कमी ऑक्सिजन आणि कडाक्याच्या थंडीत १६ पैकी एवढ्या जणांनी केले हे शिखर सर नवी दिल्ली - भारत तिबेट सीमा पोलिस दलाच्या जवानांनी दुर्गम लाहोल-स्पिटी जिल्ह्यातील २२ हजार २२२ फुट उंचीच्या लिओ पारगिल शिखरावर यशस्वीरित्या चढाई करत ध्वज फडकवला. हिमाचल प्रदेशातील तिसऱ्या क्रमांकाचे शिखर मानले होय. - ताज्या बातम्यांसाठी डाऊनलोड करा ई-सकाळचे ऍप पथकातील १६ जवानांपैकी १२ जणांना शिखरावर यशस्वीरित्या चढाई करता आली. विशेष म्हणजे कोरोना संसर्गाच्या फैलावामुळे पारगिल शिखर मोहिम अधिकच कठिण झाली होती. परंतु जवानांनी कोविड-१९ च्या मार्गदर्शक सूचनांचे पालन करत शिखर सर केले. - पुण्याच्या बातम्या वाचण्यासाठी येथे ► क्लिक करा आयटीबीपी जवानांचे पथक २० ऑगस्ट रोजी सिमला येथील मुख्यालयातून रवाना झाले. या पथकाने ११ व्या दिवशी ३१ ऑगस्ट रोजी डेप्युटी कमाडंट कुलदिप सिंग यांच्या नेतृत्वाखालील कॉन्स्टेंबल प्रदीप नेगी, काको केदारता, अनिल नेगी आणि आशिष नेगी यांनी शिखर सर केले. या पथकातील अन्य सात जण धर्मेंद्र ठाकूर यांच्या नेतृत्वाखाली मंगळवारी सकाळी ११.३० वाजता शिखरावर पोचले. आयटीबीपीने निवेदनात म्हटले की, लिओ पारगिल शिखर भारतातील कठिण शिखरापैकी एक मानले जाते. तेथे ऑक्सिजनचे प्रमाण कमी आहे. तसेच कडाक्याची थंडी आणि शिखरावर तब्येत स्थिर ठेवताना येणाऱ्या अडचणींचा सामना गिर्यारोहकांना करावा लागतो. याशिवाय कोविड-१९ मुळे सोशल डिस्टन्सिंग पाळणे देखील महत्त्वाचे होते. मात्र गियारोहण पथकाने मार्गदर्शक सूचनांचे पालन करून मोहिम सर केल्याचे म्हटले आहे. प्रदीप नेगींची दुसऱ्यांचा यशस्वी चढाई आयटीबीपीच्या पथकातील हेड कॉन्स्टेंबल प्रदीप नेगी यांनी दुसऱ्यांदा लिओ पारगिलवर यशस्वीरित्या चढाई केली अाहे. एवढेच नाही तर त्यांनी एव्हरेस्ट शिखर देखील दोनदा सर केले आहे. ते हिमाचल प्रदेशच्या किन्नोर जिल्ह्यातील छिटकुल गावचे रहिवासी होत. हे गाव चीनच्या सीमेलगत आहे. आयटीबीपी जवानांचे सामर्थ्य सध्या आयटीबीपीचे ९० हजार जवान ३,४८८ किलोमीटर लांबीच्या चीनलगत असलेल्या प्रत्यक्ष ताबा रेषेवर तैनात आहेत. आतापर्यंत म्हणजेच १९६२ पासून आयटीबीपी जवानांनी २१३ शिखर मोहिमा पूर्ण केल्या आहेत. कडक्याच्या थंडीत आणि शिखरावर तैनात असल्याने आयटीबीपीचे जवान सर्वाधिक तंदुरुस्त मानले जातात. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/3gUTBSi