दीड किलोमीटरसाठी अंतरासाठी रुग्णवाहिका चालकाने घेतले १५०० रुपये पिंपरी - ‘माझ्या आईची चाचणी कोरोना पॉझिटिव्ह आली. तिला नेहरूनगरमधील जम्बो कोविड सेंटरमध्ये दाखल करायचे होते. मी महापालिकेच्या यशवंतराव चव्हाण स्मृती रुग्णालय परिसरात थांबलेल्या रुग्णवाहिका चालकाकडे संपर्क केला. त्यांनी थेट दोन हजार रुपये सांगितले. फार गयावया केल्यावर पाचशे रुपये कमी केले. अशाप्रकारे दीड किलोमीटर अंतरासाठी माझ्याकडून दीड हजार रुपये उकळले... हा अनुभव ‘सकाळ’ला सांगत होते महापालिकेचे गटार कुली कर्मचारी महेश पंचारिया (नाव बदलले आहे). यावरून महापालिकेने भाडेतत्त्वावर घेतलेल्या रुग्णवाहिकांकडून वारेमाप लूट सुरू असल्याचे दिसते. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा तातडीच्या सेवेसाठी महापालिकेच्या वाहन कार्यशाळेमार्फत रुग्ण आणि शववाहिका भाडेतत्त्वावर घेतल्या आहेत. वायसीएम कोविड रुग्णालय असल्याने उपचारासाठी मोठया संख्येने रुग्ण येतात; मात्र ही चालक मंडळी रुग्ण किंवा नातेवाइकांकडून ‘अव्वाच्या सव्वा’ भाडे आकारत आहे. इतके भाडे कसे काय? असे विचारल्यास ऑक्‍सिजन महागल्याचे कारण सांगितले. दोषी आरोपींना एकवीस दिवसात फाशी द्या, केंद्र सरकारने करावा कायदा; कोणी केली मागणी? रुग्ण बरा झाल्यानंतर घरी सोडण्यासाठी किंवा दुसऱ्या रुग्णालयात हलवायचे झाल्यास किंवा मृतदेह घरी नेण्यासाठी रुग्णवाहिकेची मदत घ्यावी लागते. अशावेळी रुग्णाच्या मानसिकतेचा फायदा घेऊन त्याची लूट केली जात आहे. रुग्णवाहिकेमध्ये रुग्ण ठेवताच त्यांचे मीटर सुरू होते. व्हेंटिलेटरसाठी दुसरीकडे घेऊन जायचे असल्यास किंवा बेड उपलब्ध नसेल, तर ऑक्‍सिजन, पीपीई व सॅनिटायझेशनच्या सुविधा असलेल्या या रुग्णवाहिका तीन ते चार किलो मीटर अंतराचे चार ते पाच हजार रुपये घेतात. मेट्रोला हवी वल्लभनगर एसटी आगार व महापालिका भवनातील जागा सावज शोधतात.. या रुग्णवाहिकेच्या चालकांची नजर सावजाचा शोध घेत असते. कुठल्या वॉर्डात किती रुग्ण आहेत, कोणत्या रुग्णांची प्रकृती कशी आहे, याची इत्थंभूत माहिती त्यांच्याकडे असते. नातेवाईक रुग्णालयाबाहेर पडल्यास आपल्यालाच व्यवसाय मिळावा, यासाठी रुग्णांच्या नातेवाइकांशी जवळीक साधली जाते. ही लूट बेबंदपणे सुरू असल्याचे आढळून आले. परिणामी सेवेच्या नावावर सुरू असलेला रुग्णवाहिकेचा व्यवसाय शहरात जोरदार फोफावला आहे. अमर्याद कमाईमुळे अनेक जण या व्यवसायात उतरत असतानाच गरीब रुग्णांची परवड होत आहे. ज्या रुग्णांच्या तक्रारी असतील, त्यांनी वायसीएम रुग्णालय प्रशासनाकडे लेखी तक्रार करावी. - डॉ. पवन साळवे, अतिरिक्त आरोग्य वैद्यकीय अधिकारी, महापालिका याबाबत काही तक्रारी आल्या नाहीत. असा प्रकार घडत असेल तर त्यांनी आमच्याकडे लेखी तक्रार करावी. - डॉ. अभिजित लाठी, वायसीएम रुग्णालय Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/30K6kll