पुणे विभागात पावणेचार कोटींचा अन्नसाठा जप्त भेसळीच्या संशयावरून पुणे विभागामध्ये ‘एफडीए’ची कारवाई पुणे - सणासुदीच्या पार्श्‍वभूमीवर अन्न व औषध प्रशासनाने (एफडीए) पुणे विभागात तीन कोटी ८७ लाख रुपयांचा अन्नसाठा जप्त केला. कोरोना उद्रेकाच्या पार्श्‍वभूमीवर नागरिकांना स्वच्छ, सुरक्षित आणि निर्भेळ अन्न मिळावे, यासाठी विशेष मोहीम राबविण्यात आली होती. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा पुणे विभागातील सातारा, सांगली, कोल्हापूर आणि सोलापूर जिल्ह्यांमध्ये ऑगस्ट ते नोव्हेंबर दरम्यान विविध खाद्य पदार्थांचे नमुने अन्न व औषध प्रशासनाने विश्‍लेषणासाठी घेतले. त्यात पुणे जिल्ह्यातून भेसळीच्या संशयावरून अन्न पदार्थ जप्तही करण्यात आले. यात खाद्य तेल, तूप, मावा, मिठाई अशा पदार्थांचा समावेश आहे. त्याची बाजारातील किंमत ८१ लाख ८३ हजार २८८ रुपये असल्याची माहिती ‘एफडीए’च्या पुणे विभागाचे सहआयुक्त शिवाजी देसाई यांनी दिली. बारामतीतील वडगावच्या पोलिसांवर फलटणमध्ये आरोपींकडून गोळीबार पुणे विभागातील पाच जिल्ह्यांमधून खाद्य तेलाचा ४७ हजार ३६० लिटरचा साठा जप्त करण्यात आला. त्याची किंमत ९२ लाख ४० हजार ३४९ रुपये होती. तर, एक हजार ३८३ किलो जप्त केलेल्या तुपाची किंमत सहा लाख ९० हजार ९२० रुपये होती. सणासुदीच्या दिवसांमध्ये मिठाईची मोठी मागणी असते. त्यामुळे त्याचेही नमुने घेण्यात आले. त्यात ८८९ किलो किमतीचा एक लाख ३४ हजार ८५० रुपयांचा मिठाईचा साठा जप्त केल्याची माहिती त्यांनी दिली. आईच निघाली सव्वा महिन्याच्या मुलीची मारेकरी देसाई म्हणाले, ‘सणासुदीच्या दिवसात नागरिकांना मिळणाऱ्या पदार्थांचा दर्जा व सुरक्षितता लक्षात घेऊन, ही मोहीम हाती घेण्यात आली होती. अन्न पदार्थ उत्पादकापासून ते विक्रेत्यांपर्यंतच्या सर्व स्तरावर नजीकच्या भविष्यात अशा प्रकारच्या कारवाया सुरू राहतील.’ येथे संपर्क साधा आपण खरेदी केलेल्या अन्नपदार्थाबद्दल काही संशय असल्यास ‘एफडीए’च्या १८००२२२३६५ या टोल फ्री क्रमांकावर संपर्क साधावा, असे आवाहन प्रशासनातर्फे करण्यात आले आहे. Edited By - Prashant Patil News Story Feeds https://ift.tt/eA8V8J - Click Live News Short news on Mobile 2019.....