सिंधुदुर्गात कोरोनाग्रस्त संख्या 5 हजाराजवळ ओरोस (सिंधुदुर्ग) - जिल्ह्यातील 21 व्यक्तीचे अहवाल आज कोरोनाबाधित आले आहेत. त्यामुळे जिल्ह्यातील एकूण कोरोनाबाधित संख्या पाच हजारच्या जवळ पोहोचली आहे. 19 रुग्णांनी कोरोनावर मात केली आहे. सक्रीय रुग्णातील 6 रुग्णांची तब्बेत चिंताजनक आहे. जिल्ह्यात आज 21 व्यक्तीचे अहवाल बाधित आल्याने एकूण बाधित संख्या 4 हजार 901 झाली आहे. यातील 4 हजार 261 रुग्णानी कोरोनावर मात केली आहे. सलग सहाव्या दिवशी सुदैवाने जिल्ह्यात एकही कोरोना मृत्यु झालेला नाही. त्यामुळे कोरोना मृत्यु संख्या 126 वर स्थिरावली आहे. परिणामी जिल्ह्यात 514 रुग्ण सक्रीय राहिले आहेत. या रुग्णावर जिल्ह्यातील विविध कोविड हॉस्पिटल व होम आयसोलेशनमध्ये उपचार सुरु आहेत, अशी माहिती जिल्हा शल्य चिकित्सक डॉ. श्रीमंत चव्हाण यांनी दिली. 514 रुग्ण सक्रिय असून त्यापैकी 6 जणांची प्रकृती चिंताजनक आहे. हे सहाही रुग्ण ऑक्‍सिजनवर उपचार घेत आहे. आरटीपीसीआर टेस्टमध्ये 19 हजार 829 नमुने तपासण्यात आले. यातील 3 हजार 519 नमुने पॉझिटिव्ह आले आहेत. आज नव्याने 102 नमूने घेण्यात आले. अँन्टिजन टेस्टमध्ये एकूण 13 हजार 918 नमुने तपासले. पैकी 1 हजार 501 नमुने पॉझिटिव्ह आले आहेत. आज नवीन 61 नमूने घेण्यात आली. आतापर्यंत एकूण 33 हजार 747 नमूने संख्या झाली आहे. तालुका निहाय रुग्ण (कंसात मृत्यू) देवगड 322 (8), दोडामार्ग 240 (2), कणकवली 1550 (30), कुडाळ 1128 (22), मालवण 405 (14), सावंतवाडी 642 (30), वैभववाडी 137 (7) , वेंगुर्ले 464, (10), जिल्ह्याबाहेरील रुग्ण 13 (1). सक्रीय रुग्ण ः देवगड-25, दोडामार्ग-48, कणकवली-130, कुडाळ-128, मालवण-39, सावंतवाडी-59, वैभववाडी-2, वेंगुर्ले-83. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/2THRng0