्‍यावर टांगती तलवार आहे, असे वाटत असेल तरी भावनेच्या आहारी किंवा तणाव असताना कधीच आर्थिक निर्णय घेऊ नका. परंतु, याचे फायदे आणि तोटे समजून घेऊन ही उडी घ्यावी. कर सवलती : गृह कर्जाच्या तुम्हाला दोन कर सवलती मिळतात. यातील पहिली म्हणजे तुम्ही कर्जावर भरत असलेल्या व्याजावर आणि दुसरी म्हणजे मूळ रक्कमेवर व्याजावरील सवलत ही कलम 24 (आयबी) अंतर्गत 2 लाखांपर्यंत आणि मूळ रकमेवरील सवलत ही कलम 80 सी अंतर्गत 1.5 लाख रुपयांपर्यंत मिळते. जोडीदार अथवा नातेवाईकांसोबत संयुक्त मालकी असल्यास व्याज सवलतीची मर्यादा 2 लाख रुपये आणि 80 सी सवलत पूर्णपणे घेतली नसेल तर, त्याचाही मोठा फायदा मिळेल. या दोन्ही सवलती एकत्रित केल्यास 3.5 लाख रुपयांवर (व्याज+मूळ रक्कम) तुम्ही 30 टक्के कर (30 टक्के टॅक्‍स स्लॅबमध्ये गृहीत धरून सेस आणि सरचार्जशिवाय) भरता असे गृहित धरल्यास 1.05 लाख रुपयांच्या कराची बचत करता येईल. यामुळे तुमच्या कर सवलती आधी तपासा आणि मगच कर्ज परतफेडीचा विचार करा. कोरोना काळात 'कॅश इज किंग': तुम्हा सर्वांना माहीत आहे, की कोरोना विषाणूचा परिणाम जागतिक अर्थव्यवस्थेबरोबरच आपली नोकरी अथवा व्यवसायातून मिळणाऱ्या उत्पन्नावर होणार आहे. तुमच्याकडे अधिकचा पैसा असेल किंवा गुंतवणुकीतून मिळालेला एकरकमी पैसा असेल तर, कर्जाची मुदती आधीच पूर्ण परतफेड करण्याची घाई करू नका. कारण पुढील काळात तुमच्याकडील पैशाचा ओघ कमी झाल्यास ही रक्कम वापरता येईल. त्यामुळे सध्याच्या काळात 'ईएमआय' नियमितपणे भरा आणि रोख जवळ ठेवा. कारण मुदती आधीच कर्ज भरण्याची घाई संकटात नेऊ शकते. अधिकचा पैसा गुंतवता येईल का? किंवा म्युच्युअल फंडाचा पर्याय योग्य आहे? : होय, तुम्ही अधिकचा पैसा म्युच्युअल फंडातील 'एसआयपी' कायम ठेवण्यासाठी वापरू शकता. 'एसआयपी' कायम ठेवणे हे योग्य आहे, कारण रुपयातील चढउतारामुळे सरासरी फायदा मिळतो आणि बाजारातील अस्थिरतेवरही मात करता येते. मात्र, तुमची जोखीम आणि 'ऍसेट ऍलोकेशन' पाहूनच हे करा. 'गृहकर्जाच्या ईएमआय'ची चिंता सतावत असेल तर, म्युच्युअल फंड 'एसआयपी'मध्ये गृहकर्जाच्या मूळ रकमेच्या केवळ 0.1 टक्के रक्कम गुंतवून तुम्ही सर्व व्याज भरून काढू शकता. तुमच्या गृहकर्जावरील व्याजाच्या तुलनेत अधिक पैसे म्युच्युअल फंड 'एसआयपी'तून मिळू शकतील. म्युच्युअल फंडात नियमितपणे गुंतवणूक केल्यास भविष्यात परताव्याचा माध्यमातून मिळणारी रक्कम ही तुम्ही गृहकर्जावर एकूण जेवढे व्याज भरणार आहात तेवढी असू शकते. सध्या कोरोनामुळे इक्विटी मार्केटला फटका बसला आहे. मात्र भविष्यात ही परिस्थिती बदलेल आणि गुंतवणूकदारांना पुन्हा एकदा चांगला परतावा मिळेल. कर्जाची मूळ रक्कम (रुपयांत) - 50,00,000 ईएमआय (रुपयांत) - 46,934 20 वर्षांत भरला जाणारा एकूण ईएमआय (रुपयांत) - 1,12,64,160 एकूण भरले जाणारे व्याज (रुपयांत) - 62,64,160 कर्जाच्या मूळ रकमेच्या 0.1 टक्के रकमेची एसआयपी सुरू करा एसआयपीसीठी किमान आवश्‍यक रक्कम (रुपयांत) - 5,000 वार्षिक स्टेपअप एसआयपी @ - 10% 20 वर्षांच्या कालावधीतील एकूण गुंतवणूक (रुपयांत) - 34,36,500 20 वर्षांनंतर एकूण एसआयपी गुंतवणूक (रुपयांत) - 99,44,358 भांडवलातील मूल्यवर्धन (रुपयांत) - 65,07,858 (गृह कर्जावरील व्याजापेक्षा अधिक) वरील आकडेवारीत कर परिणाम गृहित धरलेला नाही. एसआयपीतील परताव्याचा दर 12 टक्के आणि एसआयपीतील वार्षिक वाढ 10 टक्के गृहित धरली आहे. वरील तक्‍त्यातील दिलेले आकडेवारी केवळ विषय समजण्यासाठी दिले आहेत. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/35uwOZa

Read more No comments:

सकाळ latest updates

लॉकडाउनमध्ये ९७ टक्के मजूर अन्नापासून वंचित पाटणा - कोरोनाव्हायरसच्या प्रतिबंधासाठी लागू केलेल्या लॉकडाउनच्या ४२ दिवसांमध्ये देशात विविध ठिकाणी अडकलेल्या बिहारमधील स्थलांतरित मजुरांपैकी सुमारे ९७ टक्के मजुरांना अन्न मिळाले नसल्याचा दावा बिहारमधील अन्नाच्या अधिकारासाठी काम करणाऱ्या ‘कोशिश’ या स्वयंसेवी संस्थेने रविवारी केला. संस्थेने पाटण्यात आज यासंबधी अहवाल प्रसिद्ध केला. ताज्या बातम्यांसाठी डाऊनलोड करा ई-सकाळचे ऍप या राज्यांमधील मजुरांचे सर्वेक्षण दिल्ली, महाराष्ट्र (मुंबई), पंजाब, राजस्थान, तमिळनाडू, गुजरात, पश्‍चिम बंगाल, कर्नाटक, हरियाना, झारखंड, उत्तर प्रदेश आदि राज्यांमध्ये अडकडून पडलेल्या २५५ बिहारी मजुरांशी संवाद साधला. लॉकडाउनमध्ये बिहारला परतलेल्या १३१ मजुरांची मुलाखत घेतली. बिहारमध्येच मोलमजुरी करुन पोट भरणाऱ्या १५१ मजुरांकडून सूचना घेतल्या. त्याची माहिती ‘कोशिश’ने अहवाल दिली आहे. पुण्याच्या बातम्या वाचण्यासाठी येथे ► क्लिक करा लॉकडाउनमुळे बिहारी मजुरांचे हाल (संख्या टक्केवारीत) ७५.३ - मजुरीपासून वंचित ५७ - ट्रकमधून घरी परतणारे १४ - बसप्रवास करणारे १० - चालत घरी येणार ८९ - आरोग्य तपासणी झालेले ८८ - एक हजार रुपयांच्या मदतीपासून दूर १६.५ - मोफत धान्याचे लाभार्थी ८९.८ - सरकाराच्या मदतीच्या लाभाविना ५२ - खासगी सावकारांचे कर्जदार संस्थेच्या शिफारशी - बिहारच्या बाहेर अडकलेल्या मजुरांना तातडीने परत आणावे - खबरदारीचा उपाय म्हणून या मजुरांचे गावातील शाळांमध्ये विलगीकरण करावे - लॉकडाउनमध्ये पुढील सहा महिन्यांपर्यंत १० हजार ६८० रुपये दरमहा किंवा मासिक किमान मजुरी यापैकी जे अधिक आहे, तेवढे पैसे द्यावेत बिहार सरकारचा दावा सरकारने स्थलांतरित मजुरांसाठी जाहीर केलेल्या एक हजार रुपयांच्या मदतनिधीसाठी २८ लाख अर्ज आले होते. आत्तापर्यंत साधारण १७ लाख मजुरांच्या खात्यात हे पैसे जमा केले आहेत. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2WpCdfY

Read more No comments:

सकाळ latest updates

कठीण समय येता, "पीपीएफ' कामास येई... कोविड-19 च्या संकटामुळे सगळीकडे लॉकडाउन सुरू आहे. त्यामुळे उद्योग-व्यवहार ठप्प झाले आहेत. बऱ्याच जणांना वेतनकपात, कर्मचारीकपात यासारख्या संकटांना तोंड द्यावे लागत आहे. अशा आणीबाणीच्या प्रसंगी तुमच्याकडे "इमर्जन्सी फंड' नसेल तर "पब्लिक प्रॉव्हिडंट फंड' अर्थात "पीपीएफ'चे खाते आधार देऊ शकते. शिवाय, कोरोनाच्या साथीच्या पार्श्‍वभूमीवर सरकारने या योजनेसाठी काही सवलतीही दिल्या आहेत. यानिमित्ताने "पीपीएफ'च्या काही महत्त्वाच्या मुद्‌द्‌यांवर नजर टाकूया. - नव्या बदलांनुसार, "पीपीएफ'मध्ये सरलेल्या आर्थिक वर्षातील (2019-20) करबचतीची गुंतवणूक 30 जूनपर्यंत करता येणार आहे. ताज्या बातम्यांसाठी डाऊनलोड करा ई-सकाळचे ऍप - 31 मार्च 2020 पर्यंत ज्यांना या खात्यात किमान रक्कम (500 रुपये) भरता आलेली नसेल, त्यांना 30 जूनपर्यंत 50 रुपयांचे दंडशुल्क न देता पैसे भरता येणार आहेत. - "पीपीएफ'मध्ये आता एका आर्थिक वर्षात (दीड लाख रुपयांच्या कमाल मर्यादेपर्यंत) कितीही वेळा पैसे भरता येणार आहेत. पूर्वी जास्तीतजास्त 12 वेळा पैसे भरण्याची मुभा होती. - "पीपीएफ'च्या खात्यात आर्थिक वर्षाच्या प्रारंभीच्या महिन्यांत पैसे भरल्यास जास्तीत जास्त लाभ मिळविता येऊ शकतो. महिन्याच्या पाच तारखेपर्यंत खात्यात पैसे भरल्यास त्या महिन्यापासूनच व्याज सुरू होते. पुण्याच्या बातम्या वाचण्यासाठी येथे ► क्लिक करा - चालू तिमाहीसाठी "पीपीएफ'चा व्याजदर कमी करून 7.1 टक्‍क्‍यांवर आणला असला तरी बॅंकांतील एफडीचे सध्याचे व्याजदर, सुरक्षितता, करबचतीची सवलत आणि करमुक्त व्याज या कारणांमुळे ही योजना अधिक आकर्षक ठरताना दिसते. - मूळ योजना 15 वर्षांची असली तरी त्यापुढे खात्यात पैसे भरणे चालू ठेवून किंवा पैसे न भरताही 5-5 वर्षांसाठी कितीही वेळा मुदत वाढविता येते. - खाते सुरू केल्यानंतर सातव्या आर्थिक वर्षात तुम्हाला पाचव्या आर्थिक वर्षानंतरच्या शिलकी रकमेच्या 50 टक्के रक्कम काढता येते. - खाते सुरू केल्यानंतर तिसऱ्या वर्षापासून सहाव्या वर्षापर्यंत आधीच्या वर्षातील शिल्लक रकमेच्या 25 टक्‍क्‍यांपर्यंत कर्जही मिळू शकते. - या कर्जावर "पीपीएफ'चे सध्याचे व्याज सोडून अतिरिक्त 1 टक्‍क्‍याने व्याज लागू होते. पूर्वी ते 2 टक्के होते. (उदा. 7.1 अधिक 1 टक्का) - सध्याच्या काळात पैशाची गरज असेल तर पर्सनल लोनच्या (व्याजदर ः 12 ते 18 टक्के) तुलनेत असे कर्ज घेणे फायदेशीर ठरू शकते. - म्युच्युअल फंडाचा लाभांशही आता गुंतवणूकदाराच्या हातात करपात्र ठरणार असल्याने, करमुक्त उत्पन्नाची जननी समजल्या जाणाऱ्या "पीपीएफचे महत्त्व वाढले आहे. - या खात्यातील शिल्लक कोणत्याही आदेशानुसार किंवा न्यायालयाच्या "डिक्री'अंतर्गत जप्तीच्या अधीन असत नाही. - हे खाते किमान पंधरा वर्षांसाठी असल्याने मुदतीपूर्वी बंद करता येत नव्हते. आता खातेदाराच्या सहचऱ्याचे, मुलांचे, पालकांचे गंभीर आजारपण किंवा खातेदाराच्या वा खातेदारावर अवलंबून असणाऱ्या मुलांच्या उच्च शिक्षणाच्या शुल्कासाठी; तसेच परदेशातील मान्यताप्राप्त उच्च शिक्षणसंस्थेत प्रवेशनिश्‍चितीच्या खर्चासाठी किंवा निवासी व्यक्ती अनिवासी झाल्यास पाच वर्षांनंतर खाते बंद करून संपूर्ण रक्कम परत घेता येऊ शकते. असे करताना खातेदाराला मिळालेल्या व्याजाच्या एक टक्का व्याज परत करावे लागते. - खाते मुदतपूर्व वा मुदतपूर्तीनंतर बंद झाल्यास नवे खाते उघडण्याचा पर्याय आता उपलब्ध करण्यात आला आहे. - हिंदू अविभक्त कुटुंब (एचयूएफ) तसेच अनिवासी भारतीयांना (एनआरआय) "पीपीएफ'चे खाते उघडता येत नाही. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2z4aVUz

Read more No comments:

Saturday, May 2, 2020

आज तक

महाराष्ट्र-राजस्थान से घर लौटे मजदूर, शनिवार को रेलवे ने चलाईं 10 ट्रेनें https://ift.tt/2KSU6yz

Latest news updates May 02, 2020 0 Comments

via आज तक

Read more No comments:

आज तक

रामायण में अरुण गोविल को सबसे मुश्किल लगा था ये सीन, हुआ खुलासा https://ift.tt/35oJXDn

Latest news updates May 02, 2020 0 Comments

via आज तक

Read more No comments:

सकाळ latest updates

विदर्भातील हा ‘जिल्हा ग्रीनझोन’मध्ये, म्हणून आता चेकपोस्टवर... कारंजा (जि.वाशीम) : देशांसह राज्यात कोरोनाला आळा घालण्यासाठी शासनाने संचारबंदीचा तिसरा टप्पा घोषित करून लॉकडाऊनचा निर्णय घेतला आहे. कोरोनाच्या या काळात प्रशासनाने विशेष काळजी घेतल्याने तालुका कोरोनामुक्त असून, जिल्हा सुद्धा ग्रीन झोनमध्ये आहे. सद्यपरिस्थितीत शासनाने परराज्यात व परजिल्ह्यात अडकून पडलेल्यांना आपल्या गावी जाण्यासाठी मुभा दिली असल्याने कारंजा तालुक्यात येणाऱ्या नागरिकांची गर्दी वाढणार असल्याची बाब लक्षात घेऊन त्यांची थेट चेकपोस्ट वरच डॉक्टर्स मार्फत तपासणी करून त्यांना तालुक्यात प्रवेश देण्यात येणार आहेत. याकरिता, तहसील प्रशासनाच्या वतीने चेकपोस्टवर डॉक्टरांची टीम तैनात करण्यात आली आहे. आवश्‍यक वाचा - बापरे! या धरणाला लागली गळती; भिंतीलाही गेले तडे...मग कारण बनतील खेकडे ग्रामीण भागात खेर्डा, ढंगारखेड, सोमठाणा, दोनद व महागाव या 5 ठिकाणी पोलिस चेकपोस्टवर 20 डॉक्टरांची नियुक्ती तहसीलदार यांच्या आदेशानुसार करण्यात आली आहे. नेमणूक केलेल्या या डॉक्टरांना प्रत्येकी 6 तास म्हणजेच 24 तास 4 डॉक्टर याठिकाणी, तैनात राहणार आहे. यात खेर्डा चेकपोस्टवर डॉ. अरुण ढवक, डॉ. गोवर्धन ढगे, डॉ. गजानन मुंदे व डॉ. प्रवीण जाजू, ढंगारखेड येथे डॉ. भूषण अलमवार, डॉ. प्रकाश अजमिरे, डॉ. दत्ता भेराणे व डॉ. विजू कडू , सोमठाणा येथे डॉ. मोहन फुलमाळी, डॉ. सुदाम राठोड, डॉ. अविनाश मनवर व डॉ. किरण झडपे, दोनद येथे डॉ. मुकुंद देशमुख, डॉ. विष्णू दहापुत, डॉ. न. प. चौधरी, डॉ. गजानन भेंडे तर महागाव या चेकपोस्टवर डॉ. विशाल उपाध्ये, डॉ. पिरालाल राठोड, डॉ. मंगेश मसणे व डॉ. मोहन धाडवे यांची नेमणूक केली आहे. हेही वाचा - ‘त्यांनी’ आमदारकीचा राजीनामा द्यावा, अन्यथा मी राजकीय सन्यास घेईन! कोण म्हणाले पहा! तहसीलदारांच्या या आदेशाचे उल्लंघन करणाऱ्या डॉक्टर्सवर आपत्ती व्यवस्थापन अधिनियम 2005 मधील कलम 51 नुसार व महाराष्ट्र कोविड उपाययोजना नियम 2020 तसेच साथरोग अधिनियम 1897 नुसार कारवाई करण्यात येईल. तसेच नोंदणी रद्द करण्याकरिता इंडियन मेडिकल कॉन्सिल व आवश्यक त्या सक्षम प्राधिकरणास कळविण्यात येणार असल्याची माहिती तहसील प्रशासनाने दिली. 20 डॉक्टरांची नियुक्ती वाशीम जिल्हा ग्रीन झोन मध्ये असला तरी यापुढे बाहेरील राज्यातून किंवा गावातून येणाऱ्या नागरिकांमधून कोरोना विषाणूंचा फैलाव होऊ नये, यासाठी पाच चेकपोस्टवर 20 डॉक्टरांची नियुक्ती करण्यात आली आहे. हे डॉक्टर्स बाहेरून येणाऱ्या नागरिकांची तपासणी करतील त्यानंतरच त्यांना जिल्ह्यात प्रवेश दिला जाणार आहे. - धीरज मांजरे, तहसीलदार, कारंजा News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/3aSQ2ZK

Read more No comments:

सकाळ latest updates

लहान मुलं आणि कोरोना; ‘युनीसेफ’ने काय दिला इशारा? सविस्तर वाचा न्यूयॉर्क - कोरोनामुळे लॉकडाउन लागू करण्यात आल्यामुळे दक्षिण आशियामधील असंख्य बालकांना लस टोचता आलेली नाही. अजिबात लस न मिळालेल्या किंवा निर्धारीत प्रमाण निम्मेच असलेल्या मुलांच्या आरोग्याबाबत आणीबाणीची परिस्थिती निर्माण होऊ शकते असा इशारा ‘युनीसेफ’ने दिला आहे. भारत, पाकिस्तान आणि अफगाणिस्तानमधील अशा मुलांची संख्या सुमारे ४५ लाख इतकी आहे. जगभरातील कोरोनाच्या घडामोडी वाचण्यासाठी येथे क्लिक करा दृष्टिक्षेपात लस न टोचलेल्या किंवा प्रमाण कमी असलेल्या जगातील मुलांत एक चतुर्थांश प्रमाण दक्षिण आशियाचे भारत, पाकिस्तान, अफगाणिस्तानमधील मुलांचे प्रमाण ९७ टक्के पोलिओची साथ अजूनही असलेले जगात शेवटचे दोन देश ः अफगाणिस्तान, पाकिस्तान बांगलादेश, पाकिस्तान आणि नेपाळमध्ये गोवर, घटसर्प अशा लशींनी प्रतिबंध होणाऱ्या रोगांच्या प्रसाराची उदाहरणे यापूर्वीच दिसली लॉकडानमुळे मुलांना नियमीत लस टोचण्यासाठी आरोग्य केंद्रांवर नेण्यास पालकांची तयारी नाही मुलांना लस टोचली जाते अशी अनेक केंद्र बंद घरोघरी जाऊन लस टोचण्याच्या मोहिमा ठप्प युनीसेफचा इशारा प्रामुख्याने हात धुण्यासह इतर खबरदारी घेतली तर आरोग्य कर्मचाऱ्यांना लसीकरण करण्यात काहीहीच अडथळा असण्याचे कारण नाही. वास्तविक लसीकरण सुरु ठेवणे महत्त्वाचे आहे. कोरोनामुळे मुले गंभीर आजारी पडत नाहीत असे असले तरी नियमीत लस टोचली नाही तर त्यांची प्रकृती धोक्‍यात येऊ शकते. अशावेळी लवकर कृती करणे महत्त्वाचे ठरेल. लसीकरण मोहीम जेथे लांबणीवर टाकली आहे तेथे कोरोना साथ आटोक्‍यात येताच हा उपक्रम मोठ्या प्रमाणावर राबवावा. बालकांना लस न देण्याच्या परिणामांची आम्हाला तीव्र चिंता वाटते. - जीन गॉफ, संचालक, विभागीय संचालक जगभरातील कोरोनाच्या घडामोडी वाचण्यासाठी येथे क्लिक करा कडाउनमुळे प्रवासावर निर्बंध असून विमानेही रद्द झाली आहेत. परिणामी लशींची पुरवठा साखळी विस्कळीत झाली आहे. मुळात उत्पादनही विस्कळीत झाले आहे. त्यामुळे लशींच्या तुटवड्याचे प्रमाण वाढले आहे. - पॉल रुटर, युनिसेफचे विभागीय आरोग्य सल्लागार कुठे काय ठप्प 1) दक्षिण आशियामध्ये अनेक ठिकाणी राष्ट्रीय सामुहिक लसीकरण मोहिम लांबणीवर 2) बांगलादेश, नेपाळमध्ये गोवर आणि रुबेला लसीकरण पुढे ढकलले 3) पाकिस्तान, अफगाणिस्तानमध्ये पोलिओ निर्मुलन मोहिम लांबणीवर News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/2Sut0Ch

Read more No comments:

सकाळ latest updates

कोरोनाचे संकट दूर होऊ दे, सर्वधर्मियांचे ग्रामदैवताला साकडे केसरजवळगा (जि. उस्मानाबाद) : जगभरात थैमान घातलेल्या कोरोनाचे रुग्ण देशातही दिवसेंदिवस वाढत आहे. आपण, आपले स्वकीय अन्‌ गावकरी कोरोनाला बळी पडू नये यासाठी प्रशासनाने सुचविलेल्या उपाययोजनांचे प्रत्येक जण काटेकोरपणे पालन करीत आहेत. केसरजवळगातील सर्वधर्मियांनी शनिवारी (ता. दोन) एक दिवस उपवास करुन सायंकाळी दिवे लावून आपले गाव अन्‌ देशावरील कोरोनाचे संकट दूर होऊ दे, असे साकडे ग्रामदैवत हनुमानाला घातले. उस्मानालगतच्या सोलापूर, लातूर, गुलबर्गा व बिदर (कर्नाटक) या चारही जिल्ह्यांत कोरोनाचा संसर्ग वाढला आहे. सुरवातीला चीनच्या वुहानमध्ये आढळलेला कोरोना आता आपल्या जिल्हयाच्या सीमेवर पोचल्याने नागरिकांत भीतीचे वातावरण आहे. बहुतांश नागरिक सतर्क झाले असून, सोशल डिस्टन्सिंगचे पालन करीत आहेत. हेही वाचा : सकारात्मक राहा... हेही दिवस निघून जातील गावच्या सीमा सील करीत गावकऱ्यांनी रस्ताच अनेक ठिकाणी जेसीबीच्या सहाय्याने खोदला आहे. मात्र तरीही कधीही अन्‌ कोणत्याही मार्गाने कोरोनाचा गावात शिरकाव होईल, याचा नेम नाही. सध्या उस्मानालगतचे सोलापूर, बिदर व गुलबर्गा हे जिल्हे रेड झोनमध्ये आहेत. सोलापूर व गुलबर्गा जिल्ह्याच्या सीमा हाकेच्या अंतरावर असून, छुपे मार्गही अनेक आहेत. जिल्ह्याच्या सीमा सहजपणे छुप्या मार्गाने नागरिक पार करु शकतात. त्यामुळे गाव परिसरात केव्हाही कोरोनाचा शिरकाव होऊ शकतो, अशी भीती केसरजवळगाकरांना भेडसावत आहे. गावापासून अवघ्या २० किलोमीटरवर आळंदची (कर्नाटक) मोठी बाजारपेठ आहे. या गावाला जाण्यासाठी चार रस्ते असून दोन मुख्य व दोन कच्चे रस्ते आहे. आळंदमध्ये दोन रुग्ण आढळले होते. त्यापैकी एकाचा मृत्यू झाला आहे. तर एकावर उपचार सुरु आहेत. तेथुन गुलबर्गा ४० किलोमीटरवर आहे. हे शहर हॉटस्पॉट असल्याने सीमावर्ती भागातील गावांना कोरोनाचा धोका अधिक आहे. याच भीतीने गावातील सर्वधर्मिय नागरिकांनी शनिवारी एक दिवसाचा उपवास करुन सायंकाळी दिवे लावून ग्रामदैवत हनुमानाला कोरोनापासून संरक्षणासाठी प्रार्थना केली. यासाठी मंदिर समिती व मस्जिदकडून नागरिकांना आवाहन करण्यात आले होते. या आवाहनाच प्रतिसाद देत ग्रामस्थांनी उपवास करुन घरातच दिवे लावून ग्रामदैवतांला देशाला कोरोनामुक्त करा, असे साकडे घातले. News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/2VV1csF

Read more No comments:

सकाळ latest updates

अमेरिका झाली, आता रशिया, पाकिस्तानमधील परिस्थिती बिघडली न्यूयॉर्क - अमेरिका आणि अन्य बड्या युरोपियन देशांतील कोरोना विषाणूचा उद्रेक आता नियंत्रणात आला असतानाच रशिया आणि पाकिस्तानमधील स्थिती आणखी बिकट होऊ लागली आहे. अनेक युरोपियन देशांनी त्यांच्या अर्थचक्राला गती देण्यासाठी उद्योग सुरू करण्याचा निर्णय घेतला आहे. कोरोनाच्या जगभरातील घडामोडी वाचण्यासाठी येथे क्लिक करा पाकला फटका पाकिस्तानमध्ये आणखी १ हजार २९७ लोकांना कोरोनाची बाधा झाली असून येथील एकूण बाधितांचा आकडा लवकरच २० हजारांवर जाऊ शकतो. पाकचे पंतप्रधान इम्रान खान यांनी देशांतील चाचण्या आणखी वाढविण्याचा निर्णय घेतला असून यामुळे बाधितांची संख्या आणखी वाढू शकते. आणखी वाचा - चीनची राजधानी बीजिंगचं चित्र बदलतंय वाचा सविस्तर बातमी मॉस्कोला तडाखा रशियात आज ७ हजार ९३३ जणांना संसर्ग झाला असून एकूण बाधितांची संख्या १ लाख १४ हजार ४३१ वर पोचली आहे. ही आकडेवारी आणखी असण्याची भीती आहे. रशियातील पाच राज्यांना याचा मोठा फटका बसला असून मॉस्कोमध्ये हा संसर्ग उच्चांकी पातळीवर गेला आहे. रशियाचे पंतप्रधान मिखाईल मिशुस्टीन यांना देखील कोरोनाची बाधा झाली असून त्यांना मंत्रीमंडळाच्या बैठका घेणे थांबविले आहे. जागतिक आरोग्य संघटनेनं अमेरिकेशी 'पंगा'; चीनचं तोंडभरून कौतुक चीनला दिलासा चीनमधील संसर्ग घटला असून बीजिंगमध्ये व्यवहार पूर्ववत सुरू झाले आहेत. उत्तर आणि दक्षिण कोरिया सामूहिक संसर्गापासून बचावले असून येथील आर्थिक चक्रे गतिमान होणार आहेत. फ्रान्स, जर्मनी, स्पेनमधील कारखाने कार्यालये पुन्हा सुरू होणार असून येथील संसर्ग कमी झाला आहे. न्यूयॉर्कमधील शाळा बंद अमेरिकेत टेक्सास, दक्षिण कॅरोलिना राज्यांतील हॉटेल दुकाने, उद्योग सुरू होणार असून न्यूयॉर्कचे गव्हर्नर अँड्रयू क्यूओमो यांनी मात्र राज्यातील शाळा आणि महाविद्यालये पुढील वर्षभरासाठी बंद ठेवण्याचा निर्णय घेतला आहे. न्यूयॉर्क हे शहर कोरोनाच्या उद्रेकाचा केंद्रबिंदू असून येथील तीन लाखांपेक्षाही अधिक लोकांना कोरोनाचा संसर्ग झाला असून २३ हजारांपेक्षा अधिक लोक मरण पावले आहेत. जगभरातील कोरोनाच्या बातम्या वाचण्यासाठी येथे क्लिक करा अमेरिकेत ‘एचसीक्यू’चा प्राधान्याने वापर वॉशिंग्टन - कोरोना रुग्णांवर उपचार करताना अमेरिकेतील रुग्णालयांमध्ये हायड्रॉक्सिक्लोरोक्विन (एचसीक्यू) या औषधाचा प्राधान्याने वापर होत असल्याचे ‘एमदेज’ या संस्थेच्या अहवालानुसार समजते. अनेक रुग्णालयांमध्ये प्राधान्याने ‘एचसीक्यू’ आणि नंतर टोसिलायझुमाब या औषधाचा वापर होत आहे. ‘एचसीक्यू’ हे अनेक वर्षांपासून मलेरियाविरुद्ध वापरले जाते. अमेरिकेने भारताकडून हे औषध मोठ्या प्रमाणावर आयात केले आहे. जगभरातील कोरोनाच्या बातम्या वाचण्यासाठी येथे क्लिक करा चीनमध्ये एकच नवा रुग्ण बीजिंग - चीनमध्ये आज दिवसभरात फक्त एकच नवा रुग्ण आढळून आला. चीनमध्ये एकूण ८२,८७५ कोरोनाग्रस्त असून आतापर्यंत ७७,६८५ जणांना उपचारांनंतर घरी सोडण्यात आले आहे. कोरोनाच्या उद्रेकाचे केंद्र असलेल्या वुहान शहरात आणि हे शहर राजधानी असलेल्या हुबेई प्रांतात सलग २८ दिवसांत एकही रुग्ण आढळलेला नाही. व्हेनेझुएलामध्ये तुरुंगात दंगल कॅराकास : घरचे जेवण मिळावे म्हणून गोनार शहरातील तुरुंगात झालेल्या दंगलीत चाळीस जणांचा मृत्यू झाला असून पन्नासहून अधिक जण जखमी झाले आहेत. कैद्यांनी बेकायदा बाळगलेल्या हत्यारांच्या साह्याने सुरक्षा रक्षकांवर हल्ला केला. मृतांपैकी कैदी आणि रक्षकांची संख्या अद्याप समजलेली नाही. News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/2WmlKct

Read more No comments:

सकाळ latest updates

देऊळवाडी येथे दोन गटात हाणामारीत एकाचा मृत्यू : तीन गंभीर उदगीर (जि. लातूर) : देऊळवाडी ता उदगिर येथील शिवारात शनिवारी ता दोन सकाळी दोन गटात म्हणजे सख्ख्या चुलत भावा मध्ये झालेल्या हाणामारीत एकाचा उपचारा दरम्यान मृत्यू तर तीन जण गंभीर जखमी झाल्याची घटना घडली आहे. याबाबत वाढवणा पोलीस ठाण्याचे सहाय्यक पोलीस निरीक्षक बाळासाहेब नरवटे यांनी दिलेली माहिती अशी की शनिवारी (ता.2) सकाळी नऊ ते दहाच्या दरम्यान तळ्यातील माती काढण्याच्या कारणावरून दोन गटात हाणामारी झाली.यात एका गंभीर जखमीचा लातूर येथे उपचारादरम्यान मृत्यू झाला असून उर्वरित जखमींवर येथील धन्वंतरी आयुर्वेद मेडिकल महाविद्यालयाच्या सामान्य रुग्णालयात (शासकीय) उपचार सुरू आहेत. हेही वाचा - महत्त्वाची बातमी : आरोग्य विज्ञान विद्यापीठाच्याही परीक्षा पुढे ढकलल्या यातील मयत रुद्रप्पा बालाजी गताटे (वय-29) यार येथील सामान्य रुग्णालयात जखमी अवस्थेत दाखल करण्यात आले होते दुपारी येथून त्यास लातूरला हलवण्यात आले होते लातूर येथे उपचार सुरू असतानाच त्याचा मृत्यू झाला. मयताच्या बाजूकडील बालाजी गताटे, संगमेश गताटे, सतीश गताटे, दत्ता गताटे हे गंभीर जखमी असून ते सध्या सामान्य रूग्णालयात उपचार घेत आहेत तर आरोपीच्या बाजूकडून राहुल गताटे, सुरज गताटे हे किरकोळ जखमी झाले आहेत. याबाबत गुन्हा दाखल करण्याची प्रक्रिया रात्री उशिरापर्यंत सुरू होती. या दोन गटांमध्ये शेतीच्या वादातून हाणामारी झाली असून काठी कुराड या हत्याराने मारहाण झाली आहे यातील मयताची प्रकृती येथील धन्वंतरी आयुर्वेद मेडिकल महाविद्यालयात दाखल असताना दुपारपर्यंत स्टेबल होती परंतु अचानक खालावत चालल्याने त्यास लातूरला हलवण्यात आले होते लातूर येथे उपचारादरम्यान त्याचा मृत्यू झाल्याची माहिती साहाय्यक पोलीस निरीक्षक श्री नरवटे यांनी सांगितले. हे देखील वाचाच - नववधू-वराचे घरातच ‘सात फेरे’ ऑनलाईन टाकल्या अक्षता,सर्वत्र होतेय कौतुक चुलत भाऊ बनले वैरी... या हाणामारीत दोन्ही गटाचे नागरिक हे चुलत भाऊ आहेत. चुलत भाऊ असतानाही यांनी हानामारी केली असून चुलत भाऊ पक्के वैरी बनले असल्याचे समोर आले आहे. भाऊ असूनही किरकोळ हाणामारी न करता गंभीर हाणामारी करून घेतल्याने सर्वत्र आश्चर्य व्यक्त होत आहे. News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/2SrWW1S

Read more No comments:

सकाळ latest updates

स्पेनमध्ये परिस्थिती बदलली; नागरिकांमध्ये उत्साह संचारला बार्सिलोना - स्पेनमधील नागरीकांना शनिवारी सुमारे सात आठवड्यांच्या खंडानंतर मोकळ्या हवेत फिरता आले. सार्वजनिक ठिकाणी व्यायाम करण्यास मुभा मिळाल्यामुळे सर्वत्र तरुणाईत उत्साह संचारला होता. कोरोनाच्या जगभरातील घडामोडी वाचण्यासाठी येथे क्लिक करा स्पेनमध्ये युरोपमधील देशांत सर्वाधिक कडक निर्बंध लागू करण्यात आले होते. १४ वर्षांखालील घराबाहेर पडण्याची अजिबात परवानगी नसलेला हा एकमेव देश होता, पण गेल्या आठवड्यांत मुलांना बाहेर खेळण्यास तासभर परवानगी देण्यात आली होती. त्यामागेही काही अटी होत्या. आता सुद्धा प्रौढांना परवानगी मिळाली. विविध वयोगटांनुसार वेळा ठरविण्यात आल्या आहेत. सकाळी सहा ते दहा आणि रात्री आठ ते ११ या वेळांत चालण्यास किंवा खेळ खेळण्यास परवानगी आहे. जागतिक आरोग्य संघटनेनं अमेरिकेशी 'पंगा'; चीनचं तोंडभरून कौतुक माद्रिद, बार्सिलोना अशा विविध शहरांतील नागरीकांच्या प्रतिक्रिया उत्स्फूर्त होत्या. माद्रिदमधील सुसाना पिएगो म्हणाली की, आम्ही मुक्त झालो आहोत याचा आनंद वाटतो. जीझस गुटीएरेझ म्हणाला की, शारिरीक आणि मानसिक स्वास्थ्याच्यादृष्टिने लोकांना खेळ खेळू देणे ही मुलभूत गोष्ट आहे. स्पेनमध्ये १४ मार्चपासून केवळ खाद्यपदार्थ किंवा औषधे घेण्यासाठीच बाहेर जाण्याची परवानगी होती. घरून काम करणे शक्‍य नसलेल्यांना बाहेर जाता येत होते. याशिवाय श्वानाला घेऊन बाहेर जाण्यास थोड्या वेळापुरती मुभा होती. या पार्श्वभूमीवर शनिवारी पहाटेपासूनच शेकडो लोक बाहेर पडले होते. अनेक ठिकाणी एरवी शनिवारी असते तसे दृश्‍य होते, मात्र सोशल डिस्टन्सिंग पाळण्यावर भर होता. रस्त्यांवर काही मोटारीही दिसल्या. इतके दिवस लोक आवश्‍यक कामासाठी जेमतेम काही मीटर फिरत होते. आज मात्र क्रीडापटूंसारखे कपडे घालून ते धावत होते, जॉगिंग करीत होते, सायकलिंगही करीत होते. माद्रिदमधील कार्मेन पेरेझ म्हणाल्या की, मला बाहेर पडायचे आहे, कारण आजचा दिवस सुंदर आहे. मला संसर्ग होण्याची थोडी भिती मात्र वाटते आहे. स्वातंत्र्याबद्दल स्वागत! बार्सिलोनात एका कारंज्यापाशी तरुणाने फ्रेडी मर्क्‍युरी आमि माँतसेरात कॅबाले यांची प्रसिद्ध गाणी मोठ्या आवाजात लावली होती. तेथे जवळच एक जाहीराताचा फलक होता, ज्यावर लिहीले होते - स्वातंत्र्याच्या क्षणाबद्दल स्वागत! News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/3aX1SSA

Read more No comments:

सकाळ latest updates

परजिल्ह्यातील लोकांचा ओघ वाढल्याने भितीचे सावट उमरगा (जि. उस्मानाबाद) : येथील कोरोना रूग्णालयात उपचार सुरू असलेल्या तीन कोरोना बाधितांचे अहवाल निगेटिव्ह आल्याने २० एप्रिलला त्यांना घराकडे पाठविण्यात आल्यानंतर दिलासा मिळाला आहे. मात्र ग्रीन झोन असल्याची संधी पाहत गेल्या पंधरा दिवसांपासून घरवापसी करणाऱ्यांची संख्या १८४ गेल्याने उमरगेकरांमध्ये भितीचे वातावरण आहे. उमरगा शहरासह तालुक्यात दोन, तर लोहारा तालुक्यातील एक असे तिघे उपचारानंतर कोरोनामुक्त झाल्याने त्यांना घरी पाठविण्यात आले. जिल्ह्यात सध्या एकही कोरोनाबाधित नसल्याने जिल्हा ग्रीन झोनमध्ये आला. मात्र गेल्या पंधरा दिवसांपासून शहरासह तालुक्यात परराज्य व परजिल्ह्यातून येणाऱ्या लोकांची संख्या वाढल्याने स्थानिक लोक त्यांच्याकडे संशयाच्या पाहत आहेत. हेही वाचा : सकारात्मक राहा... हेही दिवस निघून जातील जिल्हाधिकारी दीपा मुधोळ-मुंढे यांच्या मार्गदर्शनाखाली उपविभागीय अधिकारी विठ्ठल उदमले, तहसीलदार संजय पवार, उपविभागीय पोलिस अधिकारी अनुराधा उदमले, प्रभारी पोलिस निरीक्षक संतोष शेजाळ यांच्यासह गटविकास अधिकारी डॉ. अमित कदम, तालुका आरोग्य अधिकारी डॉ. सुहास साळूंके, पालिकेचे मुख्याधिकारी प्रकाश पाटील यांनी नियोजन करुन बाहेरगावाहून येणाऱ्या लोकांवर नजर ठेवून त्यांना इन्स्टिट्यूशनल क्वारंटाइन केले जात आहे. येथील कोरोना रुग्णालयात गेल्या दिड महिन्यांत शनिवारपर्यंत (ता. दोन) ३७२ जण तपासणीसाठी आले होते. त्यापैकी १८५ जणांचे स्वॅब नमुने तपासणीसाठी पाठविण्यात आले होते. त्यात १८३ जणांची चाचणी निगेटिव्ह आली होती तर दोघे पॉझिटिव्ह आले होते. दरम्यान शासनाच्या नवीन निर्देशानुसार स्वॅब घेतलेल्या व्यक्तींना २८ दिवस तर संशयितांना चौदा दिवस होम क्वारंटाइन करण्याचे बंधन घातलेले आहे. १८४ जण इन्स्टिट्यूशनल क्वारंटाइनमध्ये बाहेरगावाहुन आलेल्या १८४ जणांपैकी ग्रामीण भागातील १५३, तर शहरी भागातील ३१ जणांचा समावेश आहे. त्यांना त्या त्या भागातील जवळील शाळेतील विलगीकरण कक्षात ठेवण्यात आले आहे. तर काही जण शेतात राहत आहेत. २० एप्रिलपासून झालेल्या तपासणीत आठही जणांचे स्वॅब निगेटिव्ह आले आहेत. दरम्यान कोरोना रुग्णालयाशिवाय गुंजोटी मार्गावरील बहुजन हिताय वस्तीगृहात कोरोना केअर युनिट सुरू करण्यात आले असल्याची माहिती वैद्यकीय अधीक्षक डॉ. पंडीत पुरी यांनी दिली. News Story Feeds https://ift.tt/eA8V8J

Latest news updates May 02, 2020 0 Comments

via News Story Feeds https://ift.tt/2yZijR7

Read more No comments:

Breaking

Sunday, May 3, 2020

Saturday, May 2, 2020

महाराष्ट्र-राजस्थान से घर लौटे मजदूर, शनिवार को रेलवे ने चलाईं 10 ट्रेनें https://ift.tt/2KSU6yz

रामायण में अरुण गोविल को सबसे मुश्किल लगा था ये सीन, हुआ खुलासा https://ift.tt/35oJXDn

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts