शि. द. पाटील गट शिक्षक संघ निवडणूक ताकदीने लढणार सांगली : शिक्षक संघाच्या शि.द. पाटील गटाचे धोरणात्मक निर्णय घेण्याची जबाबदारी दिवंगत माजी आमदार शि. द. पाटील त्यांचे नातू धैर्यशील पाटील यांच्यावर सोपवण्यात आली आहे. येलूर येथे झालेल्या बैठकीत हा निर्णय घेण्यात आला. प्राथमिक शिक्षक बॅंक निवडणुकीच्या पार्श्‍वभूमीवर ही बैठक झाली. ही निवडणूक संघ ताकदीने लढेल, असा निर्णय बैठकीत झाला. जिल्हा नेते ग. चि. ठोंबरे यांच्या अध्यक्षतेखाली बैठक झाली. जिल्हा सरचिटणीस अमोल माने यांनी स्वागत केले. संघाचा कामाचा आढावा त्यांनी घेतला. तालुका अध्यक्ष, सरचिटणीस आणि पदाधिकाऱ्यांनी शिक्षक संघाच्या धोरणाविषयी मते मांडली. शि. द. पाटील यांच्या निधनानंतर राज्य प्राथमिक शिक्षक संघ पोरका झाला नाही, त्याची धुरा जिल्ह्यात प्राथमिक शिक्षक असणारे धैर्यशील उर्फ शंभुराजे पाटील यांच्याकडे देण्याचा प्रस्ताव मांडण्यात आला. तो मंजूर करण्यात आल्याने शिक्षक बॅंक निवडणुकीविषयीचे धोरण ते ठरवतील. श्री. पाटील म्हणाले, ""राज्यात अण्णांच्या विचारांची चळवळ मोठ्या प्रमाणात कार्यरत आहे. ती वाढवू. शिक्षक बॅंकेच्या निवडणूकीत सर्वांच्या विचाराने निर्णय घेतले जातील. योग्य आणि ठोस भूमिका घेऊ.'' ग. चि. ठोंबरे म्हणाले, ""धैर्यशील पाटील यांच्यात शिवाजीराव पाटील यांचे अनेक पैलू आहेत.'' जिल्हा कोषाध्यक्ष मारुती देवडकर यांनी आभार मानले. यावेळी पदाधिकारी विजयकुमार चव्हाण, जगन्नाथ कोळपे, सुनीता पाटील, प्रकाश काळोखे, प्रताप गायकवाड, बाळू गायकवाड, राहुल पाटणे, बसाप्पा पुजारी, संजय खरात, यशवंत गोडसे, धनाजी साळुंखे, उत्तम पाटील, सत्यजित यादव, संभाजी ठोंबरे, महेश सावंत आदी उपस्थित होते. संपादन : प्रफुल्ल सुतार News Story Feeds https://ift.tt/eA8V8J

via News Story Feeds https://ift.tt/2Uh6q0o