व्यायाम न करताही वजन कमी करायचे आहे? मग झोपण्यापूर्वी करू नका 'या' सात चुका नागपूर : आजकाल सर्वांनाच फीट अँड स्लीम राहायला आवडते. मात्र, वजन कमी करायचे असेल तर व्यायाम करण्याशिवाय पर्याय नाही हे देखील आपल्याला माहिती आहे. मात्र, कधी व्यायाम करण्याचा कंटाळा येतो, तर कधी व्यग्र जीवनशैलीमुळे आपण व्यायाम करू शकत नाही. त्यामुळे वजन कमी करण्यासाठी इतर काही उपाय आहेत काय? याचा शोध आपल्यापैकी सर्वजण घेत असतात. आपण कितीही व्यग्र असू तरी आपण ६ तास झोपण्यासाठी नक्कीच काढत असतो. तर आपल्याला व्यायाम न करता वजन कमी करायचे असेल तर झोपण्यापूर्वी आपण नियमित करत असलेल्या सात चुका आपल्याला टाळाव्या लागणार आहेत. आज पाहुयात काय आहेत या सात चुका... झोपण्यापूर्वी कोल्ड ड्रिंक्स पिऊ नका - आता उन्हाळ्याचे दिवस आहेत. त्यामुळे अनेकजण झोपण्यापूर्वी कोल्ड ड्रिंक पित असतात. मात्र, हे धोकादायक आहे. याऐवजी जर तुम्ही ३० ग्राम प्रोटीन शेक करून झोपण्यापूर्वी पीत असाल तर अधिक कॅलरीज बर्न होतात. तसेच मांसपेशी देखील भरण्यास मदत होते. हेही वाचा - क्या बात है! आता बॉम्ब निकामी करणार स्वदेशी ‘वॉटरजेट डीसरप्टर'; DRDO चे संशोधक... रात्री हलके जेवण - दिवसभर ४ वेळा जेवणे गरजेचे आहे. मात्र, रात्रीच्या जेवणाचे महत्व काही वेगळेच आहे. रात्री आपण जर पचण्यास जड अन्नाचे सेवन करत असाल तर ते धोकादायक ठरू शकतं. कारण रात्री झोपताना ब्रेन ग्रोथ हार्मोन रिलीज होत असते. याच काळात आपण जास्त जेवण केले तर हे हार्मोन्स फॅट जमा करण्यास मदत करतात. त्यामुळे वजन वाढते. रात्री अल्कोहोल पिऊ नका - अल्कोहोल एका मर्यादेपर्यंत घेतल्यास त्याचा शरीरावर वाईट परिणाम होत नाही. मात्र, अनेकजण मोठ्या प्रमाणात अल्कोहोलचे सेवन करतात. तसेच रात्री अल्कोहोलचे सेवन केल्याने आपल्या शरीरारातील मेटाबॉलिज्म कमी होऊन वजन वाढण्याची शक्यता असता. रात्री जेवणासोबत एक ग्लास वाईन पीत असाल तर शरीरावर वाईट परिणाम होणार नाही. मात्र, यासाठी तुम्हाला झोपण्याच्या तीन तासांपूर्वी जेवण करावे लागेल. झोपताना इलेक्ट्रॉनिक गॅजेटपासून दूर राहा - अनेकांना सवय असते की, झोपताना टीव्ही, म्युझिक किंवा मोबाईल बघत झोपणे. मात्र, याचा आपल्या झोपेवर तीव्र परिणाम होतो. झोपण्याच्या जवळपास १ तासांपूर्वी या सर्व गोष्टी बाजूला करून ठेवणे गरजेचे आहे. त्यामुळे चांगली झोप येते तसेच अनेक आजारांपासून सुटका देखील मिळते. झोपण्यापूर्वी व्यायाम करू नका - अनेक महिला सकाळी ऑफिसला जातात. किंवा घरच्या कामांमुळे अनेकांना वेळ मिळत नाही. त्यामुळे अनेकजण रात्री व्यायाम करण्याचा पर्याय निवडतात. मात्र, यामुळे शरीरावर वाईट परिणाम होतात. तुम्हाला व्यायाम करायचा असेल तर झोपण्याच्या चार तासांपूर्वी करा. तुम्हाला झोप येत नसेल तर व्यायाम करणे हा चांगला उपाय आहे. हेही वाचा - पाणीपुरीत पूर्ण केला शॉर्ट टर्म अभ्यासक्रम; एकाच छताखाली १५ स्वाद; एमबीए झालेल्या... झोपताना लाईट्स बंद करा - झोपताना लाइट्स बंद करू झोपण्याची सवय नसेल तर ही सवय लवकर लावून घ्या. कारण लाइट्स बंद करून झोपल्याने चांगली झोप येत असल्याचे एका संशोधनामधून स्पष्ट झाले आहे. लाइट्स सुरू असेल आणि योग्य झोप झाली नसेल तर शरीरातील ट्राइग्लिसराइड्सचा स्तर वाढते आणि एडिपोनक्टिनचा स्तर कमी होतो. त्यामुळे शरीरातील प्रोटीनचे प्रमाण कमी होते. त्यामुळे शरीरारातील फॅटी अॅसिड वाढते. त्यामुळे मधुमेह होण्याचा धोका असते. एसीचा जास्त वापर करू नका - उन्हाळ्याच्या दिवसांमध्ये अनेकजण शरीराला थंडे ठेवण्यासाठी एसचे तापमान कमी करतात. त्यामुळे आपली रुम तर थंडी होते. मात्र, शरीरातील ब्राऊन एडिपोज टिशूजवर परिणाम करतात. हेच टिशू बेली फॅट कमी करण्यासाठी मदत करतात. एका संशोधनानुसार, जे लोक थंड्या खोलीमध्ये झोपत नाहीत ते जवळपास ७५ टक्के कॅलरीज बर्न करतात. तसेच थंड्या खोलीत झोपणारे व्यक्ती कमी कॅलरीज बर्न करतात. तुम्हाला खरंच वजन कमी करायचे असेल तर या सात सवयी सोडणे गरजेचे आहे. (ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.) Tajya news Feeds https://ift.tt/eA8V8J

via Tajya news Feeds https://ift.tt/3fvtQuB